Tíminn - 29.03.1989, Blaðsíða 3
Miðvikudagur 29. mars 1989
Tíminn 3
Fjöldi fólks á leið á skíðalandsmótið á Siglufirði lenti í hrakningum á leiðinni:
Um 100 manns gistu
í Ketilási í Fljótum
Ófærð og slæmt veður setti svip sinn á páskahátíðina á
vestan- og norðanverðu landinu. Fjöldi fólks á leið til
Siglufjarðar þurfti að gista í Ketilási aðfaranótt fimmtudags
þar sem vegurinn til Siglufjarðar var með öllu ófær. I’á þurfti
presturinn á Patreksfirði að fresta annarri fermingunni sem
fara átti fram á annan í páskum, þar til eftir hádegi í gær,
vegna ófærðar. Ágætis veður var á þessum slóðum í gær og
voru öll tiltæk tæki vegagerðarinnar við snjóruðning og búist
var við að opna mætti marga aðalvegi.
Fjöldi snjóflóða féll úr Súðavíkurhlíð og Óshlíðinni um helgina og urðu
miklar umferðartafir vegna þess. Snjóflóð sem hcr sést féll í Súðavíkurhlíð
á laugardagsmorgun. Ferðalangar á leið milli ísafjaröar og Súðavíkur þurftu
að bíða með ferðalög þar til síðar um daginn eftir að flóðinu hafði verið
mokað burt. Tímamynd Pjelur
Sjóleiðin farin
til Siglufjarðar
Um lOOmannsáleiðtilSiglufjarð-
ar þurftu að gista í Ketilási aðfara-
nótt fimmtudags. Fólkið hafði kom-
ið að Ketilási í bílaröð og fór
snjóruðningstæki á undan, en vegna
ófærðar þótti ekki ráðlegt að fara
lengra. Daginn eftir var haldið til
Sauðárkróks þar sem bátur var feng-
inn til að ferja þá sem treystu sér f
sjóferð, til Siglufjarðar. Þeir sem
eftir urðu, einkum fólk með börn,
gistu hjá vinum og ættingjum yfir
páskana og í grunnskólanum Sól-
görðum gistu sjö manns í góðu
yfirlæti.
Að sögn skólastjórans, Valbergs
Hannessonar, komu þau í skólann á
fimmtudag og í gærdag biðu þau
eftir að vegurinn yrði opnaður til
Siglufjarðar. Moksturinn sóttist
seint, enda snjórinn mikill og blautur
og því erfitt að moka. Búist var við
að vegurinn opnaðist í gærkvöldi og
væntu menn þess að hann héldist
eitthvað opinn, enda veður orðið
ágætt.
Hulda Magnúsdóttir frá Siglufirði
var ein þeirra sem gistu á Sólvöllum
ásamt manni sínum og þriggja ára
barni. Þau lögðu af stað frá Reykja-
vík um ellefu á miðvikudagsmorgun
og voru komin að Ketilási, ásamt um
100 manns, um eittleytið aðfaranótt
fimmtudags. „Það var alveg snar-
vitlaust veður og sást ekki út úr
augum,“ sagði Hulda. Hún sagði að
flestir hefðu farið daginn eftir á
Krókinn og farið með báti til Siglu-
fjarðar. En þar sem vont hefði verið
í sjóinn hefðu þau ekki treyst sér í
þá ferð þar sem þau voru með barn
með sér. Þau voru síðan flutt að
Sólvöllum, þar sem þau eru búin að
dveljast yfir páskana ásamt annarri
fjölskyldu í góðu yfirlæti. „Börnin
hafa tekið þessu mjög vel, enda nóg
pláss til að leika sér á. Við vorum svo
heppin að koma við í Hagkaup áður
en við lögðum af stað og keyptum í
matinn, þannig að okkur hefur ekki
skort vistir né annað, því hér er allt
til alls,“ sagði Hulda.
Fresta þurfti fermingu
Á Vestfjörðum hafa nær allir
vegir verið ófærir yfir páskana og á
norðanverðum Vestfjörðum var
aðeins fært frá Súðavík um ísafjörð
til Bolungarvíkur. Sömu sögu er að
segja um færð á sunnanverðum Vest-
fjörðum. Presturinn á Patreksfirði
átti að ferma á tveim stöðum á
annan í páskum, í Stóra-Laugardals-
kirkju í Tálknafirði og á Brjánslæk
á Barðaströndinni, en vegna ófærðar
komst hann ekki nema til Tálkna-
fjarðar og var því aðeins fermt í
Stóra-Langadalskirkju á annan í
páskum. Presturinn þurfti að fara á
snjóbíl til Tálknafjarðar og organist-
inn, sem býr á Bíldudal, kom á
vélsleða til kirkju. Vegna þessa tafð-
ist athöfnin fram yfir hádegi og því
var ekki hægt að ferma á Brjánslæk
á tilsettum tíma. f gær fóru síðan
presturinn og organistinn á vélsleða
áleiðis til Brjánslækjar og voru þeir
sóttir á bíl þegaryfir Kleifarheiði var
komið. Fór því fermingarathöfnin
fram síðdegis í gær.
Mjólkurskortur
á Ólafsfirði
Ólafsfirðingar máttu líða mjólkur-
skort fyrir páska, vegna þess að bæði
land- og flugsamgöngur lágu niðri.
Brugðið var á það ráð að flytja
mjólkin á báti og kom mjólkin á
Ólafsfjörð undir kvöld á fimmtudag.
Var því brugðið á það ráð að opna
kaupfélagið í klukkutíma á skírdags-
kvöld til að hægt væri að koma
mjólkinni til mjólkurþyrstra Ólafs-
firðinga. Á laugardag kom viðbótar-
sending af mjólk með flugi og í gær
einnig, en búist var við að vegurinn
fyrir Múlann yrði opnaður síðdegis í
gær og því ætti mjólkurskorturinn
að vera úr sögunni.
Á Dalvík þurfti einnig að flytja
mjólk sjóleiðina á laugardag, en
vegurinn til Dalvíkur var með öllu
ófær framan af laugardeginum. Búið
var að ryðja milli Akureyrar og
Dalvíkur og í gær var unnið við að
ryðja veginn milli Akureyrar og
Húsavíkur, en ófært hefur verið þar
á milli síðan fyrir helgi. Þá vareinnig
unnið að því í gær að opna veginn
austurum.
Austfirðingar sluppu að mestu við
ófærð um páskana og var í gær fært
um alla firði. Sömu sögu er að segja
af Suðurlandi. -ABÓ
Enginn fer á bifreið um Urðarveg á Ísafirði þessa dagana. Eins og þessi mynd
sýnir er mikill snjór yfir öllu og hefur þurft að stinga niður stikum til að
merkja hvar bílar eru undir, svo þeir verði ekki fyrir skemmdum.
Tímamynd Pjetur
HÍ færð gjöf
Tölvufyrirtækið Apple og Radíó-
búðin hf. afhentu nýverið Háskóla
íslands fimm Macintosh tölvur að
gjöf. Verðmæti gjafarinnar nemur
4,25 milljónum króna. Á myndinni
eru f.v. Stefán Risberg forstjóri
Apple á Norðurlöndum, Sigmundur
Guðbjarnason rektor Háskóla Is-
lands og Jóhann P. Malmquist próf-
essor í tölvufræðum við HÍ.
Lukkupottar síðastliðinnar helgar:
Meira en þrjátíu
millj.ívinninga
Fjórir voru með fimm rétta í
Lottói íslenskrar getspár um helg-
ina og sex manns með tólf rétta í
íslenskum getraunum.
Fyrsti vinningur Lottósins nam
rúmlega þremur milljónum á hvern
miða. Einn vinningsmiðanna var
keyptur í Reykjavík, annar í Hafn-
arfirði, þriðji kom frá Grindavík
og sá fjórði frá Bolungarvík. Þegar
Tfminn athugaði málið í gær hafði
aðeins einn vinningshafa látið
heyra í sér, en sá vildi ekki láta
nafns síns getið.
Fjórtán manns fengu bónusvinn-
ing að upphæð rúmlega áttatíu
þúsund krónur. Með fjóra rétta
voru þrjú hundruð sjötíu og níu
manns og fékk hver um firnrn
þúsund krónur í sinn hlut.
Heildarvinningsupphæðin var
um tuttugu milljónir króna en
potturinn var þrefaldur. í síðastlið-
inni viku voru keyptir lottómiðar
fyrir rúmlega 36 milljónir króna
samtals.
Fyrsti vinningur íslenskra gct-
rauna skiptist niður á sex seðla.
Tveir voru frá Akureyri, einn frá
Reykjavík, annar frá Hafnarfirði,
sá fimmti frá Kópavogi og sjötti frá
Vík í Mýrdal. Hver vinningshafa
fékk rúmlega eina og hálfa milljón
í sinn hlul. Einn seðlanna var
tölvuvalinn, annar margviknaseöill
og fjórir voru opnir seðlar. Fyrir
ellefu rétta fengu liðlega 130 manns
um fimmtán þúsund krónur.
Potturinn var fjörfaldur og hcild-
arvinningsupphæðin nam rúmlega
ellefu milljónum króna. I síðustu
viku voru seldir getraunaseðlar
fyrir rúmlega átján milljónir. í gær
höfðu aöeins tveir vinningshafa
vitjað vinninganna og annar þeirra
notaði svokallað sparnaðarkerfi.
jkb