Fréttablaðið - 21.07.2015, Blaðsíða 4

21. júlí 2015 ÞRIÐJUDAGUR| FRÉTTIR | 4
Elín, er verið að mjólka
neytendur?
„Já, það á að smyrja ofan á verðið.“
Verðlagsnefnd búvöru hefur hækkað verð á
mjólk og mjólkurafurðum um 3,58 prósent
að undanskildu smjöri sem hækkar um 11,6
prósent. Elín Björg Jónsdóttir, formaður
BSRB, gagnrýnir verðhækkunina sem hún
segir að lendi á neytendum og bændum.
FERÐAÞJÓNUSTA „Það sem kemur
kannski mest á óvart er að þetta
komi á óvart,“ segir Ragnheiður
Elín Árnadóttir, ráðherra ferðamála,
um fregnir af salernisvandræðum
erlendra ferðamanna hérlendis.
Ragnheiður segir náttúrupassann
hafa átt að vera heildstæða lausn á
ýmsum vandamálum sem aukinn
fjöldi ferðamanna hefur í för með
sér. „Vegna þess að það eru svo
margir sem bera ábyrgð í þessum
málum að það er ekki hægt að leysa
þetta nema með samstarfi.“
Ríkisstjórnin ákvað í maí, eftir að
ljóst varð að ekkert yrði úr frum-
varpi um náttúrupassa, að veita 850
milljónir til verkefna á fjölförnum
ferðamannastöðum. Ragnheiður
segir að þar af hafi um tíu prósent
fjárhæðarinnar farið í að bæta sal-
ernisaðstöðu víða um land.
„Það sem vekur athygli mína við
þessar fréttir er að þær koma frá
stöðum þar sem þessi mál eru bara
alveg í lagi. Þetta er þá bara eitt-
hvert hegðunarvandamál sem ég
bara veit ekki hvernig á að leysa og
það eru ferðaþjónustuaðilar sem
þurfa að taka á þessu máli með
sínum gestum. Þetta er bara meira
eins og uppeldismál,“ segir Ragn-
heiður.
Ráðherra telur ljóst að það sé
ekki aðeins skortur á fjármagni
sem valdi vandræðum við upp-
byggingu ferðamannastaða. Ragn-
heiður nefnir sem dæmi að í fyrra
hafi ráðuneytið úthlutað 380 millj-
ónum króna úr framkvæmdasjóði
ferðamannastaða til uppbyggingar
og verndaraðgerða á ferðamanna-
stöðum.
„Þetta átti að klárast fyrir sum-
artraffíkina, til að koma í veg fyrir
skemmdir á náttúrunni og tryggja
öryggi ferðamanna. Í sumar-
byrjun núna 2015 voru enn eftir í
sjóðnum af þessari sérstöku fjár-
veitingu tæplega 200 milljónir sem
ekki hafa gengið út þar sem greitt
er út eftir framvindu verkefnis-
ins,“ segir Ragnheiður. Hún nefn-
ir sem dæmi að í sumum tilfellum
hafi ekki fengist verktakar, sum-
arið hafi verið rigningasamt eða
að komið hafi í ljós að það þyrfti að
hanna meira.
„Allar skýringar góðar og gild-
ar en þetta segir manni að það er
ekki bara skortur á fjármagni sem
er að hefta uppbyggingu og úrbæt-
ur á ferðamannastöðum heldur oft
skipulagsmál á forræði sveitarfé-
laga eða skortur á undirbúningi.
Þarna verðum við einfaldlega að
taka höndum saman og leysa úr.“
Ragnheiður tekur að einhverju
leyti undir með þeim Vigdísi
Hauksdóttur, þingmanni Fram-
sóknarflokksins, sem og flokks-
bróður sínum, Jóni Gunnarssyni,
sem lýstu því yfir um helgina að
þau teldu rétt að virðisaukaskatt-
ur yrði hækkaður á ferðaþjónustu,
en hann hefur mestmegnis verið
í lægra þrepi skattsins, og sumar
greinar verið undanþegnar virðis-
aukaskatti. Hún segir vinnu þegar
hafna við að fækka undanþágum
í greininni. Hvalaskoðunarferðir
hafi verið teknar inn í kerfið, bað-
staðir verði einnig settir inn og þá
séu eftir hópbifreiðar og leigubílar.
„Fjármálaráðherra er að vinna
með Samtökum ferðaþjónustunn-
ar í þessum málum. Þetta er ekki
síður ferðaþjónustuaðilunum í
hag þar sem þeir hafa ekki getað
nýtt sér innskatt vegna þessa.
Varðandi þrepin þá tek ég undir
það sem komið hefur fram en við
þurfum að fara kannski gætilegar
í þeim efnum þar sem við erum í
samkeppni við útlönd og það þarf
að passa að við séum samkeppnis-
hæf. Framtíðarstefnan er að vera
bara með eitt virðisaukaskattþrep
sem gildir almennt fyrir alla og án
undanþága. Þannig kerfi vil ég sjá,“
segir Ragnheiður Elín.
fanney@frettabladid.is
Ekki bara fjármagnsskortur
sem hindrar uppbyggingu
Ferðamálaráðherra segir salernisvandamál ferðamanna ekki koma á óvart. Oft hindri skipulagsmál eða skortur á
undirbúningi við uppbyggingu frekar en skortur á fjármagni. Tekur undir hugmyndir um breytingar á skattkerfi.
SALERNI VIÐ
ÞINGVELLI Ráð-
herra ferðamála
segir þau vand-
ræði sem komið
hafa upp vegna
ágangs erlendra
ferðamanna ekki
koma á óvart.
Náttúrupassinn
hafi átt að taka
heildstætt á
þessum málum.
FRÉTTABLAÐIÐ/PJETUR
Fram-
tíðarstefnan
er að vera
bara með eitt
virðisauka-
skattþrep sem
gildir al-
mennt fyrir alla og án
undanþága. Þannig kerfi
vil ég sjá.
Ragnheiður Elín Árnadóttir,
ferðamálaráðherra
ALÞJÓÐAMÁL Bandaríkjamenn opnuðu sendi-
ráð sitt í Kúbu og Kúbumenn opnuðu sendiráð
sitt í Bandaríkjunum í gær þegar formlegu
stjórnmálasambandi milli landanna var aftur
komið á. Stjórnmálasambandi var slitið árið
1961 í kjölfar byltingar Fidels Castro.
Vegna opnunar sendiráðanna var fáni
Kúbumanna settur upp í byggingu utanríkis-
ráðuneytis Bandaríkjanna innan um hóp fána
þeirra ríkja sem reka sendiráð í Bandaríkjun-
um. Kúbverski fáninn fær nú að standa á milli
fána Króatíu og Kýpur.
John Kerry, utanríkisráðherra Bandaríkj-
anna, tók á móti Bruno Rodriguez, utanríkis-
ráðherra Kúbu, í tilefni af opnun sendiráð-
anna í gær.
Rodriguez dró kúbverska fánann að hún við
hið nýja sendiráð Kúbumanna í Washington,
höfuðborg Bandaríkjanna. Á meðan kölluðu
viðstaddir „Fidel! Fidel!“ og „lifi Raul!“ til
að hylla Fidel og Raul Castro, bræðurna sem
hafa stjórnað Kúbu frá 1959.
Þróunin í átt að opnun sendiráða var nokk-
uð hröð en Barack Obama Bandaríkjaforseti
og Raul Castro, forseti Kúbu, funduðu saman
í Panama í apríl síðastliðnum eftir að tilkynnt
hafði verið um vinnu að bættum samskiptum
ríkjanna í desember. - þea
Kúbumenn opnuðu sendiráð í Bandaríkjunum og Bandaríkjamenn opnuðu einnig sendiráð á Kúbu:
Stórt skref stigið í samskiptum ríkjanna
STJÓRNMÁLASAMBAND Fáni Kúbu stendur nú milli
fána Króatíu og Kýpur í byggingu utanríkisráðuneytis
Bandaríkjanna. NORDICPHOTOS/AFP
DÓMSMÁL Kristján Markús Sívarsson var í gær
dæmdur í fjögurra ára og níu mánaða fangelsi í
Héraðsdómi Reykjaness auk þess að vera sviptur
ökuréttindum.
Ríkharð Júlíus Ríkharðsson hlaut 38 mánaða dóm
og 36 þeirra eru skilorðsbundnir.
Marteinn Jóhannsson hlaut átta mánaða dóm en
sex mánuðir eru skilorðsbundnir.
Um var að ræða nokkrar ákærur sem teknar voru
fyrir í sama máli. Kristján Markús var sakborning-
ur í öllum kærunum. Hann var til að mynda ákærð-
ur fyrir fimm ofbeldisbrot, tvær frelsissviptingar,
þjófnaði og umferðarlagabrot.
Allir þrír voru þeir sakfelldir fyrir frelsissvipt-
ingu í Kópavogi í fyrra þegar þeir komu inn á heim-
ili manns og beittu hann barsmíðum.
Kristjáni var gefið að sök að hafa ásamt tveimur
öðrum einstaklingum svipt nítján ára pilt frelsi sínu
og haldið honum nauðugum á heimili föður Krist-
jáns í Vogum á Vatnsleysuströnd. Þar beittu þeir
hann grófu ofbeldi meðal annars með því að gefa
honum rafstuð í kynfærin, stinga hann með spraut-
unál og neyða hann til að drekka smjörsýru.
Vitorðsmenn Kristjáns fengu annars vegar níu
mánaða skilorðsbundinn dóm til þriggja ára og hins
vegar fjórtán mánaða dóm og þar af tólf mánuði
skilorðsbundna. - jóe, srs
Þrír dæmdir í fangelsi fyrir frelsissviptingu og ofbeldisbrot í Kópavogi í fyrra:
Sviptu nítján ára pilt frelsi sínu
KRISTJÁN MARKÚS SÍVARSSON Kristján ásamt öðrum svipti
19 ára pilt frelsinu. FRÉTTABLAÐIÐ/VILHELM
REYKJAVÍK Dagur B. Eggertsson
borgarstjóri og Gísli Gíslason
hafnarstjóri skrifuðu undir kaup-
samninga Reykjavíkurborgar á
þremur lóðum Faxaflóahafna sf.
síðastliðinn föstudag. Þetta eru lóð
Áburðarverksmiðjunnar í Gufu-
nesi, land á Geldinganesi og land
í Eiðsvík.
Ekki er ljóst hver nýting á land-
inu verður en á vegum borgar-
innar stendur yfir samkeppni
um framtíðarskipulag Gufuness
í Grafarvogi. Reykjavíkurborg
hefur auglýst eftir hugmyndum
um nýtingu lands og mannvirkja
á svæðinu. - ngy
Vilja hugmyndir um nýtingu:
Borgin keypti
þrjár lóðir
LÖGREGLUMÁL Tveir menn sitja
enn í gæsluvarðhaldi eftir að lög-
regla lagði hald á mikið magn e-
taflna í íbúðarhúsi á höfuðborgar-
svæðinu.
Í tilkynningu frá lögreglu kom
fram að lögregla hefði lagt hald
á töflugerðarvél sem talið er að
hafi verið notuð til að búa til e-
töflurnar.
Fimm menn voru handteknir
vegna málsins og þar af voru
fjórir úrskurðaðir í gæsluvarð-
hald en tveimur þeirra hefur nú
verið sleppt. - ih
Rannsókn vegna pillupressu:
Tveir áfram í
gæsluvarðhaldi
DAGUR B. EGGERTSSON Á vegum
borgarinnar stendur yfir samkeppni um
framtíðarskipulag Gufuness í Grafarvogi.
SPURNING DAGSINS
SÓLARDAGAR
20.–21. JÚLÍ
Úrval Útsýn |  Hlíðasmára 19 | 201 Kópavogi |  585 4000 |  uu.is
SJÁ NÁNAR Á UU.IS/SOLARDAGAR
FERÐIR Í SÓLINA Í ÁGÚST Á BETRA VERÐI
TENERIFE
MARYLANZA APARTHOTEL
19.–26. ágúst. Íbúð með einu svefnherbergi.
FRÁ 89.900 KR.
á mann m.v. 2 fullorðna og 2 börn – fullt verð 99.400 kr.
0
3
-1
2
-2
0
1
5

2
3
:0
0
F
B
0
4
0
s
_
P
0
3
7
K
.p
1
.p
d
f
F
B
0
4
0
s
_
P
0
3
2
K
.p
1
.p
d
f
F
B
0
4
0
s
_
P
0
0
4
K
.p
1
.p
d
f
F
B
0
4
0
s
_
P
0
0
9
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
7
5
3
-0
B
0
C
1
7
5
3
-0
9
D
0
1
7
5
3
-0
8
9
4
1
7
5
3
-0
7
5
8
2
8
0
X
4
0
0
3
B

F
B
0
4
0
s
_
2
0
_
7
_
2
0
1
5
C
M
Y
K