Þjóðmál - 01.09.2011, Side 48

46 Þjóðmál HAUST 2011
Nemandi á náttúrufræðibraut, sem hefði
hug á verk fræði, hefði e .t .v . meira gagn af
því að taka tvo til þrjá áfanga í grunnteikn-
ingu eða rafmagnsfræði fyrir rafvirkja en
alla ljóðagreininguna í íslensku .
Dæmi um einkaskóla
á framhaldsskólastigi
Því miður er einungis hægt að tala um tvo einkaskóla á framhaldsskólastigi
á Íslandi sem útskrifa nemendur með
stúdents próf, þ .e . Verslunarskóla Íslands
og Mennta skólann Hraðbraut . Auk þeirra
er rétt að nefna Sumarskólann í FB en þótt
hann brautskrái ekki stúdenta sækja hann
yfir þúsund nemendur á sumri hverju og fara
í gegn um valda námsáfanga sem þeir fá síðan
metna í skólum sínum . Þar sem Verslunar-
skól inn hefur fyrir löngu sannað ágæti sitt
mun ég láta nægja að fjalla nánar um tvo
síðar nefndu skólanna, þ .e . Menntaskólann
Hrað braut og Sumarskólann í FB .
Menntaskólinn Hraðbraut
Ólafur H . Johnson, viðskiptafræðingur og kennari, á heiðurinn af Hrað-
braut . Hann var árum saman kennari í við-
skiptagreinum við FB og áttaði sig á því að
margir dugmiklir nemendur myndu ráða
við mun meiri námshraða . Hann stofnaði
því Menntaskólann Hraðbraut árið 2003
og bætti þannig úr brýnni þörf ákveðins
hóps metnaðarfullra nemenda sem vildu
hefja sérhæft háskólanám mun fyrr . Tvennt
lýsir sérstöðu Hraðbrautar . Annars vegar
að viðmiðunarnámstími til stúdentsprófs
er tvö ár í stað fjögurra og hins vegar að
námið er skipulagt þannig að nemendur
vinna alla heimavinnuna í skólanum og á
skólatíma . Sömu kröfur eru um mætingu í
heima vinnutíma og hefðbundna kennslu-
tíma . Hraðbraut þarf, eins og aðrir fram-
halds skólar, að fylgja miðstýrðri nám skrá
mennta málaráðuneytisins . Engu að síður
virðist að sérstaða skólans varðandi náms-
hraða og aðstöðu til heimavinnu hafi náð
að laða að það marga nemendur að skólinn
er nú að hefja áttunda starfsár sitt og
hefur þegar brautskráð nokkur hundruð
stúdenta . Nemendum Hraðbrautar gengur
að jafnaði vel í háskólanámi, t .d . í krefjandi
greinum eins og verkfræði og læknisfræði .
Þetta er athyglisverður árangur þar sem
þessir nemendur luku stúdentsprófi sínu að
jafnaði tveimur árum fyrr en félagar þeirra í
öðrum framhaldsskólum .
Skólagjöld við Hraðbraut eru talsvert há
en nemendur skólans telja ekki eftir sér að
greiða þau því þeir ljúka námi tveimur árum
fyrr en ella og lengja þannig starfsævi sína
og ævitekjur sem því nemur, þeim sjálfum
og þjóðfélaginu öllu til hagsbóta . Þannig
er Hraðbraut alódýrasti framhaldsskólinn
fyrir skattborgarana af öllum þeim stóru og
smáu framhaldsskólum sem reknir eru um
landið allt .
(Varðandi umdeildar arðgreiðslur skóla-
stjóra Hraðbrautar sem komust í hámæli nú
í vor er rétt að benda á að það mál er algjör-
lega óskylt hinu faglega starfi skólans auk þess
sem að minna má á allan þann aragrúa ríkis-
skóla sem farið hafa fram úr fjárheim ildum
undanfarin ár, og er Landbúnaðarháskóli
Íslands nærtækasta dæmið því sá skóli fór
síðast hátt í þrjú hundruð milljónum króna
fram úr fjárheimildum ríkisins . Arðgreiðslur
skólastjóra Hraðbrautar eru hugsanlega
smá mál í samanburði við það hneyksli .)
Sumarskólinn í FB
Þótt Sumarskólinn í FB brautskrái ekki stúdenta er rétt að gera grein fyrir þeim
skóla því hann hreinn einkaskóli . Með
öðrum orðum, skólinn er algjörlega rekinn
af skólagjöldum, þ .e . skólinn nýtur engrar