Sjómannablaðið Víkingur - 01.12.1996, Qupperneq 76

Fiskmarkaðurinn í Þorlákshöfn fimm ára:
Fluttur í glæsilegt
eigið húsnæði
„Við höfum verið í leiguhús-
næði til þessa, en erum ný-
fluttir í eigið hús,“ sagði Bjarni
Áskelsson, framkvæmdastjóri
Fiskmarkaðarins í Þorlákshöfn.
í janúar verða liðin fimm ár
frá því fiskmarkaðurinn tók til
starfa. Mikil stakkaskipti verða
við flutninginn, en nýja húsið er
800 fermetra stórt.
„Það hafa verið seld átta til
níu þúsund tonn á ári gegnum
markaðinn, þar til fyrir þremur
árum, þegar meira varð um
bein kvótaviðskipti. Þá datt
magnið niður um 1.700 tonn.
Það má segja að á þeim tíma
hafi ekki sést þorskur hér,
hann var allur seldur í beinum
viðskiptum. Við höfum verið að
vinna þetta upp aftur og erum
nú, í fyrsta sinn, komnir yfir tíu
þúsund tonn það sem af er
þessu ári.“
En hafa orðið breytingar
hvað varðar fisktegundir?
„Já, sem dæmi get ég nefnt
tindabikkjuna, hún kom ekki á
markað fyrr en fyrir fáeinum
árum en nú seljum við talsvert
af henni. Sama er reyndar
hægt að segja um háf. Þá verð
ég að nefna kolategundirnar,
svo sem skrápu og langlúru.
Þessar tegundir voru ekki hir-
tar fyrir nokkrum árum en nú
fæst ágætt verð fyrir þær.“
Fimm starfsmenn eru hjá
Fiskmarkaðinum í Þorlákshöfn.
Eigendur fyrirtækisins koma
víða að, flestir eru þó heima-
menn.
Faxamarkaður var stofnandi
markaðarins í Þorlákshöfn.
„Með tilkomu markaðarins
hefur útgerðin hér styrkst. Öll
afsetning er öruggari, en tals-
verður hluti af þeim fiski sem
við seljum fer til vinnslu annars
staðar. Vinnslufyrirtækin hér
kaupa að sama skapi fisk
annars staðar frá,“ sagði Bjarni
Áskelsson, framkvæmdastjóri
Fiskmarkaðarins í Þorlákshöfn.
JÖKLAR HF.
AÐALSTRÆTI 8, P.O. BOX 1351,121 REYKJAVÍK
SÍMI: 561 6200, TELEFAX: 562 5499
JÖKLAR HF.
ara
J5>45 - ^995
YKKAR FÉLAGI í
FLUTNINGUM
JÖKLAR HF. HAFA STUNDAÐ
SIGLINGAR MILLIÍSLANDS OG
N-AMERÍKU ALLT FRÁ 1946.
SKIPIÐ LESTAR Á 28 DAGA FRESTI.
GETUM BOÐIÐ FLUTNINGA Á
VÖRUM Á BRETTUM OG Á GÁMUM.
EINNIG Á FRYSTIVÖRU
OG BIFREIÐUM.
76
Sjómannablaðið Víkingur