Morgunblaðið - 05.05.2006, Blaðsíða 18

18 FÖSTUDAGUR 5. MAÍ 2006 MORGUNBLAÐIÐ
ERLENT
ÞINGIÐ í Ísrael, Knesset, veitti í gær nýrri sam-
steypustjórn Ehuds Olmerts, leiðtoga Kadima-
flokksins, brautargengi. 65 þingmenn studdu
hana en 49 voru á móti. Helstu flokkar stjórn-
arinnar eru Kadima, sem er hægri-miðjuflokkur
og Verkamannaflokkur Amir Peretz, en hann
verður varnarmálaráðherra. Shimon Peres, fyrr-
verandi forsætisráðherra, sem áratugum saman
var einn af leiðtogum Verkamannaflokksins en er
nú liðsmaður Kadima, verður ráðherra byggða-
þróunar.
Olmert sagði í stefnuræðu nýrrar ríkisstjórnar
sinnar á þinginu að hann hefði helst kosið að
leysa deilurnar við Palestínumenn með samn-
ingum en það væri ógerlegt meðan Hamas-menn
væru við völd. „Palestínsk stjórn sem hryðju-
verkasamtök fara fyrir getur ekki verið sam-
starfsaðili í viðræðum og við munum ekki eiga
raunhæf og dagleg samskipti við hana,“ sagði
Olmert. Hann væri því reiðubúinn að hrinda í
framkvæmd einhliða áætlunum um að leggja nið-
ur hluta af landtökubyggðum gyðinga og marka
endanleg landamæri Ísraels. Forsætisráðherrann
sagði stærstu byggðir landtökumanna gyðinga á
Vesturbakkanum myndu tilheyra Ísraelsríki að
eilífu. En lagðar yrðu niður litlar, einangraðar
byggðir sem væri brýnt vegna öryggis Ísraels.
Alls er talið að um sé að ræða 70.000 manns
sem verði fluttar á brott. Brottflutningur gyðinga
frá Gazasvæðinu og fjórum byggðum á norð-
anverðum Vesturbakkanum í fyrra hefði verið
upphafið að mun víðtækari áætlun í þessa veru,
sagði Olmerts.
„Jafnvel þótt við gyðingar grátum …“
„Landamæri Ísraels, sem mörkuð verða á
næstu árum, verða talsvert ólík þeim sem nú af-
marka svæðin sem Ísrael ræður yfir,“ sagði ráð-
herrann. Olmert sagði Jerúsalem ávallt verða
hluta ríkisins. Þá sagðist hann, líkt og svo margir
aðrir, hafa átt sér draum um að gyðingar gætu
varið allt land Stór-Ísraels, þ. e. alls svæðisins
sem hið forna ríki gyðinga náði yfir og haldið því
fyrir sig. „Jafnvel þótt við gyðingar grátum og
séum harmþrungnir verðum við að varðveita
sjálfan kjarnann. Við verðum að tryggja að áfram
verði traustur meirihluti gyðinga í landi okkar,“
sagði Olmert. Stutt er í að arabar, sem fjölgar
mun meira en gyðingum, verði samanlagt í meiri-
hluta á hernumdu svæðunum og í Ísrael.
Stjórn Olmerts tekur við í Ísrael
Stefnt að einhliða brottflutningi frá einöngruðum landtökubyggðum
Eftir Kristján Jónsson
kjon@mbl.is
Reuters
Ehud Olmert (t.v.) og Amir Peretz varnar-
málaráðherra heilsast á þingi í gær.
METVERÐ fékkst fyrir málverk
eftir Pablo Picasso, „Dora Maar
au chat“, á uppboði hjá Sotheby’s í
New York í fyrrakvöld. Kaupand-
inn greiddi 95,2 milljónir dollara,
ríflega 7 milljarða ísl. króna, en
aðeins einu sinni áður hefur verið
greitt hærra verð fyrir málverk
sem selt er á uppboði.
„Dora Maar au chat“ sýnir eina
af hjákonum Picassos, sem sögð er
hafa haft mikil áhrif á hann. Var
málverkið málað snemma á
fimmta áratugnum, líklega árið
1941 en gert hafði verið ráð fyrir
að verkið færi á um 50 milljónir
dollara.
Kaupandinn er ekki gefinn upp
en hann var í uppboðssalnum,
þegar málverkið var boðið upp, og
keppti þá m.a. við nokkra fjar-
stadda, sem buðu með aðstoð
síma. Skv. upplýsingum frá Sothe-
by’s hefur aðeins eitt verk, einnig
eftir Pablo Picasso, selst á hærra
verði á uppboði; það var í maí árið
2004 en þá fór verkið „Garcon a la
pipe“ á 104 milljónir dollara. AP
Metverð
fyrir verk
eftir
Picasso
DÓMARI í Bandaríkjunum úrskurðaði í gær
Zacarias Moussaoui formlega í lífstíðarfangelsi
en kviðdómur hafði á miðvikudag komist að
þeirri niðurstöðu að lífstíðarfangelsi, ekki
dauðadómur, væri réttmæt refsing til handa
Moussaoui fyrir hans hlut í hryðjuverkaárás-
unum á Bandaríkin 11. september 2001.
Moussaoui hélt uppteknum hætti og notaði
hann þetta lokatækifæri sitt til að tala opin-
berlega til að formæla Bandaríkjunum, hann
bað hins vegar guð að vaka yfir Osama bin
Laden.
Skiptar skoðanir eru meðal ættingja fórn-
arlamba árásanna 11. september 2001 um þá
niðurstöðu kviðdómsins að dæma Moussaoui í
lífstíðarfangelsi fyrir hans hlut. Sumir telja
þessa niðurstöðu heppilegri, enda komi hún í
veg fyrir að Moussaoui fái að deyja píslarvætt-
isdauða. Aðrir telja að Moussaoui hafi ekki átt
neitt annað skilið en dauðadóm.
Dómsmálayfirvöld sögðust hins vegar sátt
við lyktir málsins og George W. Bush Banda-
ríkjaforseti sagði í yfirlýsingu að „niðurstaðan
markaði endalok þessa dómsmáls, en ekki bar-
áttunnar gegn hryðjuverkum“. Sagði Bush að
Moussaoui hefði fengið sanngjarna máls-
meðferð og kviðdómur hefði ákveðið að þyrma
lífi hans, „sem er víst nokkuð sem hann væri
ekki reiðubúinn að gera ef um bandarísk líf
væri að ræða“.
„Ameríka, þú tapaðir“
Moussaoui fagnaði sigri eftir að kviðdómur
hafði lýst úrskurði sínum í fyrrakvöld. „Am-
eríka, þú tapaðir … ég vann,“ hrópaði hann er
hann var leiddur út úr réttarsalnum.
Dómarinn í máli hans, Leonie Brinkman,
ávarpaði Moussaoui sérstaklega í gær vegna
þessara orða og bað hún hann um að líta vel í
kringum sig. Staðreyndin væri sú að allir í rétt-
arsalnum, að honum undanskildum, myndu
hafa frelsi til að fara hvert sem væri að dóms-
uppkvaðningu lokinni. „Þú munt eyða því sem
eftir er af ævi þinni í hámarksöryggisfangelsi.
Það er því fullkomlega ljóst hver hefur sigrað.“
Moussaoui lét þessi orð þó sem vind um eyru
þjóta, sendi nokkrum aðstandendum fórn-
arlamba hryðjuverkaárásanna tóninn og hét
því að vera orðinn frjáls maður áður en forseta-
tíð Bush væri á enda runnin. „Frelsun mín mun
verða sönnun þess að við erum liðsmenn her-
sveita guðs og að þið eruð sendimenn Satans,“
hrópaði hann.
Moussaoui verður nú líklega vistaður í há-
marksöryggisfangelsi í bænum Florence í
Colorado, en þar eru fyrir 399 vistmenn; þ.á m.
„skósprengjumaðurinn“ svokallaði, Richard
Reid, og Omar Abdel-Rahman, blindur músl-
ímaklerkur af egypskum ættum sem dæmdur
var fyrir aðild að sprengjutilræði við World
Trade Center árið 1993. Eru aðstæður í fang-
elsinu með þeim hætti, að Moussaoui mun ekki
geta haft nein samskipti við umheiminn.
Ekki sannfærðir um hversu
stór hlutur Moussaoui var
Næstum 3.000 manns týndu lífi þegar
hryðjuverkamenn rændu fjórum farþegaþot-
um og flugu þeim á World Trade Center í New
York og Pentagon-bygginguna í Washington
11. september 2001. Moussaoui hélt því sjálfur
fram við réttarhöldin, að honum hefði verið
ætlað að taka þátt í að ræna fimmtu flugvélinni
ásamt Richard Reid og fljúga henni á Hvíta
húsið.
Moussaoui var hins vegar handtekinn nokkr-
um vikum fyrir árásirnar og í hinum eiginlegu
réttarhöldum yfir honum, þegar kveðið var upp
úr um sekt hans eða sýknu, var hann úrskurð-
aður ábyrgur fyrir hryðjuverkunum 11. sept-
ember 2001 þar sem hann hefði haldið leyndum
upplýsingum um yfirvofandi árásir fyrir
fulltrúum alríkislögreglunnar, FBI.
Kviðdómurinn sem ákvað refsingu Mouss-
aoui klofnaði hins vegar í afstöðunni til þess,
hvort hann skyldi verða dæmdur til dauða og
munu sumir í dóminum ekki hafa talið að
Moussaoui hefði vitað mikið um árásirnar, ef
þá nokkuð.
Skiptar skoðanir um dóminn yfir Moussaoui
Sakborningurinn notaði tækifærið við dómsuppkvaðningu í gær til að formæla Bandaríkjunum
Eftir Davíð Loga Sigurðsson
david@mbl.is
AP
Á þessari teiknimynd sést því lýst er Zacarias
Moussaoui fagnaði sigri eftir að kviðdómur
las úrskurð sinn í fyrradag.
Lima. AFP. | Vinstri-pópúlistinn Oll-
anta Humala mun mæta jafnaðar-
manninum Alan Garcia í seinni um-
ferð forsetakosninganna í Perú 4.
júní. Garcia fékk fleiri atkvæði en
frambjóðandi miðhægriaflanna,
Lourdes Flores, í fyrri umferðinni, 9.
apríl sl.
Humala fékk 30,6% atkvæða í
fyrri umferðinni og var því ljóst að
keppa þyrfti á ný milli tveggja efstu.
Nýleg könnun bendir til að Garcia
muni fara með sigur af hólmi.
Reuters
Ollanta Humala og Alan Garcia.
Humala
mætir Garcia
ÞEGAR fyrst var rætt um að bjóða
upp á þráðlausa nettengingu í
bandarískum háskólum fylltust
margir kennarar bjartsýni um að
tæknin yrði til að bæta kennsluna,
með því að stórauka aðgengi nem-
enda að upplýsingum.
Nú bendir margt til að þráðlaus-
ar nettengingar hafi haft allt önnur
áhrif á skólastarf vestanhafs, því að
háskólar þar eru í vaxandi mæli
farnir að láta loka fyrir slíkar teng-
ingar eftir umkvartanir kennara.
Dagblaðið The Christian Science
Monitor gerði þetta að umtalsefni í
gær. Þar er m.a. rætt við Don Her-
zog, prófessor í lögum við Michig-
an-háskóla, sem segist hafa fengið
áfall þegar hann tók að grennslast
fyrir um netnotkun nemenda sinna.
„Í tímum laganema voru bók-
staflega 85 til 90 prósent nemenda
á netinu,“ sagði Herzog. „Og hvað
voru þau að gera? Þau voru að lesa
dagblaðið The New York Times.“
Kennarar við Harvard-háskóla
hafa einnig fengið nóg af vafri
nemenda á netinu og hafa tveir pró-
fessorar við lagadeild skólans að
eigin frumkvæði bannað fartölvur í
tímum hjá sér, líkt og prófessorar
víða um Bandaríkin hafa gert að
undanförnu.
Þessi viðbrögð eru þó umdeild og
telur Susan Gutman, kennari við
stjórnendaskóla Kaliforníu-
háskóla, að ekki sé hægt að kenna
netinu um hangs nemenda í tímum,
því að um hegðunarvanda sé að
ræða.
„Í gamla daga kjöftuðu nem-
endur við hver annan, skiptust á
pappírsmiðum, lásu blöðin, eða
lærðu undir önnur fög í tímum,“
sagði Gutman í samtali við CSR.
„Nú vafra þau á netinu, senda
tölvupóst eða spila tölvuleiki.“
Vilja netið úr
kennslustofunum
Morgunblaðið/Brynjar Gauti