Ljóðormur - 01.07.1988, Page 26

24 Þóra Elfa Bjðmsson
*
I Suðurárbotnum I
Hér hafa bílar farið hjá
hlaðnir fólki í langferð
sem það hefur valið sjálft
af forvitni
eða hverju?
Hvað kemur þessu fólki
til að þeysa
með toginleit andlit
augu sem einhvers leita
handan við auðn og grjót
að næsta áfangastað,
án þess að kanna
hvort hér muni fuglar
eiga sér bústað.
Og svona langar veiðistangir
út um gluggann.
Eigi eru lengur
skuggar á þili.
Hvað um spor forfeðranna?
Það setur að mér ótta,
er ég ein um að huga
að slíku?
*
I Suðurárbotnum II
Þeir sem efna til ófriðar við landið
eins og til dæmis
að fara á einum degi að sunnan
um Sprengisand
og Gæsavatnaleið í Dreka
eiga sér enga hjartadrottningu
úr móbergi, mosa og Ólafssúru.
Engin ókleif hamrabelti
enga lind sem kliðar
í vamarleysi.
Alls þarf að vitja tíl að njóta.