Menntamál - 01.04.1946, Síða 13

MENNTAMÁL
43
Ath. Gætið þess vel, að börnin hafi skilið þessi atriði.
5. Lesa skal setningarnar með hæfilegum hraða og
skýrum, eðlilegum framburði. (Endurtaka skal eftir
þörfum.)
Að loknum upplestri í hvert skipti skal safna blöðun-
um saman og afhenda þau skólastjóra (eða þeim, sem til
verður kvaddur að veita þeim viðtöku).
RANNSÓKN ÚRLAUSNA
Alls bárust úrlausnir frá 602 börnum. Þegar farið var
að athuga þær nánar, kom í ljós, að aðeins 327 börn höfðu
skrifað öll verkefnin. Eitt verkefni eða fleiri vantaði frá
hverju hinna barnanna. Mun orsök þess hafa verið sú,
að einmitt á þeim tíma, er prófin voru lögð fyrir, var
óvenjumikið um veikindaforföll í skólunum, svo að hjá
mörgum börnum féll einn og einn dagur úr skólasókn-
inni. Hæf til úrvinnslu reyndust því úrlausnir hinna 327
íyrrnefndu barna. Af þeim voru svo valdar 300 úrlausnir
drengja og stúlkna, 150 af hvoru kyni, er rannsaka skyldi.
Þær 27 úrlausnir, er verst voru af hendi leystar, voru
látnar mæta afgangi. Voru það úrlausnir 12 stúlkna og
15 drengja.
Alls fengust þannig 6000 verkefni (300 X 20) með
samtals 319800 orðum lesmáls (1066 X 300), er unnið
var úr.
Úrvinnslu var þannig hagað, að fyrst voru öll verk-
efnin lesin yfir og strikað undir þau orð, sem ekki voru
rituð samkvæmt núgildandi stafsetningu (z þó sleppt).
Síðan voru orðin í verkefnunum rituð á sérstaka lista
og merkt við þau í hvert skipti, sem þau voru rangt rituð.
Rangt ritað var hvert orð talið:
a) ef það var ekki ritað samkvæmt núgildandi staf-
setningu,