Málfríður - 15.03.2007, Blaðsíða 20

0 MÁLFRÍÐUR
„Öðruvísi“ nám
Við ákváðum strax að nýta okkur
þá kunnáttu sem við höfðum viðað
að okkur sem þróunarskóli í upp­
lýsingatækni. Nemendur skrifa
vikulegar vefskýrslur um verkefni
sín, þeir vefa, setja upp PowerPoint
fyrirlestra, hanna bæklinga, taka
ljósmyndir og gera myndbönd.
Kennsluumhverfið Angel er svo
notað til að halda utan um alla
vinnu kennara og nemenda.
Nemendur mæta kl. 8.15 og vinna samfellt að
verkefnum sínum a.m.k. til 15:30 einn dag vikunn­
ar. Reynt er að líkja eftir hefðbundnum vinnustað,
án stundaskrár, án afmarkaðra kennslustunda. FER
hefur aðsetur í einni kennslustofu miðsvæðis við
Kvosina, sem er í hjarta skólans, og er starfið því
mjög sýnilegt. Þó gefur auga leið að nemendur
vinna einnig í fleiri stofum, í tölvustofu, á bókasafni
og jafnvel í sjálfri Kvosinni. Verkefni eru lögð fyrir og
nemendur skipta með sér verkum en vinna oftast að
sameiginlegu lokamarkmiði. Þegar verkþætti lýkur
bíður nemandans annað verk og eru nemendur því
ekki alltaf að vinna sömu vinnu. Hluti vinnunnar fer
fram utan skólans.
Námsmat verður náttúrlega að endurspegla nám
og kennsluhætti. Ef við göngum út frá því að FERið
sé flókið og samþætt nám, skapandi nám sem líkir
eftir raunveruleikanum, þá er augljóst að matið
fer ekki fram með krossaspurningum á lokaprófi.
Markmiðin geta verið hefðbundin, s.s. aukin færni í
ritun, munnlegri frönsku eða tölvulæsi, en þar sem
námsleiðirnar eru margræðari og sjónarhorn fjöl­
breyttari eru til betri leiðir til að mæla árangur sem
tengist gagnrýnni og skapandi hugsun. Jafnframt
þarf að vera mögulegt að meta nám sem kemur
svona „óvart“ án þess að hafa verið sett niður fyrir­
fram á markmiðalistann.
Við höfum notað fjölbreyttar matsaðferðir við að
meta frammistöðu og framfarir nemenda en ekki
síður til að fá fram hvernig bæta megi sjálfa áfang­
ana. Þar sem markmiðin eru nokkuð opin og ófyrir­
sjáanleg, treystum við töluvert á eigindlegar mats­
aðferðir (sjálfsmat, jafningjamat, vinnuskýrslur nem­
enda og samræðu kennara í lok verkefna – fjórir til
fimm kennarar hafa ólíka sýn á vinnu nemenda eftir
fögum og þátttöku). Þetta hefur verið mjög gagnlegt,
jafnvel bráðnauðsynlegt, sérstaklega þegar áfang­
arnir voru kenndir í fyrsta sinn. Kröfur og markmið
hafa orðið ljósari og árangur þ.a.l. auðmælanlegri.
Það eru engin próf, ekkert lokapróf. Matið er byggt
á ferlivinnu nemenda og afurðum.
Hér má sjá dæmi um mat í FER203:
Öll verkefni í 103 og 203 tengjast óbeint stóra verk­
efninu í lokaáfanganum FER303 þegar nemendur
fara utan. Allt sem nemendur hafa gert fram að
því nýtist þá (heimildaöflun, skapandi framsetning,
ritun texta, skipulag ferða og framkvæmd, orðaforði
tungumálanna tengdur ferðamálum, myndabanda­
gerð, textauppsetning, fyrirlestrar o.fl.). Áfanginn
felst í því að hver nemandi fær úthlutað einum ferða­
mannastað í Evrópu og þarf að skipuleggja hópferð
fjögurra nemenda þangað. Hann skrifar ferðarhand­
rit sem er síðan notað EF sá staður verður fyrir val­
inu. Nemendur vita það ekki fyrr en í flugvélinni til
London hvert haldið er þaðan og hverjir lenda saman
í hóp. Þeir taka síðan myndband í ferðinni þar sem
þeir fjalla um staðinn, taka viðtöl við fólk og skrá
ferðasögu sína á sem flestum tungumálum. Þegar
heim er komið vinna nemendur myndbönd sín og
halda kynningar í landafræðitímum í grunnskólum.

Hagnýti námsefnis
Námsefnið á að reyna verulega á færni í íslensku og
erlendum tungumálum og eru textar unnir án þýð­
inga, þ.e. samdir beint á viðkomandi tungumál, og
efnistök miðuð við getu í tungumálinu. Oftast er
unnið í hópum með mismunandi tungumál og reyn­
ir því á samstarf. Nokkur verkefni eru ætíð í gangi
í einu því kennari er ekki alltaf á staðnum þegar
nemendur lenda á blindgötu. Við leggjum upp með
að nemendur geti alltaf séð tengsl verkefnanna við
atvinnustarfsemi og samfélagið. Viðmiðið er sem
sagt „alvöru“ efni sem á að vera hæft til að senda í
erlenda skóla eða til birtingar í blöðum og tímaritum.
Jafnframt að það sé góð kynning á málabrautinni.
Erlent samstarf
Erlent samstarf er með miklum blóma við Mennta­
skólann á Akureyri og okkur finnst kjörið að tengja
það og nýta í þágu ferðamálafræðinnar. Þar má
nefna þýskan skóla sem starfar á ferðamálasviði,
2,5% 2,5% 5% 5% 5% 10% 25% 25% 10% 10% 100%
S
já
lfs
m
at
m
yn
d
b
an
d
S
já
lfs
m
at
v
ef
ur
Ja
fn
in
gj
am
at
m
yn
d
b
an
d
Ja
fn
in
gj
am
at
v
ef
ur
E
in
st
ak
lin
gs
ve
rk
ef
ni
-
fe
rð
am
ál
av
ef
ir
E
in
st
ak
lin
gs
ve
rk
ef
ni
-
M
ei
ne
H
ei
m
at
M
yn
d
b
an
d
-
H
ús
av
ík
Ve
fu
r
-
N
or
d
os
te
n
na
tu
rli
ch
Ve
fs
ký
rs
lu
r
í l
ok
d
ag
s
K
en
na
ra
ei
nk
un
n
R
ei
kn
uð
lo
ka
ei
nk
un
n