Andvari - 01.01.1951, Page 48

44
Barði Guðmundsson
ANDVARI
syni. Ekki þarf heldur að efa það, að Sturla Þórðarson hafi
greint þeim Saurbæjarfeðgum frá flutningi Vigfúss á orðsending
og sættarboði Þorvarðs Þórarinssonar. Og nú stöndum við and-
spænis þeirri staðreynd, að í Ljósvetninga sögu eru tveir fyrir-
menn svívirtir, þeir Guðmundur ríki og Hraln í Lundarbrekku,
en tveir aðrir, Hlenni í Saurbæ og Þorvarður á Lornastöðum,
hafnir upp til skýja. Eftir að sýnt hefir verið hverjum höfundur
gefur þessi gerviheiti er naumast lengur þörf á því, að tala um
nafn hans með tæpitungu. Ljósvetninga sögu hefir Þórður Þor-
varðsson úr Saurbæ samið. Sem svar við níðritun hans eru þeir
Saurbæjarfeðgar Þorvarður og Þórður húðstrýktir í Njálu undir
nöfnunum Valgarður og Mörður, en Sturla hart leikinn í gervi
Skafta lögsögumanns. Það kunnu fleiri en Þórður Þorvarðsson
að velja gervinöfn sem liæfðu vel. Hér beitir Njáluhöfundur
þeirri aðferð í nafnavalinu sem notuð er í Ljósvetninga sögu
þegar Þorvarður Þórarinsson er níddur með kynvillubrigzlum um
Guðmund ríka. Og hann leggur sig í framkróka um það að
auðkenna þann skýrt sem níðið skrifaði. Nöfnin Þórðr Þorvarðs-
son og Mörðr Valgarðsson liafa ekki aðeins sama stafafjölda,
heldur er og hljómfall þeirra svo líkt sem verða mátti.