Málfríður - 01.10.2013, Blaðsíða 17
Hildur: Það er svo gífurlega mikilvægt fyrir okkur
Íslendinga að standa vörð um tungumálakennslu.
Ármann: En þá verðum við líka að vita hvað við erum
að gera. Erum við að kenna The Queen’s English, eða
erum við að kenna eitthvert alþjóðlegt samskiptatæki
til að nota hjá Kínverjum og Dönum? International
English er sérstakt tungumál með sína málfræði.
Pétur: Ef til vill endar það þannig að við notum ensku
í öllu opinberu samhengi en móðurmálið bara heima.
Ármann: Það er mikilvægt að halda tungumálakennslu
lifandi því það snýst um að skapa ákveðna fjölbreytni í
hugsun, að geta nálgast heiminn á fjölbreytilegan hátt.
Mér finnst það persónulega auðgandi að geta nálgast
heiminn bæði á íslensku, ensku og dönsku. Það væri
menningarlegt stórslys ef farið væri að skerða þessar
greinar í skólakerfinu og við glötuðum þessari teng-
ingu við norðurlandamálin.
Hildur: Ég held líka að það sé stór hluti af því að
vernda íslenska tungu að sjá til þess að vera hluti af
Norðurlöndunum með því að læra eitt norðurlanda-
mál og geta átt samvinnu við hin Norðurlöndin í
kvikmyndum, tónlist og öðru. Þetta er menningarlegt
atriði. Það er sagan okkar. Það er svo miklu meira en
bara að læra dönsku. Við lærum hver við erum.
Ármann: Sá möguleiki er til að bjóða slíkt í fjarnámi.
Það er gert í dönsku hjá okkur. Og við erum líka með
sérhæfða áfanga í fjarnámi í ensku. – Fjarnám gæti
verið varnagli fyrir tungumálin því þar gæti maður
haft samvinnu milli skóla þó að ekki næðist í heilan
hóp í einum skóla. Fjarnám er ekki óskastaða fyrir
tungumálanám en tæknin er að verða betri. Okkar stétt
á að hugsa mikið um þennan möguleika.
Alþjóðleg enska
Ármann: Það er ákveðinn sveigjanleiki í nýju nám-
skránni fyrir framhaldsskóla sem nemendur geta nýtt
sér til að koma til móts við kröfur háskóla um ákveðinn
grunn. Í verkfræði er oft krafist meiri ensku en skyldu-
áfangarnir á náttúrufræðibraut bjóða upp á. – En þá
er líka oft krafa um svo og svo mikið í stærðfræði og
náttúrufræðigreinum.
Hildur: Þá hverfur svigrúmið sem nemendur höfðu.
Ármann: Krafan til fræðimanna núorðið um mikla
kunnáttu í ensku, segja rannsóknir, er eitthvað sem
fæstir standa undir.
Hildur: Menn eiga að geta varið doktorsritgerð á
ensku.
Þátttakendur að byrja umræðurnar .
MÁLFRÍÐUR 17