Lögmannablaðið - 01.12.2005, Page 16

Í BYRJUN NÓVEMBER var hald-
inn fyrsti undirbúningsfundur fyrir
göngu félagsins á Hvannadalshnjúk.
Fimmtán manns mættu á fundinn en
þar kynnti Haraldur Örn Ólafsson,
sérskipaður fararstjóri LMFÍ, ferðina,
sýndi myndir og ræddi um með hvaða
hætti þátttakendur gætu undirbúið sig.
Nú er búið að panta gistingu á Hótel
Skaftafelli fyrir hópinn og væntanlega
flestir byrjaðir að þjálfa sig fyrir göng-
una. Lögmannablaðið fékk Harald
Örn til að svara nokkrum spurn-
ingum um gönguna, til fróðleiks fyrir
þá sem ekki komust á fundinn.
Er ganga á Hvannadalshnjúk erfið?
Þetta er löng ganga með mikilli hæðar-
hækkun þannig að óhætt er að segja að hún
sé erfið. Flestir sem hafa æft sig vel ná þó
toppnum en þreytan segir til sín í lok dags.
Hvernig er best að þjálfa sig fyrir gönguna?
Fjallgöngur er besta þjálfunin og mæli ég
með reglulegum ferðum á nálæg fjöll, ekki
síst Esjuna. Síðan er alhliða líkamsrækt
einnig mikilvæg til að komast í gott form.
Aðalatriðið er að hafa gott úthald til að
takast á við svo langa göngu. Gott er að hafa
til viðmiðunar að komast að stóra steininum
undir Þverfellshorni Esjunnar á einni
klukkustund.
Eru leiðirnar á hnjúkinn miserfiðar og
hvaða leið ætlum við að ganga?
Algengustu leiðirnar eru Virkisleið og
Sandfellsleið en þær eru álíka erfiðar. Við
stefnum að því að fara Virkisleið sem er ein
fallegasta leiðin á tindinn. Við byrjum á því
að ganga á mannbroddum inn Virkisjökul
en síðan taka við brekkur upp með Hvanna-
dalshrygg. Útsýnið af þessari leið er mjög
fallegt og stórbrotið.
Þú ræddir sérstaklega á fundinum um mik-
ilvægi þess að fara nógu hægt yfir, hvers vegna
er það svona mikilvægt?
Þetta er langur göngudagur, eða um 14
klukkustundir, og því skiptir sköpum að
16 < LÖGMANNABLAÐIÐ – 4 / 2005
Skiptir sköpum
að ganga nógu
hægt!
Ganga á
Hvannadalshnjúk
næsta vor: