Ljóðormur - 01.07.1988, Qupperneq 12

10 ísak Harðarson
Hafinu veröur ekki breytt í forrit
Hafinu verður ekki breytt í forrit. Það mun verða reynt
en það mun ekki takast. Þess vegna munu þeir þurrka
það upp. Þeir munu þurrka allt upp og út sem ekki verð-
ur hægt að breyta í forrit Hafið er of ruglingslegt. Of
sleipt. Oljóst. Þeir munu þó ekki útrýma því gersamlega.
Þetta verður praktísk kynslóð og það er ekki praktískt að
gereyða hafinu.
Þeir munu skilja eftir poll. Innhaf einsog t.d. Svartahaf-
ið. Af hámákvæmri stærð: Nógu stórt til að líkjast raun-
verulegu hafi en ekki of stórt til að vera ekki fyrir. Full-
komna eftirlíkingu. Með öldum, flóði og fjöru, seltulykt
og möguleika á brimi. Æ og öllu stýranlegu með tökk-
um; tunglið valdalaust í þeirri veröld. Það verður mjög
praktískt að hafa svona haf.
Þangað verður farið í skoðunarferðir. Námsferðir.
(Eining í heildaruppbyggingu fullþroska hópstaklings;
5 punktar). Þetta haf verður auðvitað einnig til á spólum.
Asamt seltulyktinni. Því verður dreift um allan hnöttinn
markvisst og skipulega. Til að rjúfa ekki tengslin við
upprunann. Upprunafræði.
í þessu hafi verður sérstakur eðalstofn menntaðra fiska
sem geta lagt saman og dregið frá.
Á meðferðarstofnuninni verð ég einsog heima hjá mér.