Ljósmæðrablaðið - 01.12.1997, Blaðsíða 16
Sk^rsla stjórnar LktFÍ
Haldnir voru 12 stjórnarfundir á
tímabilinu ágúst-maí. Starfandi ljós-
mæður eru 236. I nýju yfirliti um
kjarafélaga í LMFI segir hins vegar að
þeir séu 162 þar af 52 með hjúkrun-
arpróf, en 74 starfandi ljósmæður við
ljósmæðrastörf eru í FIH er þetta al-
varleg þróun ef hlutirnir fara ekki að
snúast við. Eins og við í Ljósmæðrafé-
laginu erum alltaf að brýna fyrir ljós-
mæðrunr þá skiptir það mestu máli að
við stöndum saman og sameinumst
um að vera allar sem vinnum við ljós-
mæðrastörf í einu og sama félaginu ef
við ætlum að ná árangri. Það er mjög
mikilvægt fyrir ljósmæður að sýna
fram á hve sterkar við erum, þar sem
sífellt er verið að seilast inná okkar
svið og reyna að minnka verksvið
okkar. Það að við séum í mörgum fé-
lögum vekur auðvitað grunsemdir
manna um að við getum ekki komið
okkur saman svo það sannast því enn
og aftur hið fornkveða sameinaðar
stöndum vér en sundraðir föllum vér.
Innan stjórnar LMFI hefur mikið
verið rætt um framtíð félagsins, og
mikilvægi þess að komið verði á fastri
stefnumótum. Það teljum við að sé
nauðsynlegt til að sýna styrk okkar í á-
kveðnum málum þannig að þegar við
erum spurðar um ákveðin málefni þá
getum við bent á að það sé stefna okk-
ar. Við höfum reynt að hefja vinnu
margsinnis á þessu mikilvæga verkefni
en alltaf brunnið inni á tímaskorti.
Nú hefur hins vegar stjórnin fengið
Ingibjörgu Einisdóttur fyrrverandi
formann LMFÍ til að taka að sér þetta
verkefni í náinni samvinnu við aðrar
ljósmæður. Ingibjörg býr í Bandaríkj-
unum en kemur hér nokkrum sinn-
um á ári til að sinna kennslu ljós-
mæðranema m.a. Hún hefur á þessu
málefni brennandi áhuga og fögnum
við því að hún hefur fengist til að
skoða þetta verkefni og e.t.v. taka að
sér. Við sjáum fyrir okkur að með
aukinni tækni nú á tölvuöld og
„email“ að þá sé ekki mikið mál að
vera í öðru landi að vinna og e.t.v.
gott þar sem hún er þá minna smituð
af þeirri umræðu sem er í gangi hverju
sinni.
Það er í bígerð að gera skoðana-
könnun meðal ljósmæðra og spyrja
ýmsa spurninga tengda starfmu, laun-
unum, félaginu sjálfu o.fl. Við teljum
að það sé nauðsynlegt að gera svona
könnun og erum þess fullvissar að
hún geti hjálpað okkur að byggja upp
okkar félag og styrkja okkur sem
heild. Forvinna er byrjuð en könnun
verður ekki gerð fyrr en í haust.
Það hafa komið upp ýmis mál hjá
ljósmæðrum siðferðilegs eðlis. Þessi
mál hafa verið erfið öllum sem að
þeim standa. Ljósmæðrafélagið hvetur
allar ljósmæður sem standa í ein-
hverju þrefi að hafa allt sitt á tæru og
hafa allt skriflegt sem á milli fólks fer
og / eða hafa einhvern fulltrúa frá fé-
laginu með sér í erfið samtöl þannig
að alltaf séu fleiri en einn til að stað-
festa og segja frá því sem á milli fer.
Þetta er að gefnu tilefni og er félagið
tilbúið að aðstoða eftir þörfum og
hefur það verið gert nokkrum sinnum
á síðastliðnu ári.
Lífyrissjóðsmál hafa verið áberandi
í umræðunni og hefur Ljósmæðrafé-
lag Islands staðið fyrir félagsfundi um
þau mál. A þann fund mættu 30 ljós-
mæður. Þetta var mjög greinargóður
fundur þar sem farið var yfir helstu
málin sem hafa breyst hjá lífeyrissjóð-
unum. Eins er auðvitað ljósmæðrum
velkomið að mæta á fundi sem eru
auglýstir hvar sem er á landinu á veg-
um lífeyrissjóðsins. Við hvetjum ljós-
mæður allar til að lesa vel bækling
þann sem þið fenguð sendan heim og
kynna ykkur réttindi ykkar. Það er svo
hægt að hafa samband við lífeyrissjóð-
inn til frekari upplýsinga og til að fá
aðstoð við að ákveða í hvorri deildinni
hagsmunum hverrar ljósmóður er
best varið. Félagið hefur útbúið
möppu um lífeyrissjóðsmálin og geta
félagsmenn fengið hana lánaða áskrif-
stofunni til að reyna að glöggva sig
frekar á þessum málum.
Eitt af því sem mikið hefur verið
rætt um er hvort LMFl eigi að vera á-
fram í BSRB, ganga í BHM eða
standa utan félagssamtaka. Þetta kref-
st mikils og góðs undirbúnings. Þegar
öllum upplýsingum hefur verið safn-
að saman og reynt að sjá hvað okkur
hentar best. Ef ákveðið verður að segja
okkur úr BSRB þarf allsherjarat-
kvæðagreiðslu þannig að allir félags-
menn hafa um þetta að segja.
Til að félagið geti farið á fullt að at-
huga hvort þessar breytingar ættu að
fara fram óska ég eftir að tekin verði
fýrir tillaga um þetta mál og greitt um
hana atkvæði hér á fundinum á eftir.
Málið gengur þannig fyrir sig að
láta þarf stjórn BSRB vita með 4
vikna fyrirvara þegar fjalla á um til-
löguna á aðalfundi. Þá situr fulltrúi
frá BSRB fundinn og fylgist með um-
ræðunni og atkvæðagreiðslu um hvort
gera eigi allsherjaratkvæðagreiðslu um
úrsögn. Tillaga um allsherjaratkvæða-
greiðslu verður að hljóta samþykki
2/3 fundarmanna á aðalfundinum og
ef það samþykki fæst fer atkvæða-
greiðsla fram 4 vikum seinna. Úrsögn
telst síðan samþykkt ef að a.m.k.
helmingur félagsmanna er henni
fylgjandi eða 2/3 hlutar þeirra sem
þátt taka í allsherjaratkvæðagreiðsl-
unni. Síðan er hægt að fara úr BSRB
um áramótin þar á eftir.
Það sem hefur verið m.a. verið sett
út á veruna í BSRB er að faghópar
eiga erfitt uppdráttar og gengur illa að
koma sínum málum áfram.
Talsverður tími hefur enn farið í
umræðu um bókun 3 í kjarasamning-
unum. Formaðurinn og formaður
kjaranefndar hafa hitt ráðherra og
Ragnheiði Haraldsdóttur deildar-
stjóra í Heilbrigðisráðuneytinu
nokkrum sinnum út af þessu máli en
ekki haft erindi sem erfiði. Ráðuneyt-
ið hefur alveg gefið frá sér þetta mál
þrátt fyrir góðar vonir í upphafi.
Ljósmæðraráð hefur ásamt for-
manni LMFÍ unnið í allan vetur að
því að skipuleggja ljósmæðraþjónustu
16