Málfríður - 01.10.2013, Blaðsíða 9
Við vorum mjög ánægð með samstarf okkar við kenn-
arana og áttum við saman líflegar, fræðandi og vin-
samlegar umræður. Við vonum að allir kennararnir
eigi auðveldara með að þróa sín próf, og að þeim líði
betur, því að svo virtist sem núverandi próf væru
samin af aðeins einum einstaklingi án stuðnings frá
starfsfélögum. Lagðar voru fram tillögur um að þeir
deildu reynslu sinni sín á milli.
Skipuleggjendur hyggjast þróa vefsíðu sem væri
helguð tungumálamati og kennarar hefðu aðgang að,
til þess:
1. að deila reynslu sinni innbyrðis
2. að deila með sér gögnum sem unnin eru fyrir próf
hvers og eins
Síðast en ekki síst skal nefnd mikilvæg ákvörðun
Félags frönskukennara um að fylgja eftir niðurstöðum
vinnustofunnar með því að þróa nýtt A2-próf í septem-
ber. Sérfræðingar ECML munu fá þetta próf í hendur.
Meginástæðan fyrir hinum framlögðu breytingum
var sú von sérfræðinganna að:
• auka gildi prófsins með því að einbeita sér meira
að þeim hæfnisþáttum sem við viljum prófa;
• auka gildi prófsins með því að huga að hlutverki
prófsins;
• auka áreiðanleika með því að draga meðal ann-
ars úr mistökum í fyrirgjöf;
• auka möguleikana á að tengja við CEFR með því
að einbeita sér að viðeigandi CEFR skilgreining-
um;
• vinna að því að tengja prófið við hæfnisstig A2,
B1, B2 í CEFR.
MÁLFRÍÐUR 9
Gilles að útskýra fyrir Brynhildi formanni .
Dönskukennarar ræða verkefni .