Tíminn - 14.07.1987, Blaðsíða 15

Þriðjudagur 14. júlí 1987
Tíminn 15
■l SAMVINNUMÁL i||||||||||||illllll||||||||||||||||||||||||||||||||||||||||||||||||^
Auka þarf f ramleiðsl-
una fyrir
Bandaríkja-
markað
- segir Eysteinn Helgason frkvstj. Iceland
Seafood Corporation í Bandaríkjunum
Ljóst er að umtalsverðar verð-
hækkanir hafa átt sér stað á íslensk-
um fiskafurðum á Bandaríkjamark-
aði. Petta kemur m.a. fram í því að
hjá Iceland Seafood Corp, sölufyrir-
tæki Sambandsins og Sambands-
frystihúsanna í Bandaríkjunum, hef-
ur orðið töluverð aukning á sölu í
verðmæti, en ekki í magni.
Eysteinn Helgason framkvæmda-
stjóri sagði að fyrstu sex mánuði
þessa árs hefði sala á verksmiðju-
framleiddum réttum staðið í stað í
magni frá sama tímabili í fyrra, en
aftur hefði orðið um 20% aukning í
verðmæti á þessunt tíma. Þá hefði
orðið um 4% samdráttur í sölu á
flökum í magni, én 17% aukning í
verðmæti. Síðustu tólf mánuði taldi
Eysteinn að verðhækkunin hefði
orðið að meðaltali um 20%, sem þó
væri erfitt að meta nákvæmlega
vcgna þess hvað hækkanir hefðu
orðið mismunandi miklar innan ein-
stakra vöruflokka.
Eysteinn benti líka á að þótt
aðeins hefði orðið 4% samdráttur í
flakasölunni þá vægi þar þungt bæði
grálúða, ufsi og karfi, en þorskfram-
leiðslan hefði dregist enn þá meira
saman.
„Það er raunverulega í þorskinum
sem skóinn kreppir," sagði Ey-
steinn. „Við höfum fengið fyllilega
okkar skerf af grálúðu, ufsa og
karfa, og raunar vel það, og það
hefur selst allt jafnóðum. Ýsa hefur
aftur á móti minnkað verulega, aðal-
lega vegna minni veiði, en í þorsk-
flökum höfum við töluvert misst
okkar hlut, og þar má segja að
staðan sé alvarlegust."
Aðspurður sagði Eysteinn einnig
að hér væri trúlega fyrst og fremst
um að ræða samkeppni við gámafisk-
inn, einkum fyrri hluta ársins, en
einnig kæmi hér til aukning á fram-
leiðslu á saltfiski og jafnvel skreið,
auk þess sem töluvert myndi hafa
farið í fljótunnar umbúðir fyrir Bret-
land og önnur Evrópulönd.
„Aðalatriðið er það,“ sagði Ey-
steinn, „að flakaframleiðslan fyrir
Bandaríkin hcfur ekki verið nóg,
fyrst og fremst að því er varðar
þorskflök, og þess vegna höfum við
ekki nándar nærri getað sinnt eftir-
spurn. Af þessum sökum höfum við
átt í miklum erfiðleikum með að
þjóna okkar föstu viðskiptavinum
sem hafasýnt okkur traust í áratugi.
Þess vegna er mjög mikilvægt
núna, þegar verð eru tiltölulega
mjög sterk og dollar sterkari heldur
en hann hefur verið undanfarna
mánuði, að sem stærstur hluti fram-
leiðslunnar á þeim vikum og mánuð-
um sem framundan eru fari í pakkn-
ingar fyrir Bandaríkjamarkað.
Eysteinn Helgason framkvæmda-
stjóri Iceland Seafood Corporation.
('I imamynd GE.)
Þetta er nauðsynlegt til þess að
hægt verði að viðhalda þessum
markaði og treysta þá eign sem felst
í markaðskerfi okkar hérna. Þess
vegna verða framleiðendur núna að
standa vörð um þennan markað með
því að framleiða ri'flega fyrir hann á
næstu mánuðum," sagði Eysteinn
Helgason að lokum. -esig
lllllllll LEIKHÚS lllllllllllllllllllllllllllllllllllllllll^
Leikið í hring
Hlaðvarpinn: SJÖ SPEGILMYNDIR.
Handrit, leikmynd: Messíana Tómas-
dóttir. Tónlist: Patrick Kosk: Leik-
stjórn: Messíana Tómasdóttir og Patr-
ick Kosk. Lýsing: Ágúst Pétursson.
Þessi sérstæða sýning var frum-
sýnd í Hlaðvarpanum þriðjudags-
kvöldið 7. júlí, ein af þeim sumar-
sýningum sem maður vill ekki án
vera í langdeginu. Þetta er táknleik-
ur eða látbragðsleikur án orða. Ekki
beinlínis aðgengilegt verk eða auð-
skilið öðrum en innvígðum, en fag-
mannlega unnið og góð tilbreytni í
leikhúsh'finu.
f blöðum hefur komið fram að
tilurð verksins sé með þeim hætti að
Messíana skrifaði handrit en út frá
því samdi Patrick Kosk, scm er
finnskt tónskáld, elektróníska
tónlist. Raunar má segja að hér
þrinnist saman þrjár listgreinar,
leiklist, myndlist og tónlist. Leik-
myndin í litaandstæðum sínum og
uppstillingur er engu veigaminni að-
ili en sjálf hin lcikræna framvinda á
sviðinu ef unnt er að tala um slíkt.
Flautuleikarinn gegnir verulegu
hlutverki en Kolbeinn Bjarnason
leikur á flautuna. Leikarar eru tveir:
Þór Tulinius og Ása Svavarsdóttir
og koma bæði vel fyrir í sínum þöglu
hlutverkum. Sýningin er afar
hæggeng.
Ég horfði á sýninguna eins og
myndlist og sem slík er hún einkar
falleg. Um inntak hinna sjö spegil-
mynda vil ég sem fæst segja, en það
virðist eiga að spegla firringu og
innilokun manneskjunnar í sjálfa
sig, og speglarnir undirstrika það.
Stílhreinir og fallegir búningar, ag-
aðar og einkar hæglátar hreyfingar,
- allt stuðlaði þetta að því að maður
sat líkt og í myndlistarsal og lét
raunar að miklu leyti hjá líða að spá
í leikræna framvindu.
Þetta er sem sagt nútímalegt verk-
efni. í leikskrá sem ég bað um er alls
ekkert að finna sem aukið gæti
skilning áhorfandans á verkinu. En
blaðamaður Helgarpóstsins segir á
þessa leið um sýninguna, ef menn
eru einhverju nær: „Form sýningar-
innar er nánast ritúal eða helgileikur
í hringformi, þar sem annar helming-
ur hringsins afmarkast af leikmynd-
inni sem samanstendur m.a. af sjö
speglum. I hinum helmingi hringsins
sitja áhorfcndur í sjö fimm manna
hópum sem leikur, mynd og tónlist
höfða til á mismunandi hátt.“ Og er
það orð að sönnu.
Ég sagði að leikskráin gæfi litlar
upplýsingar. Það er ekki í fyrsta sinn
sem ástæða er til að kvarta undan
leikskrám eða leikskrárleysi í Hlað-
varpanum. En í stað upplýsinga
miðlar leikskráin Ijóðum:
Úr iðrum jarðar
stökk hún
alsköpuð
hún beið hans
ein
elskhugans mikla
og hann kom
hann faðmaði hana
og fór
í þúsund ár
bíður hún brúðguma síns
með fangið fullt
af þangblómum
og hann kemur
og fer.
Svo mörg eru þau orð. Ekki er
þetta markverður skáldskapur eins
og hann stendur á blaðinu. En
sjónrænt fallega sýningu hefur Mess-
íönu tekist að búa hér til. Mér skilst
að nú eigi að fara með sýninguna í
leikferð um Norðurlönd og sýna á
alþjóðlegri lgiklistarhátíð í Finn-
landi. Og óskum við þeim góðs
gengis.
Gunnar Stefánsson
Auglýsing
um starfslaun til listamanna
Menningarmálanefnd Reykjavíkurborgar auglýsir
eftir umsóknum um starfslaun til listamanna. Skv.
reglum, sem samþykktar voru í borgarstjórn 1984
er heimilt að veita starfslaun til 12 mánaða hið
lengsta. Launin miðast nú við 5. þrep 137.
launaflokks skv. kjarasamningi Bandalags há-
skólamanna og eru greidd skv. nánari reglum í
samþykkt borgarstjórnar.
Þeir einir listamenn koma til greina við úthlutun
starfslauna, sem búsettir eru í Reykjavík og að
öðru jöfnu skulu þeir ganga fyrir úthlutun, sem ekki
geta stundað listgrein sína sem fullt starf. Lista-
menn skulu skuldbinda sig til þess að gegna ekki
fastlaunuðu starfi meðan þeir njóta starfslauna.
Listamaður, sem starfslauna nýtur, skal að loknu
starfstímabili gera grein fyrir starfi sínu með
greinargerð til menningarmálanefndar, framlagn-
ingu, flutningi eða upplestri á verki í frumflutningi
eða frumbirtingu í samræmi við nánari reglur í
framangreindri samþykkt.
Starfslaun verða veitt frá 1. október nk. Umsóknar-
frestur er til 10. ágúst nk. Umsóknir um starfslaun
listamanna skv. framanskráðu sendist:
Menningarmálanefnd
Reykjavíkurborgar,
Austurstræti 16,
101 Reykjavík.
Laust embætti er
forseti íslands veitir
Prófessorsembætti á tölvusviði við rafmagnsverk-
fræðiskor í verkfræðideild Háskóla íslands er laust
til umsóknar.
Hvað kjarnafög rafmagnsfræðinnar varðar ber
prófessornum að sjá um kennslu í grundvallar-
greinum tölvutækni og kerfistækni, en hvað fram-
haldsgreinar snertir skal lögð áhersla á tölvu-
vædda hönnun (CAD) í rafkerfum (raforkukerfum,
iðnaðarkerfum, fjarskiptakerfum). Æskilegt er að
rannsóknasvið viðkomandi falli sem best að ofan-
greindum framhaldsgreinum.
Laun samkvæmt launakerfi starfsmanna ríkisins.
Umsóknir ásamt rækilegri skýrslu um vísindastörf
umsækjenda, ritsmíðar og rannsóknir, svo og
námsferil og fyrri störf, skulu sendar til mennta-
málaráðuneytisins, Hverfisgötu 6, 150 Reykjavík,
fyrir 15. september 1987.
Frá menntamálaráðuneytinu
Staða konrektors við Menntaskólann við Sund er
laus til umsóknar. Staðan verður veitt frá 1. ágúst
næstkomandi og verður um að ræða setningu í eitt
ár.
Umsækjendur þurfa að hafa full kennsluréttindi á
framhaldsskólastigi.
Umsóknir ásamt upplýsingum um menntun og fyrri
störf skal senda til menntamálaráðuneytisins,
Hverfisgötu 6, 150 Reykjavík fyrir 1. ágúst næst-
komandi.
Menntamálaráðuneytið
PÓST OG
SÍMAMÁLASTOFNUNIN
óskar að ráða
LOFTSKEYTAMANN/
SÍMRITARA/RITSÍMARITARA
til starfa í Vestmannaeyjum.
Nánari upplýsingar verða veittar hjá stöðvarstjóra
Pósts og síma í Vestmannaeyjum.