Ljósmæðrablaðið - 01.12.1997, Blaðsíða 6

beitingu konunnar og hún misst vald
á aðstæðunum um leið og hún var
komin í þessa valdalausu stellingu og
djúpstæður ótti og kvíði þar með náð
yfirhöndinni. Hún haíði jú fram að
þeim tíma eklú treyst sér í neitt nema
að standa og sitja upprétt.
Tilfinningin um að hún væri að
rifna er heldur ekki undarleg þegar lit-
ið er til fyrri fæðingarsögu konunnar.
Hún rifnaði töluvert í fyrri fæðingu
og sagðist hafa fundið lengi til í botn-
inum á eftir. Konan hafði þá fætt í
epiduraldeyfingu og ekki fundið mik-
ið fyrir fæðingunni sjálfri. Hún var
því í raun að finna í fyrsta sinn þá til-
finningu sem fylgir því að útvíkkun
klárast og kollurinn þrýstir sér niður í
leggöngin. Um leið og útvíkkun lauk
sagðist hún halda að hún myndi rifna
og líklega hefur það verið ástæða þess
að hún reyndi að halda aftur af remb-
ingnum. Hún var að fæða í annað
sinn og fæðingin gekk hratt þannig að
kollurinn gekk hraðar niður en hjá
frumbyrju og grindarbotninn hafði
því ckki eins góðan tíma til að teygj-
ast. þetta var í raun eins og fjölbyrju-
fæðing með frumbyrjutilfinningu.
Eftir á að hyggja má einnig naga sig
í handarbökin fyrir að hafa lagt kon-
una í rúmið, þar sem hún treysti sér í
raun alls ekki til þess og auðvelt hefði
verið að skoða hana standandi (fyrir
nú utan spurninguna um það hvort
við hefðum yfir höfuð nokkuð átt að
vera að skoða hana, þar sem mjög
rökrétt var að ætla að útvíkkun færi að
klárast eins og gangur fæðingarinnar
fram að því hafði verið). Reyndar veit
ég ekki hvort það hefði borgað sig að
hún fæddi standandi þar sem þetta
var mjög stórt barn og því ákveðin
hætta á axlarklemmu en sjálfsagt hefði
maður getað unnið úr því hefði feng-
ist betra svigrúm til að vinna með
konunni í gegn um kvíðann við að
rifna. Lowe segir einmitt frá rann-
sókn Melzacks nokkurs og félaga
(1984) sem kom fram með þá kenn-
ingu að samspil væri milli aukinnar
fæðingarþyngdar og meiri sársauka í
fæðingu.
Konan rifnaði svo reyndar 2.gráðu
rifu, en þegar ég saumaði hana var
hún fullkomlega yfirveguð og róleg.
Heimildir:
Balaskas, J., (1989). New Active Birth. A
Concise Guide to Natural Childbirth.
London. Thorsons.
Lowe, N., K. (1996). The pain and
discomfort of labor and birth. Journal of
Obstetric, Gynecologic & Neonatal
Nursing. 25(1): 82-92.
McKay, S., Barrows, T., og Roberts, J.,
(1990). Women's views of second-
stage labor as assessed by interviews and
videotapes. Birth. 17(4): 192-198.
Ranta, P., Jouppila, P., og Jouppila, R.,
(1996). The intensity of labor pain in
grand multiparas. Acta Obstetricia et G-
ynecologica Scandinavica. 75(3); 250-
254.
Wuitchik, M., Hesson, K., og Bakal, D.,
A., (1990). Perinatal predictors of
pain and distress during labor. Birth.
17(4): 187-191.

NÝTT Vivag NÝTT
Acidophilus í skeiðarhylkjum
Vivag skeiðarhylki til að byggja upp nát-
túrulegt jafnvægi og viðhalda réttu sýrustigi í
leggöngum.
I hverju Vivag skeiðarhylki eru 100 milljón
frostþurrkaðir mjólkursýrugerlar (Lactobacillus
acidophilus).
Staðbundin verkun í leggöngum, engar
aukaverkanir.
Vivag skeiðarhylki eru úr gelatíni þau innihal-
da ekki fituefni sem bráðna og leka út.
Hreinlegt og einfalt í notkun.
Konur losnið við óþægindin á auðveldan og
náttúrulegan hátt.
Ábendingar:
Bacteriel vaginose. Eftir fúkalyfja notkun.
Fluor vaginalis á meðgöngu. Eftir tíðarblæðin-
gar. Breytingaraldur. Síendurtekin fluor vagi-
nalis. Candida albicans vaginitis.
Vivag hefur farið sigurför um Danmörk og
loksins fáanlegt á fslandi.
Pakkningar:
Vivag skeiðarhylki 12 stk með 12 einnota
stjökum og 12 stk án stjöku.
Óslenskar leiðbeiningar í hverri pakkningu.
Vivag sápa 250 ml án litar- ilm- og rot-
varnarefna, sýrustig 4.
Fæst í apótekum
6