Morgunn - 01.06.1958, Síða 79
Ur endurminningum
stjórnmálamanns
★
Víðkunnur stjórnmálamaður vestan hafs á síðari hluta
19. aldar var Þjóðverjinn Karl Schurz (1829 — 1906).
Hann tók ríkan þátt í frelsishreyfingum þýzkum um
miðja öldina og fluttist upp úr því vestur um haf. Þar
gerðist hann einn af frumherjum í hinum nýja republikk-
ana-flokki og fékk fjölda þýzkra manna, sem búsettir
voru í Bandaríkjunum, til að ganga í þann flokk. Hann
gerðist öflugur stuðningsmaður Lincolns sem foi’seta-
efnis, og eftir kosningasigur Lincolns var hann gerður
að sendifulltrúa Bandaríkjanna í Madrid. Hann sneri
aftur vestur um haf ári síðar og gat sér mikið orð í
borgarastyrjöldinni miklu.
Eftir lát Lincolns fól Johnson forseti Karli Schurz
vandasöm trúnaðarstörf. Hann gerðist þingmaður vestra
og ritstjóri. Hann reit ævisögu Lincolns og bók um H. Clay.
Endurminningar hans, Lebenserinnerungen, komu út
í Berlín, og í þeim segir hann þessar tvær sögur úr reynslu
sinni af sálrænum efnum. Gerðist önnur sagan í Parísar-
borg, hin í Philadelphíu í Bandaríkjunum. Þýð.
Óvænt undrunarefni
Nú ætla ég að segja frá atviki, sem fyllti mig botnlausri
undrun. Strodtmann hafði kynnt mig dönskum málara,
Melbye að nafni. Þessi Melbye var miklu eldri maður en
við og gæddur talsverðri leikni sem málari, og hann var
leikinn í að tala um list sína, eins og raunar margt annað.
Hann hafði mikinn áhuga fyrir „clairvoyance“, eða
skyggni, og kvaðst þekkja skyggna konu, sem gæti gert