Tíminn - 05.10.1989, Blaðsíða 4

4 Tíminn
Fimmtudagur 5. október 1989
Eimskip:
Nýskipan á
efstu stöðum
Eimskip gerði nokkrar breytingar á skipan hinna mismun-
andi sviða innan fyrirtækisins og tóku þær fyrstu gildi núna
1. október en aðrar bíða 1. desember nk. Starfsemi félagsins
er nú skipt í þrjú meginsvið, fjármálasvið, flutningasvið og
þróunarsvið.
Núna um mánaðarmótin voru
flutningssvið og rekstrarsvið félags-
ins færð undir einn hatt og kallast nú
flutningasvið. Deildir áætlanaflutn-
inga skiptast nú i innflutnings-, út-
flutnings -og innanlandsdeild og
starfar hver samkvæmtsínu heiti. Er
markmiðið að gera viðskiptamönn-
um þjónustuna persónulegri og ein-
faldari, þannig að þeir þurfi ekki að
leita til mismunandi starfsmanna,
eftir því hvaða landssvæði eigi í hlut.
Aðrar deildir áætlanaflutninga eru
utanlandsdeild og stórflutning-
adeild.
Þá hafa verið stofnaðar tvær nýjar
deildir er einnig munu teljast til
flutningasviðs .Ber fyrst að nefna
rekstrardeild, er annast mun rekstur
alls tækjabúnaðar félagsins, sem og
rekstur flutningamiðstöðvar Eim-
skips í Sundahöfn og umhirðu gáma.
I'á mun utanlandsdeild sjá um rekst-
ur erlendis, jafnt þjónustu við er-
lenda viðskiptamenn sem rekstur
skrifstofa Eimskips á erlendri grund.
Einnig ber henni að leita nýrra
verkefna erlendis. Breytingar þessar
á flutningasviði munu bíða fyrsta
desember. Þá ber að nefna þróun-
arsvið er hefur með höndum stefnu-
markandi áætlanagerð fyrir félagið
og annast frumkvæði að heildar-
stefnumótun.
Framkvæmdastjórum félagsins
fækkar nú úr fjórum niður í þrjá, þar
sem Valtýr Hákonarson hyggst láta
af starfi eftir 45 ára feril hjá Eim-
skipafélaginu. Þórður Sverrisson
mun veita hinu nýja flutningasviði
forstöðu, Þórður Magnússon er
framkvæmdastjóri fjármálasviðs og
Þorkell Sigurlaugsson er fyrir þróun-
arsviði. Starfsmenn munu í megin-
atriðum sinna svipuðum verkefnum
og áður, þrátt fyrir hinar formlegu
skipulagsbreytingar. Nokkrar til-
færslur munu þó eiga sér stað.
VIKIVAKI HELDUR
KOSTNAÐARÁÆTLUN
Vikivaki, kvikmyndin sem verið
er að taka við Geysi, hefur staðist
þær kostnaðaráætlanir sem settar
voru í upphafi, að sögn Hrafns
Gunnlaugssonar sem er framleið-
andi myndarinnar fyrir hönd Nord-
vision.
Gert er ráð fyrir að myndin komi
til með að kosta 7 milljónir sænskra
króna eða um 60 milljónir íslenskra
króna. Hrafn sagði að kostnaðar-
áætlanir hefðu staðist mjög vel til
þessa og í dag væri hún vel undir
kostnaðaráætlun. „Dag skal að
kvöldi lofa,“ sagði Hrafn. Hann
sagðist frekar búast við því að mynd-
in yrði undir þeirri fjárhagsáætlun
sem gerð hefði verið í upphafi,
þegar upp væri staðið. - ABÓ
Jón Karlsson hjúkrunarfræðingur við störf í Kabul fyrir skömmu.
Rauði krossinn:
Starfsmenn erlendis
þrefalt fleiri í ár
Rauði Kross íslands færir stöð-
ugt út kvíamar og hefur verið varið
um tuttugu milljónum króna til
hjálparstarfs á fyrra helmingi þessa
árs. Er þar um tvöföldun að ræða
frá síðasta ári. Af þessu fé var
fjórum milljónum varið til neyðar-
hjálpar og uppbyggingarstarfs í
Armeníu sem varð illa úti í jarð-
skjálftum í fyrra, svo sem kunnugt
er. Alls var um tólf milljónum af fé
stofnunarinnar varið til neyðar-
hjálpar, fyrstu sjö mánuði þessa
’árs. Sömuleiðis var þróunarhjálp
aukin og hafa um átta milljónir
runnið til uppbyggingarstarfs, þar
af 4.7 milljónir til Eþíópíu. Á
þessu ári hafa alls sex Islendingar
unnið á vegum Rauða Krossins
erlendis, þrefalt fleiri en á síðasta
ári. íslenski Rauði Krossinn leggur
sérstaka áherslu á þróunaraðstoð í
starfi sínu og leitast er við að veita
fremur aðstoð í formi mannafla til
hjálpar- og uppbyggingarstarfa en
fjárframlaga. Nýlokið er þjálfun
starfsfólks er sent verður til slíkra
starfa í Thailandi, Afghanistan eða
Pakistan.
Þrjár gengisfellingar og sex gengissig - alls um 20% gengisfelling á níu mánuöum:
GENGID FELLT Á MÓTI
Hjálmar til Sviss
Hjálmar W. Hannesson sendi-
herra gekk á fund forseta Svisslands,
Jean-Pascal Delamuraz, 28. sept.
síðastliðinn og afhenti honum trún-
aðarbréf sitt sem sendiherra íslands
í Sviss. Hjálmar mun hafa aðsetur í
Bonn í Vestur-Þýskalandi.
LAUNAHÆKKUN ÁRSINS
Gengislækkun fram til 3. mars var
einkum til þess gerð að vinna upp
halla frá fyrra ári, „en frá þeim tíma
hefur einkum verið snúist við launa-
hækkunum ársins. Er nú svo komið,
að hækkun gjaldmiðla frá þessum
Samanburður á Kasparov og Fischer:
ALLT ANNAÐ ELO?
Stigamet Garry Kasparovs
sem hann setti á Interpolis
skákmótinu í Hollandi á mánu-
dag hefur vakið verðsluldaða
aathygli. Kasparov bætti þá 17
ára gamalt met Bobby Fischers
um 10 ELO stig, en opinber-
Iega verða þó stigin ekki gefin
út fyrr en um áramót og er rétt
hugsanlegt að þá verði Kaspar-
ov annað hvort búinna að bæta
við sig stigum eða missa. Menn
eru þó ekki á eitt sáttir um það
hvort árangur Kasparovs sé í
raun sambærilegur við árangur
Fischers á sínum tíma.
Að sögn Jóhannesar Þóris Jóns-
sonar, alþjóðlegs skákdómara og
ritsjóra tímaritsins SKÁK, er
samanburður á ELO-stigum skák-
meistaranna Roberts Fischer og
Gary Kasparovs „afar erfiður, við-
kvæmur og hæpinn." Stigin eru
heitin eftir prófessor nokkrum er
lagði þau fram fyrir um tuttugu
árum síðan og skyldi nota þau sem
mælistiku á getu skákmanna. Hins
vegar hefur vægi þeirra tekið mikl-
um breytingum í tímans rás. Því
eru stig þau, er Bobby Fischer
aflaði sér fyrir tuttugu árum, allt
öðruvísi út reiknuð en þau stig er
Kasparov sankar að sér á mótinu í
Hollandi nú. Mun meir þurfti til,
fyrir tuttugu árum, til þess að ná
árangri Fishers. Jóhann tók svo til
orða, að Kasparov væri „meira í
vemduðu umhverfi" í stigaöflun
sinni. Auk þessa telur Jóhann
skákstigin afar vafasaman mæli-
kvarða, enda ráðist fjöldi þeirra af
styrkleika þess hóps er teflt sé í.
Þess slakari sem andstæðingarnir
séu, þess auðveldari sé stigaöflunin
og segi því í raun ekkert afgerandi
um viðkomandi skákmann, én þess
meir um getu þess hóps er hann
teflir á móti.
Jóhann kvað nánast vonlaust að
framreikna árangur Fischers til
„núvirðis" ELO-stiga. Vísir að
samjöfnuði á getu hans og Kaspar-
ovs hefði því aðeins fengist að þeir
félagar hefðu teflt á sömu mótum.
Þannig hefði fengist órækur vottur
um frammistöðu þeirra andspænis
sama skákstyrk. Einnig má minna
á að Fischer náði stigum sínum
áður en hann varð heimsmeistari
en Kasparov öðlaðist sín löngu
eftir þann áfanga. Þó á Fischer
færri skákir að baki en Kasparov,
enda hefði Fischer forðast skák-
borðið langtímum saman.
Fischer mun vera í fullu fjöri,
enda aðeins 46 ára að aldri, en ekki
hefur hann sest að skákborði í
áraraðir. Ýmsir miklir skákmenn,
Spassky og Korchnoi þar á meðal,
hafa lýst hann mesta skáksnilling
samtíðarinnar. - JBG
tíma jafnast vel á við áætlaða launa-
hækkun ársins", segir m.a. í grein
um gengisþróun og gengisstefnu
1989 í Hagtölum Seðlabankans.
Fram kemur að verð erlendra gjald-
miðla hækkaði um 10,3% frá ára-
mótum til 3. mars og síðan um
12,9% til viðbótar (á móti launa-
hækkunum) fram til 21. september
s.l. Þá var ónotuð heimild til hækk-
unar um 0,6% og því gert ráð fyrir
að verð gjaldmiðla hækki um 25,2%
á árinu. Sú hækkun samsvarar
20,1% gengislækkun krónunnar.
Seðlabankinn segir forsendur fast-
gengisstefnunnar sem hér var við
lýði 1986-1987 hafa brostið árið
1988. Meðalverð erlendra gjald-
miðla var hækkað um 21,8% (og
krónan lækkað um 19,9%) yfir það
ár. Það dugði þó ekki til. Raungengi
var hátt og samkeppnisstaðan slök í
lok ársins og ljós þörf á frekari
aðlögun í gengisskráningu í byrjun
þessa árs. Það var gert með 9,3%
gengisfellingum og sigi í jan.-mars.
„Kjarasamningar frá í vor fela í
sér um 9% meðalhækkun launa frá
apríl til desember. Þar sem bati á
viðskiptakjörum er ekki fyrirsjáan-
legur veitti ríkisstjórnin fyrirheit um
viðunandi stöðu útflutnings- og sam-
keppnisgreina, Áformi þessu varð
að sjálfsögðu einkum komið fram
með gengisskráningunni og hefur
gengi krónunnar fallið um 11,4%
(verð gjaldmiðla hækkað um 12,9%)
frá 10. maí til 21. september".
Gengið hefur þrisvar verið fellt
formlega á þessu ári og sex sinnum
látið síga. Hækkun á verði erlendra
gjaldmiðla í hverjum mánuði fyrir
Janúar 5,1 %
Febrúar 3,7 %
Mars 1,1 %
Apríl 0,0 %
Maí 2,5 %
Júní 3,3 %
Júlí 3,1 %
Ágúst 1,7 %
September 1,7 %
Alls 24,5 %
Gengið hefur því breyst í hverjum
einasta mánuði ársins utan apríl-
mánaðar.
Gjörbreyting á raungengi
Gjörbreyting er orðin á raungengi
krónunnar frá fyrra ári, að mati
Seðlabankans. Frá ársbyrjun 1988
hafi það lækkað um 12% miðað við
verðlag og um 20% sé miðað við
launakostnað.
„Ógerlegt er að meta rekstrarskil-
yrði til fullnustu eftir raungenginu,
enda samkeppnisstaðan mun ná-
kvæmari mælikvarði á útflutnings og
samkeppnisgreinar. Á þessu ári hef-
ur gengið verið stillt inn á það að
samkeppnisstaða sjávarútvegs verði
ekki lakari en grunnárið 1979, sem
hefur að jafnaði þótt fullnægjandi
viðmiðun". - HEI