Fréttablaðið - 21.07.2015, Blaðsíða 12
21. júlí 2015 ÞRIÐJUDAGUR| FRÉTTIR | 12
BRETLAND „Ég vil vinna með ykkur
svo við getum sigrast á þessu eitri,“
sagði David Cameron, forsætisráð-
herra Bretlands og leiðtogi Íhalds-
flokksins, þegar hann kynnti í gær
áætlun ríkisstjórnar sinnar í bar-
áttunni við herskáa íslamista í
Bretlandi. Forsætisráðherrann lof-
aði í ræðu sinni í Birmingham að
takast á við „misheppnaða aðlög-
un múslima“ sem hann sagði hafa
leitt til þess að breskir ríkisborg-
arar færu til Mið-Austurlanda til
að ganga í raðir Íslamska ríkisins.
„Hérna eru mín skilaboð til allra
ungra Breta sem hyggjast slást í
lið með Íslamska ríkinu. Þú munt
ekki verða virtur meðlimur neinn-
ar hreyfingar. Þú verður fallbyssu-
matur,“ sagði Cameron.
Forsætisráðherrann sagði vanda-
mál hve litla samkennd sumir
breskir múslimar hefðu með þjóð
sinni. Þá lofaði hann að eyða þeim
töfraljóma sem hann sagði umlykja
Íslamska ríkið með því að sýna
ungum Bretum hversu hryllileg
samtökin eru í raunveruleikanum.
Meðal skrefanna sem ríkisstjórn
Bretlands ætlar að stíga í átt að
bættri aðlögun múslima að bresku
samfélagi má nefna regluverk sem
leyfir foreldrum barna sem strjúka
til að berjast fyrir Íslamska ríkið
að ógilda vegabréf þeirra. Auk þess
lokun sjónvarpsstöðva sem sýna
áróður herskárra íslamista, minni
aðskilnað trúarhópa í skólum, ítar-
legar rannsóknir á útbreiðslu boð-
skapar öfgahópa og aukna áherslu
á „hefðbundin bresk gildi“.
„Engan á að skrímslavæða. Með-
almúsliminn er alveg jafn andvígur
hugmyndafræði herskárra íslam-
ista og aðrir,“ sagði Cameron.
Samkvæmt tölum lögreglu í
Bretlandi er talið að 700 manns
hið minnsta hafi ferðast til Mið-
Austurlanda frá Bretlandi í þeim
tilgangi að berjast fyrir Íslamska
ríkið. Einn þeirra er Talha Asmal
sem varð líklega yngsti sjálfsvígs-
árásarmaður Bretlands í síðasta
mánuði er hann sprengdi sig í loft
upp í nafni Íslamska ríkisins í Írak,
sautján ára að aldri.
„Saman getum við sigrast á
vandanum. Breska þjóðin sigraði
Hitler og hún sigraði kommún-
ismann. Saman munum við sigra
hópa herskárra íslamista,“ sagði
Cameron að lokum.
thorgnyr@frettabladid.is
Cameron ætlar að sigra
hina „eitruðu“ íslamista
Forsætisráðherra Breta kynnti í gær áætlun til að vinna bug á upprisu herskárra íslamista. Hann segir raddir
hinna öfgafullu yfirgnæfa þá hófsömu. Sjö hundruð manns hafa farið frá Bretlandi til að berjast fyrir ISIS.
HERÓP David Cameron sótti vinnustofu um leiðir til að tilkynna grunsamlegt
athæfi herskárra íslamista á netinu áður en hann hélt ræðu sína í Birmingham.
NORDICPHOTOS/AFP
Þetta er
hópur sem
hendir fólki
fram af
byggingum
og brennir
fólk lifandi.
Þetta eru engir brautryðj-
endur heldur illskeyttur
og illvígur hópur.
David Cameron,
forsætisráðherra Bretlands
BANDARÍKIN 21 árs karlmaður
fannst látinn í sundlaug við
heimili Demi Moore síðastliðinn
sunnudag.
Lögreglan í Los Angeles yfir-
heyrði fimm sem voru í sam-
kvæmi á heimili Moore á laugar-
dagskvöld.
Lögregla fann manninn í
dýpri enda laugarinnar en end-
urlífgunartilraunir báru ekki
árangur.
Moore var ekki á heimili sínu
þegar atvikið átti sér stað en
hún segist vera í losti yfir atvik-
inu í yfirlýsingu sem hún sendi
frá sér í gær. - srs
Lést eftir skemmtanahald:
Látinn í laug
Demi Moore
Í LOSTI Demi Moore var ekki viðstödd
þegar atvikið átti sér stað.
NORDICPHOTOS/GETTY
NORÐUR-KÓREA Kosningaþátttaka
var 99,97 prósent í sveitarstjórn-
arkosningum í Norður-Kóreu á
sunnudag samkvæmt tölum ríkis-
fjölmiðils landsins. Verkamanna-
flokkurinn, flokkur Kim Jong-Un
leiðtoga landsins, vann stórsigur í
kosningunum, enda eini flokkur-
inn á lista. Kim Jong-Un er kjörinn
fulltrúi á norðurkóreska þinginu,
rétt eins og aðrir fulltrúar, en hann
hlaut hundrað prósent atkvæða í
sínu kjördæmi í fyrra.
Kjósendur voru ekki beðnir um
að merkja við flokkinn á kjörseðl-
inum heldur átti að skila kjörseðli í
kjörkassa til að sýna stuðning sinn
við frambjóðandann, en einn fram-
bjóðandi er í hverju kjördæmi.
Algengt er að kjörsókn í Norð-
ur-Kóreu sé nærri 100 prósent
sökum þess að allir Norður-Kór-
eumenn sem náð hafa sautján ára
aldri eru skyldugir til að kjósa. Þeir
sem ekki kjósa eiga yfir höfði sér
landráðaákæru.
Fulltrúarnir sem ná kjöri munu
sitja í embætti í fjögur ár en stjórn-
málafræðingar telja áhrif þeirra
lítil sem engin. Hlutverk þeirra er
sagt vera að framfylgja ákvörðun-
um ríkisstjórnarinnar.
Breska blaðið Independent áætl-
ar að þeir 13.160 Norður-Kóreu-
menn, 0,03 prósent, sem ekki kusu,
verði því ákærðir og líklegast tekn-
ir af lífi fyrir það eitt að kjósa ekki
í kosningunum. - þea
Búist við að þeir sem ekki kusu verði líflátnir:
Kjörsókn í N-Kóreu
var nærri 100 prósent
SIGURREIFUR
Flokkur Kim
Jong-Un fékk
öll sveitar-
stjórnarsæti í
nýyfirstöðnum
kosningum,
enda eini
flokkurinn á
lista.
NORDICPHOTOS/AFP
ALÞJÓÐAMÁL Öryggisráð Sameinuðu þjóðanna
samþykkti einróma ályktun um að aflétta við-
skiptabanni á Íran í gær. Aflétting bannsins er
liður í samningi sem Íranar gerðu við stórveldi
heimsins, Bandaríkin, Rússland, Kína, Bret-
land, Frakkland, Þýskaland og Evrópusam-
bandið, um kjarnorkumál Írans.
Samningurinn gengur út á að aflétta við-
skiptabanni Sameinuðu þjóðanna og Banda-
ríkjanna á Írana gegn því að Íranar framleiði
ekki kjarnorkuvopn. Ályktunin felur þó ekki
í sér að aflétta banni á viðskipti með vopn
en samningurinn gerir ráð fyrir að það bann
standi í fimm ár í viðbót.
Andstæðingar samningsins í fulltrúadeild
Bandaríkjaþings eru ósáttir við að Sameinuðu
þjóðirnar hafi afgreitt málið og Bandaríkin
kosið með afgreiðslunni áður en málið kom til
umræðu í þinginu. Þingflokkur repúblikana,
sem er með meirihluta í þinginu, er talinn ætla
að hafna samningnum þegar hann kemur til
atkvæðagreiðslu.
Barack Obama, forseti Bandaríkjanna,
hefur þó sagst ætla að beita neitunarvaldi sínu
á hverja þá ákvörðun sem komi í veg fyrir
að samningurinn taki gildi. Tvo þriðju hluta
þings þyrfti til að snúa ákvörðun forseta við en
repúblikanar ná því ekki einir. - þea
Öryggisráð Sameinuðu þjóðanna fundaði í gær um samninginn sem náðist um kjarnorkumál Írana:
Ályktuðu um að aflétta viðskiptabanninu
FUNDAÐ Öryggisráð Sameinuðu þjóðanna samþykkti
að aflétta viðskiptabanni á Írana. NORDICPHOTOS/AFP
AFGANISTAN Bandaríski loft-
herinn varpaði sprengjum á
bækistöðvar afganska hersins í
Logar-héraði fyrir mistök í gær.
Að minnsta kosti átta afganskir
hermenn féllu í árásinni.
Árásin er sögð setja spennu
í samskipti Bandaríkjamanna
og Afgana sem hafa undanfarið
unnið saman að árásum, jafnt á
hendur talíbönum og Íslamska
ríkinu.
Breska ríkisútvarpið segir að
fjöldi talíbana sé í Logar. - þea
Sprengingar í Logar-héraði
Sjö Afganar
dóu í slysaárás
0
3
-1
2
-2
0
1
5
2
3
:0
0
F
B
0
4
0
s
_
P
0
2
9
K
.p
1
.p
d
f
F
B
0
4
0
s
_
P
0
1
2
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
7
5
3
-0
1
2
C
1
7
5
2
-F
F
F
0
1
7
5
2
-F
E
B
4
1
7
5
2
-F
D
7
8
2
8
0
X
4
0
0
2
B
F
B
0
4
0
s
_
2
0
_
7
_
2
0
1
5
C
M
Y
K