Fréttablaðið - 13.04.2013, Blaðsíða 74
KYNNING − AUGLÝSINGJóga LAUGARDAGUR 13. APRÍL 20134
Heitt jóga er einfaldara en marga grunar og allir geta stundað það á sínum styrk
og með sama árangri,“ segir Jó-
hanna sem komst fyrst á snoðir
um heitt jóga þegar hún dvaldi í
heilsulind á Taílandi.
„Þá starfaði ég á verkfræðistofu
en féll kyllif löt í fyrsta tímanum
og ákvað tveimur árum síðar að
fara utan til Taílands til að verða
fullnuma í kennslu heits jóga,“ út-
skýrir Jóhanna.
Hún segir hátt hitastig við
ástundun æfinga skipta sköpum
fyrir aukna hreyfigetu.
„Kjörhitastig í sal fyrir heitt
jóga er 38 til 40 gráður á Celsíus.
Æfingar og stöður í heitu jóga hafa
verið stundaðar í þúsundir ára og
miða að því að beita líkamanum
rétt, liðka liðamót og styrkja alla
vöðvaflokka til jafns, sérstaklega
djúpvöðva sem liggja að beina-
grind. Því fá margir bót meina
sinna í heitu jóga sem beitt hafa
líkama sínum rangt,“ segir Jó-
hanna sem var sjálf illa haldin af
verkjum í mjóbaki en hefur ekki
kennt sér meins eftir að hún fór að
stunda heitt jóga.
„Byrjendur jafnt sem lengra
komnir geta sótt tíma í heitu jóga
því hver og einn gerir líkamsstöð-
ur eftir eigin mætti. Ég legg ríka
áherslu á rétta öndun sem þarf
að vera hæg og djúp. Í hitanum
opnast æðakerfi líkamans betur
og við það eykst súrefnisf læði
til allra vöðvahópa sem svo enn
eykur á árangur og virkni æfinga.“
Jóhanna á og rekur fyrirtæk-
ið Hot Yoga ehf. í Sporthúsinu.
Þar fer kennslan fram í heitasta
og fyrsta sérútbúna sal landsins
fyrir heitt jóga.
„Ávinningur þess að ástunda
heitt jóga er víðtækur og með
því að hugsa inn á við verður
maður meðvitaðri um eigin lík-
ama. Þá flokkast heitt jóga undir
hámarksbrennslu og stendur á
pari við útihlaup og sund sem
er mesta brennslan. Upplifun-
in er mikil og einstök vellíðan
sem fylgir endorfínframleiðslu
líkamans við áreynslu í heitu
jóga. Maður sér hvað öllum
líður dásamlega eftir æfingar og
ánægjulegt að sjá muninn á and-
litunum fyrir og eftir æfingu,“
segir Jóhanna og brosir. „Áhrif-
in eru mikil og góð í heitu jóga,
bæði á líkama og sál.“
Sjá nánar á www.hotyoga.is og
www.absoluteyogaacademy.com
Hiti skiptir sköpum
Jóhanna Karlsdóttir kynnti heitt jóga fyrir Íslendingum árið 2009. Hún kennir
í heitasta sal landsins í Sporthúsinu og miðlar nú fræðunum um víða veröld.
Jóhanna er ein fjögurra aðalkennara hjá jógakeðjunni Absolute Yoga Academy sem
er vel þekkt í alþjóðlega jógaheiminum og rekur útibú í Asíu og Evrópu. Senn heldur
hún utan í annað sinn til að kenna fimmtíu kennurum hvaðanæva að úr heiminum að
kenna heitt jóga. MYND/VALLI
UMDEILT HUNDAJÓGA
Doga kallast ein
tegund jóga þar sem
fólk notar jóga til að
tengjast og leita sam-
hljóms með hundinum
sínum. Sagan segir að
upphafið megi rekja
til New York árið 2002
þegar Suzi Teitelman
byrjaði að kenna „Yoga
for Dogs.“
Í Doga eiga hundurinn
og eigandi hans að
vinna sem teymi. Mað-
urinn hjálpar hundinum
í hinar ýmsu jógastell-
ingar en auk þess notar maðurinn hundinn sem hjálpartæki fyrir sínar
eigin jógastellingar.
Þessi óvenjulega jógagrein hefur hlotið nokkra gagnrýni meðal jógasam-
félagsins í Bandaríkjunum. Telja sumir hana gera lítið úr jóga og að þetta
sé aðeins tískufyrirbrigði. Hundavinir hafa aftur á móti sagt að Doga
leggi einmitt áherslu á þá stefnu jóga að koma á samhljómi milli tveggja
vera og styrki auk þess samband eiganda og gæludýrs.
Doga miðar að því að hundurinn og eigandinn nái
samhljómi í gegnum jógaæfingar. NORDICPHOTOS/GETTY
1. Lótusinn. Lótus-
staðan var upphaf-
lega eina jógastaðan.
Hún var ætluð til að
kyrra hugann en í þess-
ari stöðu getur líkam-
inn haldist lengi kyrr.
Setið er með krosslagða
fætur svo fæturnir liggi
ofan á lærum, hrygg-
urinn er beinn og hand-
leggir slakir. Staðan er
sögð líkja eftir lótus-
blómi.
2. Tréð. Staða líkam-
ans minnir á rótfast
tré í náttúrunni. Stað-
ið er á öðrum fæti og
hinn fótleggurinn dreg-
inn upp svo ilin ligg-
ur við innra læri. Hönd-
um er ýmist haldið yfir
höfði eða lófum hald-
ið saman fyrir framan
brjóst. Í þessari stöðu
styrkist jafnvægi lík-
amans, ökklar styrkj-
ast og mjaðmir verða
hreyfanlegri.
3. Stríðsmaðurinn. Í
þessari stöðu er mann-
eskjan sögð eins og með
þúsund höfuð, þúsund
augu og þúsund fætur.
Iðkandinn stendur með
breitt bil milli fóta og
beygir annað hnéð.
Handleggir vísa beint
út til hliða, bakið beint
en efri hluti líkamans
og höfuðið snýr fram.
Staðan styrkir mjaðm-
ir og axlir, eykur úthald
og styrkir jafnvægi.
4. Hundurinn. Í þess-
ari stöðu er iðkandinn
með lófa flata í gólfi og
réttir úr hnjám, hæl-
arnir svo látnir síga að
gólfinu. Staðan minnir á
hund sem teygir úr sér.
Staðan styrkir bæði bak
og axlir og einnig úln-
liði og ökkla.
Stríðsmaður og dansari
Hundur, tré, stríðsmaður og dansari eiga kannski ekki mikið sameiginlegt í
huga okkar dagsdaglega. Þessi orð eiga það þó sameiginlegt að vera heiti á
líkamsstöðum í jóga. Jógastöður bera gjarnan heiti einhvers úr umhverfinu
eða náttúrunni og þá einhvers sem staðan líkir eftir.
5. Dansarinn. Staða dansarans er sögð bæði styrkja jafnvægi og einbeitingu, auk þess að styrkja líkams-
stöðuna. Mikla einbeitingu þarf til að halda stöðu dansarans, ef hugurinn fær að flökta er jafnvægið fljótt
að fara. Iðkandinn stendur á öðrum fæti og grípur um hinn fótinn, hallar sér fram og horfir fram eftir
handleggnum.
2 3
4
5
1
JÓGATÁKN
Hakakrossinn þekkja flestir og
tengja við nasisma Adolfs Hitler.
Táknið á sér þó mun eldri og fallegri
rætur.
Hakakrossinn eða swastika er tákn
sem þekkt er innan jógafræðanna.
Swastika er dregið af orðinu svastik
úr sanskrít sem þýðir „það sem er
tengt lífshamingju“.
Elstu heimildir um hakakross eru frá
3000 fyrir Krist. Hann er enn í dag
notaður víða í indverskri trú, sér í
lagi í hindúatrú og búddisma.
Í Austur-Asíu er hakakrossinn kín-
verskt tákn skilgreint í Kangxi-orða-
bókinni sem gefin var út 1716 og
var táknið mikið notað í klassískum
búddískum textum. Síðar fór táknið
að standa fyrir eilífð og búddisma.
Búddalíkneski með hakahross á
bringunni.
FIMM HEILRÆÐI FYRIR BYRJENDUR Í JÓGA
● Takið húmorinn með í jógatíma. Þeir sem leggja of mikið kapp í upp-
hafi á að gera stöður með fullkomnum hætti eru líklegri til að gefast
upp og hætta.
● Ekki ofgera líkamanum. Gerið æfingar eftir eigin mætti,
styrk og þoli til að komast hjá meiðslum og líða vel í hverri
stöðu.
● Eigið niðurrif og vantrú er ávísun á slakan
árangur. Því betri tenging við stöðu og innöndun, því
betri verður reynslan af jóga.
● Gott er að kúpla sig úr daglegri hvunndagsrútínu og
fara í stuttar jógabúðir til að hefja ástundun jóga.
● Mætið með opnum huga í jógatíma og stillið
ykkur á eigið takmarkaleysi og getu.
Jóga
Byrjendanámskeið
Hefst 7. maí
Þri. og fim. kl. 12:00-13:00
ísKennari Gyða D
Verð kr. 12.900,-
Vekjum upp líkamsvitundina og uppskerum
betri líkamsstöðu, aukinn styrk og betra
jafnvægi til að takast á við daglegt amstur.
Skráning í síma 560 1010
eða á mottaka@heilsuborg.is