Þjóðmál - 01.09.2011, Síða 78

76 Þjóðmál HAUST 2011
þegar hann sneri sér að bókaskrifum, og
víst er, að fréttagreinar hans og viðtöl í The
New Statesman nutu vinsælda . Á þessum
árum hélt hann jafnan dagbók og nú um
mitt sumar kom út bók sem nefnist Brief
Lives og byggist á dagbókunum . Þar segir
Johnson frá kynnum sínum af ýmsum
valda- og áhrifamönnum í stjórnmálum,
bókmenntum og listum víða um heim .
Stjórnmálaskoðanir Johnsons tóku að
breyt ast þegar kom fram á 8 . áratuginn . Að
eigin sögn ofbauð honum hnignunin sem
hvar vetna blasti við á Bretlandi, dáðleysi
vinstri manna og Verkamannaflokksins og
um fram allt ofríki verkalýðshreyfingarinnar
sem barðist gegn öllum nýjungum og hékk
eins og hundur á roði á gömlum rétt indum
og oft úreltum kennisetningum . Hann
þokaðist smám saman til hægri og eftir kosn-
ingasigur Margrétar Thatcher og Íhalds-
flokksins í kosningunum árið 1979 varð
Johnsons einn af nánustu ráðgjöfum hennar
og ræðuskrifurum . Sem slíkur hafði hann
umtalsverð áhrif og undanfarna þrjá áratugi
hefur hann verið í hópi áhrifamanna í Íhalds-
flokknum . Á seinni árum hefur þó sumum
félögum hans á þeim slóðum þótt nóg um
íhaldssemi hans sem sumir þeirra vilja fremur
kenna við afturhald en íhald . Johnson hefur
í greinaskrifum verið mjög gagnrýninn á
nútímann og þau gildi sem einkenna nútíma-
samfélag . Hann er einnig þekktur fyrir íhalds-
semi í trúmálum og hefur ekki síst beint
spjótum sínum gegn hinum þekkta guð leys-
ingja Richard Dawkins . Fyrir það og ýmsar
pólitískar yfirlýsingar, m .a . um Richard Nixon
og Bill Clinton, nýtur hann álits og vinsælda
meðal bandarískra íhaldsmanna og er vinsæll
fyrirlesari í Bandaríkjunum . Þá skrifar hann
reglulega í bandarísk blöð, m .a . The New York
Times og The Wall Street Journal .
Paul Johnson kvæntist árið 1958
Marigold Hunt og eiga þau fjögur börn .
Hann var lengi vel talinn fyrirmyndar
eiginmaður og fjölskyldufaðir og boðaði
mikilvægi hjónabandsins, siðavendni og
tryggð við fornar dyggðir í blaðagreinum
sínum . Árið 1998 kom hins vegar upp úr
dúrnum að hann hafði undanfarin ellefu
ár átt í ástarsambandi við rithöfundinn
Gloriu Stewart . Hún sagði frá sambandi
þeirra í blöðum, að eigin sögn vegna þess
að henni ofbuðu siðapredikanir Johnsons á
opinberum vettvangi . Þær þóttu henni harla
hræsnisfullar í ljósi þess sem hún vissi .
Paul Johnson er nú orðinn roskinn
maður og hætt er við að hann fari heldur
að hægja ferðina í bóka- og greinaskrifum .
Enn má þó vafalítið vænta nýrra verka frá
hans hendi og fátt bendir til annars en að
hann haldi áfram skriftum svo lengi sem
hann fær valdið pennanum .
Samtök fjármálafyrirtækja segjst hafa lækkað skuldir heimilanna um 143 .9 milljarða . Er þetta
virkilega rétt?
Þegar betur er að gáð þá er þetta röng og villandi
fram setning á einföldu máli .
Staðreyndin er sú að með endurreikningi ólög-
mætra gengistryggðra lána lækka þau um 119
milljarða . Þetta er ekki lækkun heldur leiðrétting í
samræmi við niðurstöðu Hæstaréttar .
Þá standa eftir 24 .9 milljarðar en af þeim eru 18 .7
milljarðar sem er lækkun vegna þess að fjármála-
fyrirtæki samþykktu lækkun óveðtryggðra lána með
svo kallaðri 110% leið . Rúmir 5 milljarðar eru síðan
lækkun vegna sértækrar skuldaaðlögunar .
Staðreyndin er þá sú að engin lækkun hefur orðið
á innheimtanlegum skuldum eins og þær eru kallaðar .
Eina lækkunin sem hefur orðið og fjármálafyrirtækin
telja sér til gæða er lækkun í samræmi við landslög
og langt umfram veðmörk þannig að sýnt var að þær
mundu aldrei innheimtast .
Sýnist einhverjum að það sé verið að gefa gjafir?
jonmagnusson .blog .is, 31 . ágúst 2011
Gjafir eru yður gefnar