Fréttatíminn - 03.12.2010, Qupperneq 36

V
ið eignuðumst börnin
okkar með sex daga
millibili í nóvember í
fyrra svo að við vorum
mjög samtaka í fæðing-
arorlofinu. Simmi og Jói voru mikið
að vinna á þeim tíma við opnun Ham-
borgarafabrikkunnar og okkur klæj-
aði í fingurna að fara að gera eitthvað
sjálfar. Þá kviknaði hugmyndin að
versluninni og þetta fór allt saman að
rúlla,“ segir Bryndís og lítur á Ollu. „Í
gríni ræddum við aðeins um að taka
yfir þetta rými sem stóð autt á fyrstu
hæð í turninum við Höfðatorg, sömu
hæð og Hamborgarafabrikkan er á.
Svo bauðst okkur það og við slógum
til. Þá var bara að finna út hvað við
vildum gera með það.“
Hver hlutur einstakur
Hugmyndin fór að þróast og í sam-
einingu ákváðu þær að selja vand-
aða fylgihluti. Fundirnir voru ófáir
og símtölin stóðu langt fram á nótt.
„Þetta verkefni krefst gríðarlegrar
vinnu og skipulagningar og frjótt
ímyndunarafl skiptir máli. Við horf-
um mikið til merkja sem við höfum
fallið fyrir og höfum góða reynslu af.
Merki sem við höfum meðal annars
kynnst gegnum flugfreyjustarfið.
Báðar höfum við mikinn áhuga á
tísku og fylgjumst töluvert með; ætl-
um að vera mikið á tánum og búðin
mun líklega breytast og þróast eftir
kúnnunum,“ segir Bryndís. Verslun-
in er aðallega ætluð fyrir konur sem
eru hrifnar af fallegum aukahlutum;
töskum, skarti, klútum, úrum, loð-
skinnum og fleira. „Vörurnar sem við
verðum með eru mjög flottar og við
vönduðum valið vel. Skartgripir koma
frá íslensku hönnuðunum Made by 3,
kortaveski frá sænska hönnuðinum
Walk on water, sem er með umhverf-
isvæna stefnu, og Ed Hardy sem er
bandarískur snillingur. Sjúklega flott
hönnun og hver hlutur einstakur þar.
Við höfðum mikið fyrir því að verða
okkur úti um vörur og erum búnar að
fara meðal annars til Skandinavíu og
Ameríku að skoða úrvalið. Svo verður
Kastanía með sína eigin hönnun. Um
leið og hugmyndin að búðinni kvikn-
aði var alltaf pælingin að vera með
eitthvað sem við hönnum sjálfar. Við
verðum með skott, bæði úr leðri og
skinni, svona í anda Luis Witton.
Fyrir konur en líka karla
Þó að verslunin væri alltaf hugsuð fyr-
ir konur erum við einnig með vörur
fyrir karlmenn. Triwa-úrin, sem hafa
verið gríðarlega vinsæl meðal Holly-
wood-stjarna, munu verða til sölu
fyrir bæði kynin. Einnig verðum við
með nærbuxur frá Figo sem henta
karlmönnum mjög vel. Spurðu bara
Simma og Jóa,“ segja þær hlæjandi
„þeir neita að ganga í nærbuxum frá
öðrum merkjum síðan þeir prófuðu
þessar.“
Miklar vangaveltur fóru í að velja
nafn á verslunina og á endanum fékk
hún nafnið Kastanía. „Við pældum
mikið í nöfnum og datt fyrst í hug að
hafa nafnið eitthvað tengt ávöxtum
en áttuðum okkur á því hvað það
eru mörg fyrirtæki sem heita slík-
um nöfnum. Þá datt okkur í hug að
leita í trjáflokkum. Það var eitthvað
við hæfi, eitthvað sem vex og dafn-
ar. Í orðabókinni sem við vorum með
fundum við kastaníutré og fannst
það frábært. Kastanía,“ segir Olla.
„ Simmi vill meina að þetta sé í höf-
uðið á kastaníubrúna hárinu hans og
reynir að eigna sér heiðurinn að nafn-
inu. Margir hafa meira að segja óskað
honum til hamingju með það,“ bætir
Bryndís við.
Kolbrún Pálsdóttir
kolla@frettatiminn.is
Hugmyndin fæddist í fæðingarorlofinu
Þær Ólína Jóhanna
Gísladóttir og
Bryndís Björg
Einarsdóttir hafa
haldið farsælum
vinskap eftir að
þær kynntust fyrst
fyrir tólf árum.
Náðu rosalega vel
saman frá byrjun
og aldrei hafa
orðið meiriháttar
árekstrar í þeirra
vináttu. Þær eru
töluvert samrýndar,
báðar flugfreyjur,
eignuðust börn á
sama tíma og hafa
stutt mennina sína,
Simma og Jóa, með
sín verkefni. En nú
er komið að þeim
að sýna hvað í þeim
býr og í gær opn-
uðu þær verslunina
Kastaníu á jarðhæð
í turninum við
Höfðatorg.
Við höfðum
mikið fyrir
því að verða
okkur úti um
vörur og erum
búnar að fara
meðal annars
til Skandinavíu
og Ameríku að
skoða úrvalið.
36 viðtal Helgin 3.-5. desember 2010