Andvari - 01.01.1951, Side 43

ANDVARI
Stefnt að höfundi Njálu
39
hvað veldur þeirri umsögn í Ljósvetninga sögu, þegar ráð er
fyrir því gert, að af frændum Veisufóstbræðra sé enginn líklegur
til þess að veita þeim fulltingi gegn Eyjólfi lialta, nema Hrafn
í Lundarbrekku. A Ljárskógafundinum reynist svo Vigfús sam-
huga Snorrunum: „Þóttust þeir skilja að engi varð uppgangur
þeirra ef svo búið stæði ríki Hrafns.“
Nokkru eftir Ljárskógafundinn lét Sturla Þórðarson til leið-
ast að ríða að Hrafni Oddssyni með þeim nöfnum „en Vigfús
dró sig úr atferð, er að kom. Snorri mælti við föður sinn, kvaðst
þeim illa trúa er hjá sátu, en ekki vildu halda af viðræðu þeirra.
Sturla mælti: „Eigi mun oss mein verða að Vigfúsi, en sakir
vina Hrafns, munum við fara leynilega um Dali .... Riðu
þá suður um heiði og námu staðar í skógunum ofan frá Grísar-
tungu. Þeir sendu mann ofan til Norðurár, að vita hvort áin
væri reið, því að vatnavextir voru miklir, eða hvort Hrafn væri
heima að Stafholfi- Kom aftur sendimaður þeirra og segir, að
áin væri óreið. Snéru þeir þá ofan með Norðurá og út á Mýrar.
Hrafni gekk njósn vestan úr Dölum. Og nokkru síðar konr
Snorri Markússon, sendur af Vigfúsi til Hrafns með njósn, og
þótti Hrafni sem Vigfús myndi mátt hafa þessa ferð látið verða
skjótari, ef hann hefði öruggur í verið.“
Samkvæmt þessari frásögn lætur Vigfús Gunnsteinsson sér
ekki nægja að svíkja Snorra Sturluson um liðveizlu, heldur
sendir hann aðvaranir til Hrafns Oddssonar um yfirvofandi
hættu. En gætum nú vel að. Það er látið í veðri vaka, að Vigfús
sendi Idrafni boðin svo seint, að þau trauðlega gætu orðið hon-
uni að nokkru gagni, enda hafði Hrai’ni borizt vitneskja um at-
förina áður en sendimaður Vigfúss kom á hans fund. „Eigi mun
°kkur mein verða að Vigfúsi,“ segir hinn forvitri Sturla. Hann
þekkir vel Vigfús og veit að bonum er ósárt um það, þótt at-
förin bæri tilætlaðan árangur. En Vigfús hefir þegar tekið þátt
f fjandsamlegum ráðagerðum gegn Hrafni, sem bann þó er van-
ó'úaður á að heppnist. Hann óttast því afarkosti af Hrafns hendi,
ef Sturla og Snorrarnir verða undir í átökunum. Þess vegna sendir