Bjarmi - 01.12.1997, Blaðsíða 3

Gleðin, ábyrgðin
og náunginn
Gjafmildin er líklega aldrei meiri en í desember. Þá kaupum við ótal gjafir handa
ættingjum og vinum og leggjum jafnvel eitthvað að mörkum í safnanir handa
bágstöddum. Auk þess gerum við ýmislegt fyrir okkur sjálf, hressum upp á heimilið,
kaupum okkur ný föt og gerum vel við okkur í mat og diykk. Neyslusamfélagið
blómstrar þvi og allt tengist þetta jólahátíðinni með einhveijum hætti og á að stuðla
að þvi að gera hana ánægjulegri fyrir okkur og aðra.
Mitt í jólaundirbúningnum erum við minnt á að ekki hafa alfir það jafn-gott.
Sumir eru einstæðingar og eiga fáa eða enga að. Með hveijum halda þeir jól? Aðrir
eru sjúkir eða fátækir og eiga varla til
hnífs og skeiðar. Ekki kaupa þeir
tölvu á jólatilboði. Þetta er veruleikinn
í okkar eigin samfélagi. Ef við horfum
lengra út í hinn stóra heim komumst
við að raun um að fjöldi fólks býr við
hrikalega fátækt og örbirgð. Þar eru hvorki haldnar veislur né dýrum gjöfum
útdeilt. Ef til vill finnst okkur óþægilegt að láta minna okkur á þetta á þeim tíma
sem við ætlum einmitt að gera svolítið vel við okkur og fjölskylduna okkar. Ef til
vill reynum við að útiloka þetta til að það spilli ekki jólagleðinni fyrir okkur. En
getum við lokað augunum íyrir því að við berum ábyrgð á náunga okkar?
Einhver kann að benda á að við getum nú ekki komið miklu til leiðar til að bæta
kjör fólks eða veita því aðstoð sem kemur að gagni. Það er rétt að við munum ekki
koma neinni byltingu til leiðar með litlu framlagi hér eða smáaðstoð þar. En vlð
erum samt í þeirri stöðu að þurfa að gera það upp við okkur hvort náungi okkar
og aðstæður hans skipti okkur einhveiju máli. Og þó að við getum ekki umbylt
kjörum og aðstæðum fólks er augljóst að við getum komið miklu til leiðar ef okkur
er ljós ábyrgð okkar og umhyggjan og kærleikurinn nær tökum á okkur.
Jesús var eitt sinn spurður: „Hver er þá náungi minn?“ (Lúk. 10:29). Slík
spuming getur verið heiðarleg og sprottin af löngun til að komast að raun um
hveijum við getum hjálpað. En hún getur líka verið borin fram til þess að afsaka
ábyrgðarleysi okkar eða takmarkaða umhyggju. Jesús kennir okkur hins vegar að
spumingin sé röng og bendir á að við eigum að spyrja að því hvemig við getum
reynst náungi hverjum þeim sem þarf á okkur að halda (Lúk. 10:36).
Við undirbúum jól og það er vissulega tilefni til að halda hátíð og gleðjast yfir því
að Guð gaf okkur son sinn til að frelsa okkur úr fjötmm syndar og dauða. En sú
gleði fær nýja dýpt þegar við tengjum jólaboðskapinn við ábyrgðina á náunganum.
Kærleikur Guðs birtist í því að hann gaf okkur allt í syni sínum Jesú Kristi. Okkur
ber að elska hvert annað eins og Guð hefur elskað okkur (1. Jóh. 4:11). Gleðin yfir
kærleika Guðs sem á að einkenna jólin fullkomnast því í því að við berum
umhyggju fyrir þeim sem eru hjálpar þurfi og styðjum þá sem þurfa á aðstoð
okkar að halda.
Guð gefi okkur gleðileg jól í Jesú nafni.

Kristilegt tímarit
Útgefendur: Kristilega skólahreyfingin,
Landssamband KFUM og KFUK og
Samband íslenskra kristniboðsfélaga.
Ritstjóri: Gunnar J. Gunnarsson.
Ritnefnd: GuðmundurKarl Brynjarsson,
Henning Emil Magnússon og Kjartan
Jónsson.
Afgreiðsla: Aðalskrifstofan, Holtavegi 28,
pósthólf 4060,124 Reykjavík,
sími 588 8899, bréfsími 588 8840.
Árgjald: Kr. 2.700,- innanlands,
kr. 3.200,- til útlanda. Gjalddagi 1. mars.
Verð i lausasölu kr. 500,-.
Umbrot og útlit: Áhrif ehf - Kringlunni 6.
Ljósmyndir: Kristján Einar Einarsson o.fl.
Prentun: Borgarprent.
Efni:
Staldrað við:
Gleðin, ábyrgðin og náunginn........ 3
Hjalti Hugason:
Ábyrgð á náunganum
í neyslusamfélagi .................... 4
Sannur kristindómur hlýtur að kalla til
ábyrgðar og þjónustu
Rætt við Jónas Þórisson framkvæmda-
stjóra Hjálparstofnunar kirkjunnar.... 7
Jón Ármann Gísiason:
Jólahald hjá Hjálpræðishernum.........10
Katherine Williams:
Kvöldið sem Matteus sagði:
„Þar náði ég þér loksins!"............12
Sr. Kristján Valur ingóiisson:
... og hvað mun syngja
englaraustin bliða?...................14
Á mörkum lífs og dauða
Viðtal við Sigvalda Björginsson og
Eddu Ýr Guðmundsdóttur um erfiða
lífsreynslu þeirra fyrir siðustu jól..16
„Mikilvægt að kirkjan
starfræki bókaútgáfu"
Rætt við Eddu Möller um jólabækurnar
hjá Skálholtsútgáfunni..................21
Jótasveinarnir
Guðmundur Karl Brynjarsson og Kjartan
Jónsson skrifa með og á móti ...........22
Köllunin er kjölfestan
Rætt við kristniboðana
Margréti Hróbjartsdóttur
og Benedikt Jasonarson..................24
Sigríður Halldórsdóttir:
Jesús Kristur - Ljósið sanna:
Hann sem er og var og kemur.............28
Margrét Eggertsdóttir:
HérandarGuðs blær.......................30