SunnudagsMogginn - 05.06.2011, Blaðsíða 40

40 5. júní 2011
Í
kjölfar velheppnaðrar tónleika-
ferðar Nínu Margrétar Grímsdóttur
til Kína haustið 2009 bauð Wu
Promotion-umboðsskrifstofan
henni að koma fram á nokkrum tón-
leikum nú í maí fyrir milligöngu íslenska
sendiráðsins í Kína. Wu Promotion er, að
sögn Nínu Margrétar, virtasta umboð-
skrifstofan í Kína fyrir klassíska tónlist og
starfar m.a. með Harrison Parrott og Col-
umbia Artists í Evrópu og Bandaríkjunum.
Á efnisskránni voru klassískar perlur
píanóbókmenntanna, t.d. d-moll Fantasía
Mozarts, Tunglskinssónata Beethovens,
Noktúrnur, Etýða óp. 10, nr. 5 og Ballaða í
As-dúr eftir Chopin. Einnig voru þekkt
verk eftir Debussy, t.d. Clair de lune og
Estampes, auk Prelúdía nr. 1 og 2 eftir
Gershwin. Áhorfendafjöldi var á bilinu
300-600 manns á hverjum tónleikum og
var Nína Margrét hæstánægð með við-
tökur gesta en ferðin var styrkt af Tónlist-
arsjóði Menntamálaráðuneytisins
Læra á píanó í hljóðfærabúð
Fyrstu tónleikarnir voru í borginni
Dongguan í Suður-Kína í salnum Cultural
Weekend Theatre. „Í þessari borg er eng-
inn tónlistarskóli en börnin læra á píanó í
hljóðfærabúð í miðbænum, þangað koma
foreldrarnir með börnin eftir skóla frá
fjögurra ára aldri þar sem þeir telja að tón-
listarnám sé nauðsynlegt sem hluti
menntunar barna á grunnskólaaldri. Enn
fremur eru í Dongguan aðilar sem vilja efla
áhuga og þekkingu almennings á klass-
ískri tónlist og standa því fyrir metn-
aðarfullri tónleikaröð,“ segir Nína Margrét
í samtali við Sunnudagsmoggann en hún
er stödd í Bandaríkjunum þessa dagana.
Til marks um áhugann segir hún mikið
af börnum og foreldrum hafa sótt tón-
leikana og á milli atriða á efnisskránni var
óskað eftir að hún svaraði spurningum
áheyrenda um tónskáldin, verkin og um
tónlist almennt. „Þessi samskiptahluti
klassískra tónleika í Kína er algengur og
þjónar þeim tilgangi að auka menningar-
og fræðslugildi tónlistarflutningsins. Þetta
finnst mér til mikillar fyrirmyndar og til
merkis um einlægan áhuga almennings á
því að fræðast um klassíska tónlist okkar
Vesturlandabúa.“
Aðrir tónleikarnir voru einnig í Suður-
Kína, nánar tiltekið í þekktum háskóla,
South China University of Technology.
Þar var fullur salur af stúdentum og stóð
menningarfélag þeirra fyrir tónleikunum.
„Þeir höfðu undirbúið viðburðinn afar
vandlega og fylgdust vel með að allt væri
eins og best yrði á kosið. Mikill áhugi var á
þátttöku í umræðuhluta tónleikanna og
einnig má nefna til gamans að áður en
tónleikarnir hófust var leikið eitt lag af
efnisskránni í hátalarakerfi salarins, mér
fannst því líklegt að þeir hefðu undirbúið
áheyrendur með því að kynna þeim verk-
in fyrir tónleikana,“ segir Nína Margrét.
Þriðju tónleikarnir voru í einum virtasta
háskóla Kína, Fudan University í Sjanghæ.
„Sjanghæ er stærsta borg Kína og státar af
menningarlífi á háum mælikvarða auk
þess að vera fjármálamiðstöð Asíu. Þarna
fékk ég tækifæri til að kynnast stúdent-
unum talsvert og fannst mér mikið til um
þetta unga fólk sem tekur við kínversku
þjóðinni á næstu árum. Það er einkenn-
andi fyrir þau að þeim er umhugað um að
kynnast vestrænni menningu frá fyrstu
hendi, þ.m.t. klassískri tónlist, þau tala
ensku vel og eru heima í helstu atriðum
menningarsögu okkar á Vesturlöndum.
Öll hafa þau áhuga að stunda framhalds-
nám á meistara- og doktorsstigi erlendis,
helst í Bandaríkjunum og Þýskalandi. Það
sama var uppi á teningnum hvað varðar
vandvirkni og metnaðarfulla framsetn-
ingu á tónleikunum, enn fremur fékk ég
mikil og góð viðbrögð, jafnvel aðdáenda-
bréf eftir tónleikana, ég átti ekki von á
svona hlýjum móttökum og opinni tján-
ingu frá þeim en sú var einmitt raunin,“
segir Nína Margrét.
Hliðstætt við Hörpuna
Fjórðu og síðustu tónleikarnir voru einnig
í Sjanghæ, að þessu sinni í einu helsta tón-
listarhúsi borgarinnar, Shanghai Oriental
Art Center, sem er hliðstætt hús við Hörp-
una okkar, að sögn Nínu Margrétar.
„Þarna eru þrír tónleikasalir, og voru tón-
leikarnir mínir í þriðja salnum sem hýsir
300 áheyrendur. Þessi salur er skemmti-
lega hannaður með hringsviði neðst, þar
sem áheyrendur sitja í hálfhring upp frá
sviðinu. Hljómburðurinn var frábær og
Steinway-flygillinn af bestu gerð. Tón-
leikarnir tókust mjög vel og voru góður
endir á Kínaferðinni.“
Þess má geta að næsti píanisti á eftir
Nínu Margréti til að spila í þessu tónlistar-
húsi var hinn víðfrægi Kínverji Lang Lang.
Hún var því í góðum félagsskap á þessum
lokaspretti tónleikaferðarinnar.
Það sem er næst á döfinni hjá Nínu Mar-
gréti eru tónleikar í Bevagna á Ítalíu í sept-
ember, hátíðartónleikar í röð Háskóla-
tónleika með verkum Grieg, tónleikar í
Tíbrá í janúar og tónleikar í röð Bechstein
píanóframleiðandans í Berlín á næsta ári.
Enn fremur heldur áfram samstarf hennar
við Gerðuberg og RÚV með tónleikaröðina
Klassík í hádeginu.
Mjög áhugasamir
um vestræna tónlist
Nína Margrét Grímsdóttir við slaghörpuna á einum tónleika sinna í Kínaferðinni.
Nína Margrét lék meðal annars í einu helsta tónlistarhúsi Sjanghæ.
Mikill áhugi var á þátttöku í umræðuhluta tónleikanna.
„Þetta var í einu orði sagt frábær ferð,“ segir
Nína Margrét Grímsdóttir píanóleikari sem lauk
á dögunum við sína aðra tónleikaferð um Kína.
Orri Páll Ormarsson orri@mbl.is
Tónleikagestir í Kína létu ekki nægja að
láta þakklæti sitt í ljós eftir tónleikana,
Nínu Margréti hafa einnig borist þó-
nokkrir tölvupóstar með góðum kveðj-
um.
Ching Li, sem er nemi við Fudan-
háskóla í Sjanghæ, þakkar henni fyrir
yndisfagran píanóleik. „Ég er ekki mik-
ill aðdáandi klassískrar tónlistar en
leikur þinn snart mig inn að hjartarót-
um, tilfinningin var svo ósvikin. Ólík
menning, sama tilfinning. Ég mun seint
gleyma þessum tónleikum.“
Jacobsen, sem einnig er nemi, þakk-
ar Nínu Margréti innilega fyrir túlkun
hennar á Tunglskinssónötunni sem hafi
minnt hann á gamla virtúósa af þýska
og austurríska skólanum. Þá hafi túlk-
un hennar á Debussy einkennst af mik-
illi hlýju og flutningurinn á Ballöðu í As-
dúr eftir Chopin tekið fram öllum hljóð-
ritunum sem hann hafi heyrt.
Ólík menning,
sama tilfinning