Þjóðmál - 01.12.2013, Side 12

Þjóðmál VETUR 2013 11
spurning ætti að brenna á vörum allra sem
vilja efla og styrkja flokkinn .
IV .
Svarið við spurningunni snertir þrjá meginþætti .
Í fyrsta lagi sundrungu í borgar stjórn-
ar flokki sjálfstæðismanna . Að borgar full-
trúunum skuli hafa mistekist að koma sér
saman um sameiginlega afstöðu til nýs
aðalskipulags Reykjavíkur sýnir dæmalaust
forystuleysi innan hópsins . Fyrsta skrefið
til að efla traust annarra á einhverjum hópi
er að hópurinn sjálfur sé samstiga . Þetta
er svo einfalt lögmál að einkennilegt er að
sjálfstæðismenn í borgarstjórn skuli hafa
vikið því til hliðar . Málamiðlun innan
flokksins um þetta mál er lykillinn að því
að honum sé treyst .
Í öðru lagi hefur borgarstjórnarflokkurinn
fráfarandi ekki gert upp við REI-hneykslis-
málið á fullnægjandi hátt . Yfir flokknum
í Reykjavíkur hvílir skuggi af því hvernig
staðið var að stjórn Orkuveitu Reykjavíkur
eftir að sjálfstæðismenn mynduðu meiri-
hluta í borgarstjórn eftir kosningarnar 2006 .
Innan flokksins í Reykjavík er kjarni sem
bregst ókvæða við í hvert sinn sem vakið er
máls á REI-hneykslinu . Ofsaleg viðbrögðin
sýna ekki annað en hræðslu við að málið sé
brotið til mergjar . Þessi veikleiki smitar út
frá sér innan flokksins í höfuðborginni .
Í þriðja lagi hefur kjörnum fulltrúum
sjálf stæðismanna mistekist að sýna og sanna
hve fráleitt sé að Jón Gnarr hafi verið góður
borgarstjóri . Hann nýtur vinsælda og látið
er með hann eins og störf hans snúist ekki
um stjórnmál heldur eitthvað annað og þess
vegna hafi hann sannað hve stjórnmála menn
séu ómögulegir! Staðreynd er að eftir Jón
Gnarr liggur ekkert annað en honum tókst
að verða borgarstjóri án þess að geta gegnt
embættinu á þann veg sem sæmir kjörn um
fulltrúa . Hann hefur forðast að ræða mál
við borgarbúa og þá sjaldan sem hann gerir
það og fær erfiðar spurningar lætur hann
í veðri vaka að hann sæti einelti eða hann
gerir lítið úr sjónarmiðum almenn ings eins
og svör hans um söfnun undir skrifta í þágu
flugvallar í Vatnsmýrinni sýna .
Af því sem blaðamenn Morgunblaðsins
hafa skrifað frá eigin brjósti og undir nafni
á 100 . afmælisári blaðsins hefur komið mest
á óvart hvernig þeir hafa skrifað um Jón
Gnarr og hælt honum með innantómum
slagorðum á lokasprettinum . Þessi skrif
eru í andstöðu við kröfur blaðsins til
borgarstjóra allan tímann sem blaðið hefur
birst lesendum sínum . Morgunblaðið studdi
borgarstjóra Sjálfstæðisflokksins í gegnum
þykkt og þunnt og lét aldrei bilbug á sér
finna . Nú þegar embætti borgarstjóra var
breytt í stökkpall vegna einhvers annars en
stjórnar á borgarmálum keppast blaðamenn
við að bera lof á uppistandararann . Skyldi
þeirra áhrifa hafa gætt í prófkjöri sjálf-
stæðis manna?
A f því sem blaðamenn Morgunblaðsins hafa skrifað
frá eigin brjósti og undir nafni
á 100 . afmælisári blaðsins hefur
komið mest á óvart hvernig þeir
hafa skrifað um Jón Gnarr og
hælt honum með innantómum
slagorðum . . . Þessi skrif eru í
andstöðu við kröfur blaðsins til
borgarstjóra allan tímann sem
blaðið hefur birst lesendum
sínum .