Tímarit lögfræðinga - 01.06.2004, Side 15

H 1993 777 (salatpökkunarvél)
Málsaðilar gerðu með sér kaupsamning þar sem seldur var salathrærari, sósuhrærari
og salatpökkunarvél úr tiltekinni smiðju, þ.e. tæki og munir úr rekstri seljanda ásamt
uppskriftum að salati. I kaupsamningi var ekki tilgreint verðmæti einstakra tækja og
muna, og eiginleikum þeirra eða ástandi var ekki lýst sérstaklega ef frá var talin
salatpökkunarvél en um hana sagði: „Við afhendingu skal pökkunarvélin geta
pakkað allt að 900 bökkum af „hrásalati“ eða „sælkerasalati“ á klukkustund, þannig
að jafnaði fari 390 grömm í hvem bakka, svo að ekki skeiki meira en 5% í hverjum
bakka, ekki skulu fleiri en 20 tómir bakkar komast í gegnum pökkunina á klukku-
stund og ekki skulu meira en 2% af salatinu fara forgörðum í pökkunarvélinni".
Þegar oftsinnis, en árangurslaust, hafði verið reynt að lagfæra galla á salatpökk-
unarvélinni eftir að hún hafði verið afhent kaupanda leitaði kaupandi til Iðntækni-
stofnunar íslands og bað um athugun á vélinni. í heildamiðurstöðu stofnunarinnar
sagði að skömmtunarvélin gegndi ekki því hlutverki sem henni væri ætlað miðað við
núverandi ástand hennar. Ymsir hönnunargallar væru til staðar sem gerðu það að
verkum að hætta á stöðvun og skemmdum á vöru vegna óhappa væri mikil og áreiðan-
leiki hennar í framleiðslu því óviðunandi. Með vísan til þessarar umsagnar, sem ekki
hafði verið hnekkt, var talið sannað að salatpökkunarvélin hefði verið með verulegan
galla og voru því skilyrði til riftunar að þvf er hana varðaði.
H 1995 77 (parket)
Við kaup á parketi gerði kaupandinn skýran áskilnað um það í símbréfi til seljanda
að hann gæti eingöngu keypt „a normal good quality parket". Dómkvaddir matsmenn
töldu að parket það sem afhent var væri ósöluhæf vara. I dómi sagði að þótt um kaup
á miklu magni á lágu verði væri að ræða, og kaupandi gæti e.t.v. búist við einhverjum
afföllum, væri ljóst að vörusendingin fullnægði engan veginn þeim áskilnaði kaup-
anda um gæði sem gerður var í símbréfinu. Var ekki talið að hið lága verð vörunnar
og viðvörun frá framleiðanda hafi leyst seljandann undan því að senda kaupanda
vöru sem væri að minnsta kosti í meginatriðum í samræmi við áskilnað hans um
gæði. Var kaupanda því talið heimilt að rifta kaupsamningnum.
H 1996 3381 (sómabátur)
I skaðabótamáli kaupanda báts á hendur seljanda hélt kaupandinn því ekki fram að
vél bátsins væri gölluð heldur hefði samsetningin, þ.e. báturinn með þeirri vél og
þeirri skrúfu sem um ræddi, verið gölluð. I ljós þótti leitt að vélin hefði verið of lítil
til að knýja bátinn með þeim hraða og afli sem kaupandi taldi unnt að gera nema í
tiltölulega skamman tíma í senn. Var talið að stærð vélarinnar leiddi til meiri tak-
markana á notkun hennar en kaupandinn mátti gera ráð fyrir. Þetta var talinn gaili í
skilningi kpl. Skaðabótakröfu kaupanda var hafnað en honum dæmdur afsláttur af
kaupverði.
Dómur Hæstaréttar frá 27. nóvember 2003 í málinu nr. 194/2003 (björgunar-
bátur)
Kaupanda björgunarbáts voru dæmdar skaðabætur vegna galla sem lýsti sér í því að
báturinn uppfyllti ekki skilyrði smíðalýsingar um ganghraða, þannig að með þremur
mönnum um borð náði hann einungis 28,4 hnútum í stað 36 hnúta eins og áskilið var.
199