Réttur - 01.04.1980, Qupperneq 8

TÍTO LÁTINN
Josip Broz Tito hefur kvatt, gekk þann 4. maí sl. á fund þeirra Marx,
Engels og Lenins — svo stuSst sé við orðalag Ho-Chi-Minh í erfðaskrá
sinni1. Með Tito er fallinn í valinn einn mesti og sjálfstæðasti brautryðj-
andi og leiðtogi kommúnismans með slík afreksverk að baki að eigi mun
fyrnast: Tito mótaði á langri ævi sem giftusamur foringi marxistiskan
kommúnistaflokk, sem einnig eftir valdatökuna hélt áfram að vera foringi
alþýðunnar en gerðist ekki drottnari hennar. Tito sameinaði sem leiðtogi
í stríði þjóðir Júgóslavíu til þeirrar óskaplegu fórnfreku og fádæma hetju-
legu frelsisbaráttu gegn nasismanum, sem flutti þeim sigurinn og ein-
inguna 1945. Tito mótaði í samstarfi við bestu félaga sína þá sjálfstæðu
þjóðlegu leið, er flokkurinn skyldi fara til að byggja upp sósíalismann
og varð að heyja harða en sigursæla baráttu við samherja í stórveldum
sósíalismans, til þess að leggja þannig grundvöll að möguleikum marx-
istiskra flokka, til þess að þróast sjálfstætt í samræmi við þjóðlega erfð,
án þess að bregðast alþjóðahyggju sósíalismans. Tito varð leiðtogi þeirra
fjölmörgu alþjóðlegu samtaka hlutlausra ríkja, sem menn eins og Chou-
En-lai, Nehru, Nasser o.fl. höfðu lagt grundvöll að í Bandung 1955 — og
skóp þar með þorra þjóða möguleika til að hafa úrslitaáhrif á þróun heims-
mála, ekki síst á vettvangi Sameinuðu þjóðanna, sem ameríska auðvald-
ið hafði gert að tæki sínu á tímum kalda stríðsins.
72