Fréttablaðið - 13.04.2013, Blaðsíða 38
KYNNING − AUGLÝSINGPallurinn LAUGARDAGUR 13. APRÍL 20132
Útgefandi: 365 miðlar ehf., Skaftahlíð 24, s. 512 5000
Umsjónarmenn auglýsinga: Sigurður Helgi Grímsson, sigurdurhg@365.is, s. 512 5464
Ábyrgðarmaður: Jón Laufdal.
Hér má finna nokkur góð ráð um hvernig best er að sjóða egg án skurnar og
búa til svokallað „poached“ egg.
■ Veljið grunnan og víðan pott
sem getur tekið 1,5 lítra af
vatni.
■ Fyllið pottinn að tveimur
þriðju.
■ Bætið ediki, til dæmis 1-2 tsk. af
hvítvínsediki, út í vatnið.
■ Hitið að suðu en látið ekki bull-
sjóða (hitinn skal vera í kring-
um 71 til 82 gráður).
■ Notið ný egg því hvítan er þykk-
ari í þeim.
■ Brjótið hvert egg í litla skál.
Þannig er auðveldara að láta
það síga varlega ofan í vatnið.
■ Eggin eru látin sjóða í 5 til 7
mínútur.
■ Takið eggin upp með fiski-
spaða, setjið á pappír og saltið.
■ Eggin skal snæða sem fyrst eftir
að þau eru soðin.
■ Auðveldast er að sjóða eitt egg
í einu. Þá er hrært í vatninu og
eggið látið varlega út í meðan
vatnið þyrlast.
■ Þegar fleiri en eitt egg er soðið í
einu þarf vatnið að vera kyrrt.
Eggin eru sett varlega út í en
passa þarf að þau blandist ekki
hvert öðru.
„Poached“ egg henta með fjöl-
mörgum réttum. Þau eru ómiss-
andi í Egg Benedict en einnig góð
ein og sér, með beikoni eða út á
salat.
Egg Benedict (Fyrir 4)
Fjögur egg soðin án skurnar,
veidd upp úr, sett á pappír og sölt-
uð.
Hollandaise-sósa
300 g smjör
3 eggjarauður
1 msk. hvítvínsedik eða sítrónu-
safi
salt
pipar
Eggjarauður þeyttar yfir volgu
vatnsbaði, smjörið brætt og því
hellt varlega út í og þeytt saman
allan tímann. Athugið að smjör-
ið má ekki vera of heitt. Kryddað
með hvítvínsediki/sítrónusafa,
salti og pipar.
Brúnið brauðið á pönnu upp úr
smjöri, þar til fallegur gylltur litur
er kominn. Létthitið skinkuna á
sömu pönnu og setjið yfir brauð-
ið. Eggið er sett ofan á skinkuna
og loks sósan yfir allt.
Klassískur
dögurður
Hinn klassíski réttur Egg Benedict lítur út fyrir að vera
mun flóknari en hann raunverulega er. Aðalmálið er að
klúðra ekki eggjasuðunni.
Egg sem er soðið án skurnar verður
svolítið skemmtilegt í laginu.
Gott er að
hafa eggið
í skál og
setja það
síðan
varlega
út í heitt
vatnið.
Á sólríkum sumardegi er fátt betra en að gæða sér á girnilegum dögurði. Egg Benedict
eru tilvalin á matarborðið á slíkum degi. NORDICPHOTOS/GETTY
GRÁR OG GUGGINN
SÓLPALLUR
Sólpallar grána með tímanum
við það að sólarljós skín á þá.
Gráminn sem myndast er þó
einungis á yfirborði timbursins
og auðvelt að fjarlægja hann
með því að skafa eða pússa
timbrið. Þegar mála á eða bera
á timbrið er nauðsynlegt að
fjarlægja grámann þar sem
hann hindrar viðloðun máln-
ingarinnar við timbrið. Eins er
gott að hreinsa eldri palla með
sérstökum hreinsiefnum sem
vinna á ýmsum blettum, örveru-
og sveppagróðri. Gætið þess að
fylgja leiðbeiningum hreinsiefn-
anna ítarlega.
Val á viðarvörn fer eftir viðnum
og notkun á pallinum. Olíu-
viðarvörn endist alla jafna lengur
og þarfnast minna viðhalds en
viðarvörn sem byggir á vatns-
grunni. Ekki bera viðarvörnina á í
sólskini þar sem hún þornar
fljótt á yfirborðinu
og gengur ekki
inn í viðinn.
Viðarpallur þarfnast reglulegs viðhalds.
ZENBOOK™
HÖNNUN
HRAÐI
FEGURÐ
LEGIÐ Í LETI
Hengirúm eru tilvaldir fylgihlutir á
pallinn. Það er eitthvað heillandi við að
liggja í hengirúmi, loka augunum og
vagga hægt til hliðanna.
Saga hengirúmsins er reyndar nokkuð
áhugaverð. Hengirúmið var þróað af
frumbyggjum Mið- og Suður-Ameríku.
Fyrstu hengirúmin voru ofin úr berki af
hamack-trénu en hengirúm eru kölluð
hammock á ensku. Ein af ástæðum þess
að hengirúmið var vinsælt hjá frum-
byggjunum var að það veitti vörn gegn
ýmsum sjúkdómum. Með því að hengja
rúmið upp af jörðinni minnkuðu líkur á
að fólk væri bitið af snákum eða stungið
af skordýrum.
Christopher Columbus kynnti hengi-
rúmið fyrir Evrópubúum fyrstur manna
þegar hann kom með nokkur slík til Spánar frá eyjum sem í dag eru
þekktar sem Bahama-eyjar. Hengirúmin voru mikið notuð af sjómönnum
til að auka þægindi þeirra en einnig til að spara pláss um borð í skipum.
Þau voru einnig vinsæl meðal landkönnuða og hermanna sem voru á
ferð um skógi vaxin svæði.
Yndislegt er að slaka á í hengirúmi.
Christopher Columbus kynnti hengirúmið fyrir Evrópubúum.
idan@idan.is
www.idan.is
Sólpallar og
skjólgirðingar
Námsmat: 100% mæting.
Kennari: Björn Jóhannsson, landslagsarkitekt.
Staðsetning: Skúlatún 2, Reykjavík.
Tími: Laugardagur 20. apríl, kl. 9.00 – 16.00.
Lengd: 10 kennslustundir.
Fullt verð: 20.000 kr.
Verð til aðila IÐUNNAR: 4.000 kr.
Þetta námskeið fjallar um hönnun og smíði trépalla og
skjólgirðinga. Góð hönnun tryggir notagildi og skjól á pallinum,
á meðan vönduð smíði lengir líftíma palls og eykur fegurð
umhverfis. Skoðaðar eru ýmsar útfærslur og hvernig hægt er að
mynda gott samræmi milli húss, palls og skjólgirðinga.
Sérstaklega er fjallað um veðurfar en skjól er forsenda þess að
góðir útivistardagar á pallinum verði sem flestir. Farið er yfir gerð
grindarteikninga, útfærslu og smíði. Einnig er farið yfir helstu
timburtegundir, festingar, undirstöður og frágang.
Námskeiðið er í fyrirlestraformi stutt fjölda ljósmynda og
teikninga. Kennari er höfundur bókarinnar „Draumagarður“
sem er hluti námskeiðsgagni.
Hönnun útfærsla og smíði
Námskeið laugardaginn 20. apríl
Skráning á idan.is