Tíminn - 04.06.1987, Blaðsíða 12
12 Tíminn
Fimmtudagur 4. júní 1987
FRÉTTAYFIRLIT
MOSKVA — Vestur-þýski
táningurinn sem flaug lítilli flug-
vél frá Helsinki til Rauöa torgs-
ins í Moskvu í síðustu viku
mun þurfa aö mæta fyrir rétti.
Þetta var haft eftir háttsettum
blaðamanni í Moskvu.
LUNDÚNIR - Fésýslu-
menn voru órólegir vegna ákv-
öröunar Paul Volckers um aö
segja af sér embætti banka-
stjóra bandaríska Seðlabank-
ans og ekki vissir um aö
Bandaríkin gætu haldiö áfram
aö ráöa viö veröbólgu eftir
brottför hans. Bankamenn
töldu aö mikil óvissa myndi
ríkja á alþjóðlegum peninga-
mörkuöum þar til eftirmaður
Volckers, Alan Greenspan,
myndi sýna hvort hann réöi viö
starfið.
WASHINGTON - Reagan
Bandaríkjaforseti hélt af stað
til Feneyja þar sem haldinn
veröur fundur sjö helstu iönaö-
arríkja hins vestræna heims.
Reagan sagöi að fundurinn í
næstu viku myndi styrkja sam-
starf vestrænna ríkja.
TRÍPÓLI — Hundruð þús-
unda manna fylltu stræti Tríp-
ólíborgar í noröurhluta Líban-
on en þar var Rashid Karami
forsætisráðherra, sem myrtur
var í vikunni, borinn til hinstu
hvílu. Amin Gemayel forseti
landsins hef ur fyrirskipað rann-
sókn á dauöa Karamis, leiö-
toga súnníta múslima. Hann
lést þegar sprengja sprakk í
þyrlu sem hann var farþegi í.
AMMAN — Hosni Mubarak
forseti Egyptalands kom
óvænt til Ammanborgar og átti
viðræöur við Hussein Jórdan-
íukonung. Þetta var annar
fundur þessar manna á tæpum
mánuði.
LUNDÚNIR — íranir hófu
nýja sókn í stríöi sínu viö Iraka
seint í fyrrakvöld. Fréttastofan
IRNA í Teheran sagöi heri
Iransstjórnar hafa náö þremur
mikilvægum hæðum á sitt vald
og fellt eoa sært um átta hundr-
uð írakska hermenn.
OTTAWA — Stjórnmála-
leiötogar í Kanada hafa sam-
þykkt samhljóða aö breyta
stjórnarskránni og koma Qu-
ebechéraöi, þar sem frönsku-
mælandi fólk er í meirihluta,
inn í hana. Nú eru fimm ár
síðan forystumenn í Ottawa
og hinum níu héruðunum skrif-
uðu undir stjórnarskrárlögin.
'llllllllllllllllllllllll ÚTLÖND llllllllllllllllllllllllllllllllllllllllllllllllllllllllllllllllllllllllillllllll
Sri Lanka/lndland:
Bátunum snúið við
- Hjálpargagnadeilan milli stjórnvalda á Sri Lanka og Indlandi
komst á alvarlegt stig í gær
Colombo-Reuter
Hinn litli sjóherSri Lankastjórnar
stöðvaði bátaflota frá Indlandi í gær
er hann sigldi inn fyrir landhelgi Sri
Lanka með vistir ætlaðar tamilum á
Jaffnaskaganum.
Bátafloti Indverja samanstóð af
tuttugu fiskibátum og voru þeir fyrst
í stað kyrrsettir á liinu mjóa sundi
milli Indlands og Sri Lanka og lágu
við akkeri við Kachchativueyju, um
átján kílómetra undan indversku
hafnarborginni Rameshwaram.
Nokkrum stundum síðar héldu bát-
arnir aftur til Indlands.
Eins og Tíminn skýrði frá í gær
ætlaði indverska stjórnin að senda
birgðir til almennra borgara á Jaffna-
skaganum. Þar hefur stjórnarherinn
á Sri Lanka sótt mjög fram gegn
skæruliðum tamila að undanförnu
og fréttir hafa borist um að margir
hinna 800 þúsund tamila, sem á
skaganum búa, eigi um sárt að binda
og matvælaskortur sé mikili. Þess
má geta að um fimmtíu milljónir
„Heitt“ svæði á kortinu þessa dagana: Indverskir bátar með birgðir ætlaðar
tamilum á Jaffnaskaganum voru stöðvaðir af landhelgisbátum Sri Lanka
stjórnar ■ gær.
tamila búa á Indlandi og eru sterk
tengsl milli þeirra og þess hóps
tamila sem býr aðallega á norður- og
austursvæðum Sri Lanka.
Stjórnvöld á Sri Lanka, þar sem
hatrammt borgarastríð hefur geisað
undanfarin ár milli sinhalesa og
minnihlutahóps tamila, segja hins
vegar engan matvælaskort vera ríkj-
andi á Jaffnaskaganum. Þau hafa þó
ekki neitað að taka við matvælunum,
segja aðeins að slíkar sendingar
verði að fara eftir venjulegum leið-
um og með samkomulagi milli
stjórnvalda ríkjanna tveggja.
í bátunum tuttugu voru um hundr-
að blaðamenn, bæði frá Indlandi og
öðrum löndum, til að fylgjast með
þessari deilu.
Shahul Hameed utanríkisráð-
herra Sri Lanka stjórnar var í gær í
sambandi við Javier Perez De Cuell-
ar aðalritara Sameinuðu þjóðanna
og bað hann um að láta öryggisráðið
fylgjast með atburðarásinni á sund-
inu milli Indlands og Sri Lanka.
Austurríki/Bandaríkin:
Ný nasistadeila
New York-Reuter
Austurríkismenn verða að taka
við manni, sem var vörður í útrým-
ingarbúðum nasista á árum síðari
heimsstyrjaldarinnar, vegna sam-
komulags sem gert var fyrir rúmum
þrjátíu áruni. Þetta var haft eftir
embættismanni í bandaríska dóms-
málaráðuneytinu í gær.
Karl Blecha innanríkisráðherra
Austurríkis er hins vegar á öðru máli
og segir það óþolandi að Austurríki
verði notað sem ruslahaugur þar
sem henda mcgi stríðsglæpamönn-
um. Þessi orð og önnur hafa fallið í
nýrri deilu milli stjórnvalda Banda-
ríkjanna og Austurríkis.
Martin Bartesch heitir maðurinn
scm málið snýst um. Hann missti
ríkisborgararétt sinn í Bandaríkjun-
um í síðustu viku eftir að hafa
viðurkennt að hafa falið fortíð sína
er hann flutti frá Austurríki vestur
yfir haf árið 1955. Bartesch var
fangavörður í búðum nasista í Maut-
hausen á stríðsárunum.
Eftir að hafa verið rekinn frá
Bandaríkjunum hélt Bartesch til
Austurríkis en þar var hann hand-
tekinn hið snarasta og hafa austur-
rísk stjórnvöld sagt að þau hyggist
senda hann aftur þangað sem hann
kom frá, nefnilega til Bandaríkj-
Japan:
Valdaslagur
- Noboru Takeshita þykir líklegastur til aö veröa
næsti forsætisráðherra Japans
Tokyo-Rcuter
Noboru Takeshita, fyrrum
fjármálaráðherra Japans, steig í
gær mikilvægt skref í áttina að því
að taka við forsætisráðherrastarf-
inu úr hendi Yasuhiro Nakasone
síðar á þessu ári.
Hinn 63 ára gamli Takeshita
tryggði sér stuðning 118 flokks-
bræðra sinna í Frjálslynda lýð-
ræðisflokknum sem fer með vöíd í
landinu. Þar með vann hann, að
minnsta kosti tímabundið, sigur í
baráttunni um að stjórna stærsta
hópnum innan flokksins og líkurn-
ar á því að hann verði næsti
leiðtogi Japana jukust verulega.
„Takeshita er orðinn forystu-
sauðurinn,“ sagði einn stjórnmála-
sérfræðingur í gær.
Aðrir stjórnmálaskýrendur
töldu þó að mikið gæti átt eftir að
ganga á á þeim mánuðum sem eftir
eru af valdatíma Nakasone og
línurnar væru enn mjög óskýrar.
Búist er við að Nakasone láti af
embætti sínu í lok októbermánað-
ar.
Fjórir háttsettir einstaklingar
innan Frjálslynda lýðræðisflokks-
ins berjast um að fá að taka við af
Nakasone. Auk Takeshita, sem er
aðalritari flokksins, eru það þeir
Shintaro Abe, fyrrum utanríkis-
ráðherra, Kikchi Miyaazawa
fjármálaráðherra og Susumu Nik-
aido, fyrrum varaforseti flokksins,
sem setjast vilja í forsætisráðherra-
stólinn.
Þeir Takeshita og Nikaido hafa
að undanförnu barist hart um að
ná stuðningi helsta hópsins innan
stjórnarflokksins og virtist Takes-
hita kom vel út úr þeim valdaslag í
gær þegar meira en 80% meðlima
Tanaka hópsins svokallaða lýstu
yfir stuðningi við hann.
Þótt Takcshita hefði unnið
mikilvægan áfangasigur í gær var
þó ljóst að honum dugir ekki
stuðningur Tanaka hópsins ein-
göngu því Frjálslyndi lýðræðis-
flokkurinn, sem er langstærsti
flokkur landsins og hefur 445
þingmenn, skiptist í fimm hópa.
Takeshita verður því að vera skæð-
ur í valdataflinu áfram eigi forsæt-
isráðherrastóllinn að verða hans,
að öllum líkindum fyrir næstu ára-
mót.
Bandarísk stjórnvöld segjast hins
vegar hafa í fórum sínum bréf frá
austurrískum stjórnvöldum, skrifað
árið 1955 og í samræmi við innflytj-
endalög þar vestra frá árinu 1953.
Þar lofa austurrísk yfirvöld að taka
aftur við Bartesch komi einhvern
tímann í ljós að hann hafi fengið
bandarískan ríkisborgararétt á
fölskum forscndum.
Mál Bartesch hefur vakið upp
nýjar deilur milli Bandaríkjanna og
Austurríkis en samskipti þessara
ríkja hafa verið stirð að undanförnu,
eftir að bandaríska dómsmálaráðu-
neytið setti Kurt Waldhcim forseta
Austurríkis á svarta listann yfir þá
einstaklinga sem ekki fá að koma til
Bandaríkjanna í einkaerindum.
Waldheim er grunaður um að eiga
vafasama fortíð er tengist stríðs-
glæpum nasista.
Stjórnmálaskýrendur voru í gær
flestir sammála um að mál þetta væri
hið versta fyrir Austurríkisstjórn.
Hún hefur að undanförnu verið að
reyna að bæta ímynd sína út á við er
fékk á sig svartan blett þegar ásakan-
irnar um vafasama fortíð hins ný-
kjörna forseta tóku að koma fram í
fyrra.
Spánn:
Dauði gítar-
snillings
Madríd-Rcuter
Andres Segovia, hinn heims-
frægi spænski gítarsnillingur, lést
í Madrídborg í gær 94 ára að
aldri. Hann hlaut eðlilegan dauð-
daga á heimili sínu og liggur lík
hans á viðhafnarbörum í híbýlum
listaakademíu þeirra Spánverja
en jarðarför lians fer fram í dag.
Segovia fæddist í Andalúsíu-
héraði á suðurhluta Spánar þar
sem gítarmúsíkin á sterkastar
rætur. Fyrstu tónleikana hélt
hann fimmtán ára gamall.
Gítarleikaranum var jafnan
þakkað fyrir að hafa flutt spænska
gítarinn inn í frægar tónleikahall-
ir en hann hafði aðallega verið
þekktur sem hljóðfæri sígauna.
Segovia hafði fyrirhugað að
halda ellefu tónleika í Bandaríkj-
unum í vor. Hann varð hins vegar
að hætta við þá för eftir að hafa
verið fluttur á sjúkrahús í New
York. Langlífi sitt þakkaði hann
öfgalausu iíferni sem tileinkað
var fjölskyldunni og gítarnum.
Sri Lanka:
Dauðarefsingin
lifir og líka
þeir dæmdu
Colombo-Rcutcr
Dómari á Sri Lanka dæmdi í
vikunni Reginald Spiers, Ástralíu-
mann sem er fyrrverandi meistari í
spjótkasti, til dauða fyrir að reyna
að smygla heróíni og hassi inn í
landið.
Hinn 44 ára gamli Ástralíumaður
var fundinn sekur um fjórar ákærur
um heróínsmygl og dæmdur til
dauða fyrir rétti í Negombo, skammt
utan við höfuðborgina Colombo.
Samkvæmt heimildum á Sri Lanka
var dauðarefsingin ósköp venjulegur
dómur, slíkt er venja þegar menn
eru fundnir sekur um eiturlyfja-
smygl.
Dauðarefsing á Sri Lanka fer
þannig fram að menn eru hengdir.
Hins vegar hefur hún ekki verið
notuð í nokkur ár þrátt fyrir að
kveðnir hafi verið upp dómar þar að
lútandi og því er búist við að Spiers
sleppi við gálgann. Hann gæti engu
að síður þurft að dúsa í fangelsi
ævilangt.