Tímarit lögfræðinga - 01.06.2004, Blaðsíða 28
3. UPPLÝSINGAR SELJANDA UM EIGINLEIKA EÐA NOTKUN
SÖLUHLUTAR
3.1 Almenn atriði
Söluhlutur telst samkvæmt 3. mgr. 17. gr. kpl. gallaður ef hann er ekki í
samræmi við þær kröfur sem koma fram í 1. og 2. mgr. 17. gr. laganna, og var
gerð grein fyrir efni þeirra reglna í 2. kafla hér að framan. Reglur um galla geta
einnig átt við, sbr. 18. og 19. gr. kpl., ef söluhlutur er ekki í samræmi við upp-
lýsingar sem gefnar hafa verið um eiginleika hans eða notkun. 116. gr. nkpl. er
kveðið á um það á einum stað hvenær galli er fyrir hendi á söluhlut í neyt-
endakaupum og er framsetning þeirra laga því nokkuð önnur en kpl. þótt til
sömu efnislegu niðurstöðu leiði.31
Hér á eftir (3. kafli) verður fjallað um þær reglur kpl. og nkpl. sem varða það
með hvaða hætti upplýsingar um eiginleika eða notkun söluhlutar geta haft
áhrif á það hvort galli telst vera til staðar eða ekki.
3.2 Söluhlutur svarar ekki til þeirra upplýsinga sem gefnar hafa verið að
frumkvæði seljanda, 1. mgr. 18. gr. kpl.
í 1. mgr. 18. gr. kpl. er fjallað um þýðingu þeirra upplýsinga sem gefnar eru
að frumkvæði seljanda um söluhlut og má segja að regla 18. gr. sé eins konar
viðbót við 17. gr. laganna. Þar segir að reglur um galla gildi einnig þegar sölu-
hlutur svarar ekki til þeirra upplýsinga sem seljandi hefur við markaðssetningu
eða á annan hátt gefið um hlutinn, eiginleika hans eða notkun og ætla má að
31 í 16. gr. nkpl. segir ífyrsta lagi (a-liður l.mgr. 16. gr.) að söluhlutur teljist vera gallaður ef hann
er ekki í samræmi við þær kröfur sem fram koma í 15. gr. laganna. Akvæði þetta er í samræmi við
3. mgr. 17. gr. kpl. I öðru lagi telst söluhlutur vera gallaður (b-liður 1. mgr.) ef seljandi hefur við
kaupin vanrækt að gefa upplýsingar um atriði varðandi hlutinn eða not hans sem seljandinn hlaut
að þekkja til og neytandi mátti ætla að hann fengi upplýsingar um, enda megi ætla að vanræksla
hafi haft áhrif á kaupin. Akvæði þetta er að nokkru sambærilegt b-lið 1. mgr. 19. gr. kpl. I þriðja
lagi er söluhlutur gallaður (c-liður 1. mgr.) ef hann svarar ekki til þeirra upplýsinga sem seljandi
hefur við markaðssetningu eða á annan hátt gefið um hlutinn. eiginleika hans eða notkun og ætla
má að hafi haft áhrif á kaupin. Akvæði þetta samsvarar 1. mgr. 18. gr. kpl. og 3. tl. 4. mgr. 2. gr.
tilskipunar um neytendakaup. 1 fjórða lagi er söluhlutur gallaður (d-liður 1. mgr.) ef nauðsynlegar
upplýsingar um uppsetningu, samsetningu, notkun, umönnun og geymslu fylgja ekki söluhlut.
Svipað ákvæði var að finna í 2. málsl. 4. mgr. 17. gr. kpl. I fimmta lagi kemur það fram í nkpl. (2.
mgr. 16. gr.), að regla c-liðar 1. mgr. gildir með sama hætti þegar söluhlutur svarar ekki til þeirra
upplýsinga sem annar en seljandi hefur gefið á umbúðum hlutarins, í auglýsingum eða við aðra
markaðssetningu á vegum seljanda eða fyrri söluaðila. Akvæði þetta er sambærilegt 2. mgr. 18. gr.
kpl. Samkvæmt 3. mgr. 16. gr. nkpl. getur neytandi ekki borið neitt það fyrir sig sem galla sem hann
vissi eða mátti vita um þegar kaupin voru gerð. Akvæði þetta er sambærilegt 1. mgr. 20. gr. kpl. 1
4. mgr. 16. gr. segir eins og áður er fram komið að neytandi getur ekki borið fyrir sig galla ef orsök
gallans má rekja til efniviðar sem neytandinn hefur sjálfur lagt til. Þetta gildir þó ekki ef seljandinn
hefði átt að ráða neytanda frá notkun efnisins vegna óhentugra eiginleika þess. Ekki er að finna
sambærilegt ákvæði í kpl. en þetta ákvæði eins og aðrar reglur nkpl. um samninga þar sem neyt-
andinn leggur sjálfur til efnivið í pöntunarkaupum byggist á 4. mgr. 1. gr. tilskipunar um neyt-
endakaup.
212