Tíminn - 04.06.1987, Blaðsíða 10
10 Tíminn
lllllllllllllllllllllllllll ÍÞRÓTTIR
Sigi Held lands-
liðsþjálfari:
„Spiluðu ekki
eins og lið“
„Hjálpin var lítil og lcik-
mcnnirnir spiluðu ekki eins og
ein liðsheild,“ sagði Sigi Hcld
landsliðsþjálfari eftir stórtapið í
gærkvöldi. Aðrar skýringar hafði
hann ekki á reiðum höndum,
talaði' þó rcttilega um slæma
nýtingu á tækifærum og að leik-
keril ynnu ekki viðureignir lield-
ur leikmennirnir ellefu sem spila
hverju sinni.
Held sagðist hafa tekið Ásgeir
Sigurvinsson út af þar scm þjálf-
ari Stuttgart hefði farið fast fram
á að hann spilaði ekki allan
leikinn en vestur-þýska félagslið-
ið á leik á föstudaginn. Sorglegt
að ckki skuli vera ákvæði um það
í samningi Ásgeirs að liann geti
spilað í landsleikjum að vild.
Breytingar fyrir næsta leik?
Ekki vildi Held tjá sig um það,
sagðist ætla að vera hcr á landi
einhvern hluta suuiarsins til að
fylgjast með bestu knattspyrnu-
mönnunum sem leika hér á landi.
Ágúst Már
Jónsson:
„Trúðum
ekki á
sjálfa okkur“
„Þeir léku mjög vel, aðstoðin
milli sóknar og miðju var mikil og
skiptingar tíðar,“ sagði Ágúst
Már Jónsson KR-ingur daufur í
dálkinn eftir að hann og samherj-
ar hans höfðu fcngið slæina útreið
hjá þeim hvítklæddu.
„Við töluðum iim í hálfleik að
sjálfstraustið yrði að vera til stað-
ar en það fauk náttúrlega út í
veður og vind cr mörkin
hrönnuðust upp og allt gekk
Þjóðverjunum í hag,“ sagði Ág-
úst sem þarna mátti þola sitt
stærsta tap á knattspyrnuferli
sínum.
lan Ross þjálfari
Valsmanna:
Aftur til
fortíðar?
„Ég vona að þessi ósigur færi
ckki íslenska knattspyrnu mörg
ár aftur í tímann því mér finnst
hún hafa að mörgu leyti vcrið að
hatna,“ sagði lan Ross þjálfari
Valsnianna eftir landsleikinn í
gær og var greinilega umhugað
um stórtapið.
„Austur-Þjóðvcrjarnir voru
með mjög gott lið og ég var
hrifinn af samvinnu þeirra," sagði
Ross sem vildi hins vegar ekki tjá
sig um frammistöðu íslenska liðs-
ins utan þess að minnast á dauða-
tækifærið seint í fyrri hálfleik og
vítaspyrnumissinn í byrjun síðari
hálfleiks.
„Auðvitað hefði það getað
breytt leiknum cf okkur hefði
tekist að skora úr þessum færum
en svona er fótboltinn,“ sagði
þessi vel liðni þjálfari Vals-
manna.
Staðan í 3. riðli
Sovétríkin ... 5 4 1 0 10-1 9
A-Þýskaland ..5 2 2 1 8-2 6
Frakkland .... 4 1 2 1 2-2 4
ísland...... 5 0 3 2 1-11 2
Noregur ..... 3 0 1 2 0-5 1
Niðurlæging í Laugardal
Austur-þýska landsliðið í knatt-
spyrnu fór illa með íslenska landslið-
ið í leik liðanna í 3. riðli undan-
keppni Evrópkeppni landsliða í
knattspyrnu á Laugardalsvelli í gær-
kvöldi. Áður en Sörensen dómari
flautaði til leiksloka hafði boltinn
sex sinnum legið í íslenska markinu.
Fleiri mörk hefur íslenska landsliðið
aldrei fengið á sig á Laugardalsvelli.
Strax frá fyrstu mínútu var Ijóst að
íslenska liðið var langt frá því að
leika eins og það er vant, einhver
deyfð virtist yfir leikmönnum og
vörnin var bókstaflega á nálum.
Ekki bætti úr að A-Þjóðverjarnir
hófu leikinn með miklum hamagangi
og látum og áttu hvert færið á fætur
öðru á upphafsmínútunum. Strax
kom í Ijós að Þjóðverjarnir voru
miklu sneggri, léku mun betur sam-
an og íslendingarnir höfðu einfald-
lega ekki roð við þeim.
Fyrsta mark Þjóðverjanna kom á
15. mínútu. Minge fékk þá sendingu
frá Doll inn á teiginn og skoraði
framhjá Bjarna. Einhvernveginn
fannst manni nú að Bjarni hefði átt
að verja þetta skot. Vörnin var illa á
verði þarna.
Næst bar það við að Arnór skaut
rétt framhjá marki Þjóðverjanna,
notaði hjólhestaspyrnu til þess. Þá
var aftur komið að gestunum, Gunn-
ar Gíslason ætlaði að senda boltann
aftur á Bjarna en mistókst hrapa-
lega. Þeim félögum tókst þó að
bjarga á elleftu stundu. Þá bjargaði
Ágúst Már Jónsson vel þar sem hann
var aleinn á móti tveimur Þjóðverj-
um. Annað markið kom svo á 37.
mín. Doll vann þá boltann, hljóp
upp vinstri kantinn og gaf vel fyrir.
Thom fékk boltann á hægra víta-
teigshorninu og skaut föstu við-
stöðulausu skoti í markið.
fslendingar fengu tvö færi áður en
hálfleikurinn var úti. Fyrst var það
Arnór sem skaut beint á markmann-
inn en síðan komst Ómar einn í gegn
eftir stungusendingu frá Pétri Pét-
urssyni. Ómar var einn á móti mark-
manninum sem var kominn úr jafn-
vægi en í stað þess að gera einfalda
gabbhreyfingu og leika framhjá
markmanninum skaut Ómar beint í
fangið á Múller. Ótrúlega klaufa-
legt.
Hálf voru áhorfendur og væntan-
lega einnig leikmenn daufir í hálf-
leik. Vonin kviknaði þó að nýju
þegar íslenska liðið hóf fyrri hálfleik
með mikilli baráttu. Þeir fengu svo
vítaspyrnu strax á fyrstu mínútunni,
einn varnarmanna Þjóðverja ýtti á
bakið á Atla inni í vítateignum.
Pétur Pétursson tók vítaspyrnuna en
Reni Múller átti ekki í vandræðum
með að verja laflaust skot hans.
Aðeins þremur mínútum síðar
kom þriðja mark Þjóðverja. Doll
var þá aleinn og hreinlega einmana
á markteig íslendinga, hann hljóp
inní eftir aukaspyrnu og skoraði
framhjá Bjarna sem virtist ekki vita
hvaðan á sig stóð veðrið. Nokkru
síðar fengu fslendingar gott færi,
Sævar skaut þá þrumuskoti á markið
en einn varnarmanna bjargaði á
línu.
Fjórða markið var laust skot frá
Thom af 25 m færi á 69. mín. Sendi
boltann yfir vörnina í mestu róleg-
heitum. Þessu hefði Bjarni nú átt að
sjá við. Fimmta markið gerði Dösc-
hner á 85. mín. Félagar hans stilltu
upp boltanum í aukaspyrnu, annar
renndi honum til hliðar, hinn stopp-
aði hann og Döschner skaut beint í
markið. Einfalt. Síðasta markið kom
svo mínútu fyrir leikslok og skoraði
Thom það, skaut frá vítateignum
eftir sendingu frá Ernst.
Vörn íslenska liðsins var afskap-
lega svifasein og vann illa saman í
leiknum. Eitt besta dæmið um það
mátti sjá er Ernst var með boltann
fyrir framan vörnina, sendi hann
innfyrir og hljóp síðan sjálfur í gegn
á eftir honum. Vörnin sat eftir og
engin völdun var til staðar, þeir
Ágúst Már, Gunnar og Sævar voru
allir í einni flatri línu. Þá lék liðið oft
á tíðum illa saman en það sem mest
var áberandi var hversu svifaseinir
þeir voru. Gunnar Gíslason var
mjög óöruggur í vörninni, sérstak-
lega þó í fyrri hálfleik og mjögseinn.
Ágúst Már og Sævar voru heldur
ekki nógu öruggir. Atli spilaði
leiðinlega og var allt of grófur.
Sigurður Jónsson var besti maður
íslenska liðsins, hélt boltanum vel
og reyndi a.m.k. að spila. Ómar
Torfason misnotaði mjög klaufalega
dauðafæri en sást að öðru leyti lítið.
Ragnar Margeirsson var fremur
slakur og Pétur Arnþórsson sást
varla eftir að hann kom inn í stað
Ragnars. Ásgeir Sigurvinsson átti
eina og eina góða sendingu en var
slakur á milli. Arnór Guðjohnsen,
Lárus Guðmundsson og Pétur Pét-
ursson voru þeir menn sem komu
næst á eftir Sigurði, áttu ágætis
spretti en áttu erfitt uppdráttar gegn
fljótum og fjölmennum Þjóðverjum
í vörninni.
Þessi leikur var sannarlega leikur
kattarins að músinni, það var ekki
nóg með að Þjóðverjarnir væru góðir
og íslendingarnir lélegir heldur gekk
ekki upp það sem íslenska liðið var
að reyna að gera og þeir náðu ekki
að skora þrátt fyrir mörg ágæt tæki-
færi. Það er bara vonandi að þessi
leikur gleymist sem fyrst, þetta var
baraeinnafþessumdögum... -HÁ
Slakt í Osló:
Sovétmenn unnu
án þess að
sýna klærnar
Norðmenn lágu fyrir Sovétmönn-
um í undankeppni Evrópukcppninn-
ar í Osló í gærkvöldi, töpuðu með
einu marki gegn engu fyrir slöku
sovésku liði og geta því eins og
fslendingar lagt alla Davíðsdrauma
á hilluna. Já, Golíat lét ekki að sér
hæða, Alexander Zavarov skoraði
fyrir Sovétmenn á sextándu mínútu
og kom markið eftir þvögu í víta-
teignum.
Vörn Norðmanna var ótraust í
gærkvöldi og stundum náðu Sovét-
menn að keyra upp í hraðaupphlaup
og sýndu þá að forysta þeirra í
riðlinum er ekki óverðug. Yfirleitt
var þó heldur lítið um að vera á
Ullevalla leikvanginunt og þeir rúm-
lega tíu þúsund áhorfendur sem
leikinn sáu héldu vonsviknir heim á
leið.
Ómar Torfason fékk mjög gott færi í lok fyrri hálfleiks, aleinn á móti Rene Múller markverði. í stað þess að leika
á Múller og eiga þá beina leið í autt markið skaut Ómar strax en eins og sést hér var Múller þá þegar kominn úr
jafnvægi. Tímamynd Brein.
Pétur Pétursson misnotaði vítaspyrnu sem íslenska liðið fékk á fyrstu mínútu síðari hálfleiks. Múller átti auðvelt
með að verja laflaust skot hans. Tímamynd Brein.