Þjóðmál - 01.12.2013, Síða 10

Þjóðmál VETUR 2013 9
landið . Frásagnir af þeirri ferð hafa sett
líflegan svip á blaðið og veitt lesendum sýn
á stöðu mála og mannlífið . Frásagnirnar
minna einnig á gildi þess fyrir blaðið að
halda vel utan um frétta ritarakerfi en það
hefur því miður riðl ast í hamförunum sem
gengu yfir blaðið vegna hrunsins . Má rekja
það til ýmissa þátta en þó ekki síst þess að
blaðið minnkaði mikið vegna samdráttar í
auglýsingum .
Frá árinu 2002 hefur Morgunblaðið háð
ójafna samkeppni við fríblaðið Fréttablaðið .
Það var um tíma með leynd í eigu stærstu
smásala landsins, Baugsmanna, sem beittu
því purkunarlaust í eigin þágu bæði til að
hafa áhrif á stjórnmálamenn og dóm ara
og auk þess til að rakka þá niður sem eig-
endunum þótti réttmætt að ýta til hliðar .
Baugs menn lögðu sig ekki aðeins fram um
að grafa undan áskrift að Morg un blað inu
heldur héldu þeir einnig þannig á fjár mun-
um sem þeir nýttu til aug lýsinga að sem
minnst af þeim rynni til Morg un blaðsins .
Þessa atlögu hefur Morgunblaðið staðist
þótt um tíma, haustið 2008, hafi það komist
í eignarhald Jóns Ásgeirs Jóhannessonar,
eiganda Baugs .
Margt er einkennilegt í fjölmiðlasögu
síðasta áratugar og Morgunblaðið hefur orðið
að standast þolraunir . Með Baugsmönnum
lögðust fleiri á árarnar í því skyni að sigla
blaðið í kaf . Skemmst er að minnast óvildar
starfsmanna fréttastofu ríkisútvarpsins í
garð blaðsins og hvatningar úr þeirri átt til
fólks um að segja upp áskrift á blaðinu eða
láta ógert að skrá sig sem áskrifendur . Þetta
viðhorf endurspeglar hrokann í Efstaleiti
sem birtist á skýran hátt í spennu sem
myndaðist þar innan dyra við uppsagnir
fólks undir lok nóvember 2013 .
Þá er furðulegt að samkeppnisyfirvöld
hafi ekki gert athugasemdir við kannanir
þar sem sömu aðferðir eru látnar gilda um
athugun á útbreiðslu Fréttablaðsins annars
vegar og Morgunblaðsins hins vegar og
niðurstöður birtar eins og um sambærilega
vöru sé að ræða . Í þessu tilviki er þó önnur
varan gefin en hin seld . Hvar annars staðar í
við skiptalífinu kæmust menn upp með svo
vill andi samanburð?
Í 100 ára sögu Morgunblaðsins hafa skipst
á skin og skúrir . Hvarvetna takast blaða-
útgefendur á við nýtt og gjörbreytt rekstrar-
umhverfi vegna áhrifa nýrrar tækni til að
þjóna fjölmiðlanotkun almennings . Áhugi
á fréttum, fræðandi og forvitnilegu efni
hefur ekki minnkað . Leiðirnar til að nálgast
efnið hafa hins vegar breyst .
Prentmiðlar hafa vissulega átt undir
högg að sækja en nú er sótt af æ meiri
þunga að þeim miðlum sem dreifa efni á
ljós vak anum . Netheimar hafa þar skapað
nýjar víddir . Hin veika fjárhagslega staða
fjöl miðlafyrirtækisins 365 sýnir að óhjá-
kvæmi legt er að eitthvað láti undan að
lokum .
Þ á er furðulegt að sam-keppnisyfirvöld hafi ekki
gert athugasemdir við kannanir
þar sem sömu aðferðir eru látnar
gilda um athugun á útbreiðslu
Fréttablaðsins annars vegar og
Morgunblaðsins hins vegar og
niðurstöður birtar eins og um
sambærilega vöru sé að ræða . Í
þessu tilviki er þó önnur varan
gefin en hin seld . Hvar annars
staðar í viðskiptalífinu kæmust
menn upp með svo villandi
samanburð?