Morgunblaðið - 22.12.1957, Blaðsíða 17
Sunnudagur 22. des. 1957
17
MORCVNBLAÐIÐ
Hdmsino! hásmæirabeniioifa
HEIMSMÓT húsmæðrakennara,
the Nmth International Congress
on Home Economics, verður
haldið í háskólanum í Maryland
næsta sumar, dagana 28. júlí til
2. ágúst. Fyrir því standa the
American Home Association og
the Canadian Ilome Association
Markmið alþjóðasamtakanna,
the International Federation of
Home Economics, er m. a. að
stuðla að aukinni menntun
kvenna um heim allan. Þau hafa
síðan 1908 staðið fyrir hliðstæð-
um mótum í ýmsum löndum á
4—5 ára fresti, síðast í Edinborg
1953. Þetta er í fyrsta sinn, sem
slíkt mót er haldið í Bandaríkj-
unum.
Húsmæðrakennurum og öðrum
sem hafa áhuga á menntun
kvenna, er heimil þátttaka.
Háskólinn í Maryland er um
8 mílur frá Washington, D. C.
Flestir fundirnir verða haldnir í
skólanum, og þar geta mótsgesthr
búið og borðað, á meðan á mót-
inu stendur.
Dagskráin fjallar um vísinda-
og tæknimenntun húsmæðra-
kennara í samræmi við þjóðfé-
lags- og efnahagslega þróun
hinna ýmsu landa, menntun hús-
mæðra, stöðu konunnar í þjóð-
félaginu, og þjóðfélags- og efna-
hagslegt líf fjölskyldunnar.
Tilkynning um þátttöku þarf
að vera komin til New York fyrir
1. janúar 1958. Þátttökutilkynn-
ing verður því að berast fyrir
jól Halldóru Eggertsdóttur, sem
gefur allar nánari upplýsingar
um mótið.
Af starfsemi félagsins á árinu
má nefna aðalfundinn, sem að
þessu sinni var haldinn að Hús-
mæðraskólanum á Hallormsstað,
dagana 25.—28. ágúst sl.
Aðalfundir félagsins eru venju
lega haldnir til skiptis í hús-
mæðraskólanum. Með því fæst
betra fundarnæði og aukin kynni
félagskvenna.
Það er orðin föst venja, að
smánámskeið eða fyrirlestrar
eru haldnir í sambandi við aðal-
fundina. Að þessu sinni var
fjallað um „nýjar kennsluað-
ferðir“.
Þessar kennsluaðferðir miða að
því að fá nemandann til þess að
taka virkari þátt í náminu en
tíðkazt hefur með yfirheyrsluað -
ferðinni. Hann á ekki lengur að
sitja auðum höndum og hlusta á
það, sem honum er sagt, heldur
á hann að vinna með námsefnið.
í október 1956 gekkst Nordisk
samarbetskomite fyrir námskeiði
í Danmörku í „nýjum kennsluað-
ferðum“, og þótti það takast mjög
vel. Þetta námskeið sóttu fimm
húsmæðrakennarar héðan: þær
Bryndís Steinþórsdóttir, hús-
mæðrakennari, Guðrún Sigurð-
ardóttir, húsmæðrakennari, Hall-
dóra Eggertsdóttir, námsstjóri,
Katrín Helgadóttir, skólastjóri,
og Steinunn Ingimundardóttir,
ráðunautur. Þessar konur tóku
að sér að segja frá námskeiðinu
á fundinum á Hallormsstað, en
þar voru þessar kennsluaðferðir
ræddar:
1. Hópumræður (gruppediskus-
sion), framsögum. Katrín
Helgadóttir.
2. Umræður við kennaraborðiö
(kadeterdiskussion), fram
sögum. Halldóra Eggertsdóttir.
3. Samanburðarkennsla (emne-
undervisning), framsögum.
Steinunn Ingimundardóttir.
4. Verkstæðisaðferðin (works-
hopmethoden), framsögum.
Halldóra Eggertsdóttir.
Éinnig var rætt um filmur og
skuggamyndir sem kennslu-
tæki, framsögum. Steinunn
Ingimundardóttir, og
notkun ftónelstöflunnar, fram-
sögum. Bryndís Steinþórs-
dóttir.
Fjörugar umræður urðu um
þessi mál, og kom fram mikill
áhugi fundarkvenna.
Af öðru fundarefni má nefna:
Cisðm. CisBmundsson
i Vestra-F'iflholti — minning
1. Einkunnagjafir, framsögum.
Sigríður Arnlaugsdóttir,
handavinnukennari og Hall-
dóra Eggertsdóttir. Rætt var
um fyrirkomulag einkunna-
gjafa í ýmsum greinum o. fl.
2. Vélprjón, framsögum. Guðrún
Vigfúsdóttir, vefnaðarkennari
Ráðgert er að halda námskeið
í vélprjóni næsta sumar.
3. Vefnaður, framsögum. Þórný
Friðriksdóttir, vefnaðarkenn
ari. Óskað var eftir því, að
vefnaðarkennaraskóla verði
ætlað pláss í nýju kennara
skólabyggingunni.
4. Húsmæðrakennaraskóli ís-
lands, framsögum. Helga Sig-
urðardóttir, skólastjóri. Sam-
þykkt var eftirfarandi álykt
un: „Fundurinn lýsir ánægju
sinni yfir þeim árangri, sem
náðst hefur í byggingarmál-
um Húsmæðrakennaraskóla
íslands, en beinir jafnframt
eindregið þeirri áskorun til
rikisstjórnarinnar, að hraðað
verði byggingarframkvæmd-
um eins og unnt er, þar sem
ó næstunni er fyrirsjáanlegur
skortur á húsmæðrakennur-
um“. Þá voru og rædd launa
mál, réttindi, skyldur kenn-
ara o. fl.
Stjórn félagsins var öll endur-
kjörin, nema Sigríður Arnlaugs-
dóttir, en hún baðst eindregið
undan endurkosningu. Stjórnina
skipa nú: Halldóra Eggertsdóttir,
formaður, Bryndís Steinþórsdótt-
ir, ritari, Guðrún Jónasdóttir,
gjaldkeri, Helga Sigurðardóttir.
Katrín Helgadóttir, Jónína Guð-
mundsdóttir og Vigdís Páls-
dóttir.
Fundarkonur nutu í ríkum
mæli dvalarinnar að Hallorms-
stað. Aðbúnaður allur var hinn
bezti. Fyrir honum stóðu skóla-
stjórinn, Ásdís Sveinsdóttir og
kennarar skólans. Þá bauð skól-
inn fundarkonum í skemmtiferð
út að Héraðsflóa. Á heimleið var
komið við á Eiðum og Egilsstöð-
um, en þar voru þegnar rausnar
legar veitingar í boði frá Fann-
eyjar Jónsdóttur og Sveins Jóns-
sonar.
Það var einróma álit fundar-
kvenna, að fundurinn hefði tekizt
með ágætum.
Formaður.
Jafnvel þó í fótspor fenni
fjúki í skjólin heimaranns,
gott er að signa göfugmenni
gjalda blessun minning hans,
dreifa skini yfir enni
ilmi um brjóst hins fallna manns.
(G. F.)
HINN 16. nóv. s.l. lézt á Elli-
heimilinu Grund í Reykjavík
Guðmudur Guðmundsson fyrrver
andi bóndi frá Vestra-Fíflholti í
Vestur-Landeyjum 84 ára að
aldi’i. Fæddur var hann 17. sept.
1873 á Uxahrygg á Rangárvöll-
um. Foreldrar hans voru Guð-
mundur Guðmundsson og Mar-
grét Hanmudóttir frábær dugn-
aðarhjón er þar bjuggu, áttu þau
ekki fleiri börn en Guðmund.
Snemma var hann dugmikill og
starfssamur, enda mun það hafa
komið sér vel, því föður sinn
missti hann aðeins 15 ára gamall,
og tók eftir það að stjórna búi
með móður sinni.
Árið 1905 giftist Guðmundur,
Guðrúnu Þorsteinsdóttur í Vestra
Fíflholti. Tveim árum síðar,
hættu tengdaforeldrar hans bú-
skap í Fíflholti, og tók þá Guð-
mundur þar við bústjórn, og
flutti þangað frá Uxahrygg, og
festi nokkru síðar kaup á jörð-
inni. Þeim hjónum varð 6 barna
auðið, 3 þeirra dóu í bernsku, ep
3 eru á lífi. Þau eru Óskar bóndi
Fíflholti, Guðmundur og Jó-
hanna Þóra, sem eru búsett í
Reykjavík.
Árið 1917 missti Guðmundur
konu sína, en giftist aftur 1921
Ásthildi Hreiðarsdóttur frá
Vatnshól í Austur-Landeyjum
sem var fósturbörnum sínum, sem
önnur góð móðir. Þau hjón tóku
til uppfósturs Ásdísi Aradóttur,
sem búsett er í Reykjavík, og
xeyndust þau henni jafnan sem
beztu foreldrar. Seinni konu sína
missti svo Guðmundur árið 1942.
Eftir það bjó hann með börnum
sínum í 2 ár, en lét af bústjórn
1944 og tók þá við jörðinni sonur
hans og tengdadóttir.Síðustu
ár ævi sinnar dvaldi svo Guð-
mundur á Elliheimilinu. Þetta er
stórum dráttum ævisaga hans.
Guðm. gerðist mikilvirkur
bóndi bætti jörð sína með
stórri ræktun, og það var áður en
hin stórvirku vinnutæki nútím-
ans komu til hjálpar landbúnað-
inum. Einnig byggði hann mjög
vel yfir fólk og fénað. Hann var
lengi með beztu bændum Land-
eyja og átti fallegan og afurða-
góðan fénað, og umgengni öll hjá
honum var jafnan prýðileg og
öðrum til fyrirmyndar. — Konur
hans báðar reyndust honum hin-
ar ágætustu eiginkonur, ráðdeild
arsamar, og dugmiklar í störfum
sínum.
Þegar sorgin sótti hann heim, og
mótlætið mætti þá tók hann því
með mikilli hugpi'ýði, er sýndi
þrek hins trúaða manns, hann
unni líka alltaf kii'kju og kristin
dómi.
— Ýmsum trúnaðarstörfum
gegndi Guðm. fyrir sveit sína og
var hann þar jafnan sanngjarn
og tillögugóðux'. — Hann fylgd-
ist vel með þjóðmálunum og var
alla tíð fyrsta flokks sjálfstæðis-
maður, og fór ekki dult með það
fremur en annað, því hann var
alltaf ákveðinn, heill og traust-
ur í h^erju máli, og fyrirleit alla
hræsni og hi'inglandahátt.
Guðmundur eignaðist marga
góðkunningja. Hin leikandi glað-
værð hans, gamansemi og
skemmtilegu tilsvör og kímin-
yrði urðu þess valdandi að mönn
um leið vel, í návist hans og
munu því því margir minnast
skemmtilegra stunda með honum
bæði á heimili hans og utan þess.
Hann var líka fróðleiksmaður, og
kunni frá mörgu að segja.
Margir Landeyingar komu til
Guðmundar á Elliheimilið, jafnan
hittist hann glaður og reifur og
fljótt barst viðtalið að sveitinni
hans og þeim miklu framkvæmd-
um, sem þar hafa verið unnar,
sérstaklega hina miklu ræktun
túna á síðustu árum, slíkt var
honum gleðiefni, hann missti
aldrei trúna á móðurmoldina
frjóu, sem veitir börnum sínum
brauðið. Hann hafði helgað henni
lifsstarf sitt. Lengi munu lika
verkin sjálf tala sínu máli í
Vestra-Fíflholti, um starf Guð-
mundar og fjölskyldu hans þar.
Mætti sveit okkar eignast, sem
flesta sonu, honum líka að dugn-
aði og drengskap.
Hann var yfirleitt heilsuhraust
ur maður, en á síðustu árum, bil-
uðu mikið fætur hans: Hann lá
eina viku fyrir andlát sitt. —
Hann var jarðsettur í Akurey
hinn 26. nóv. s.l. að viðstöddu
miklu fjölmenni. Kvaddur með
virðingu og þökk fyrir gott og
farsælt ævistarf, og glaða sam-
veru. „Eftir lifir mannorð mætt,
þó maðurinn deyi“.
Blessuð sé minning hans.
8. des. 1957.
S. G.
Gosi
er ein frægasta og vinsælasta
gerfiperscna
WALT DISNEY
L I T B R Á
VERITAS
VERITAS Automatic sikk-sakk og mynstursauma-
vélar, ný gerð, hraðgengar, traustar og fullkomnar.
Hnappagata- og tölufæturnir fyi’ir Veritas Auto-
matic eru komnir.
Garðor G. Gísloson hi.
Sími 11506
Hverfisgötu
<3
O
X-H
W
<3
h-S
Ol
Pð
h—i
h-3
<3
w
xfl
tó
O
PQ
William Shakespeare:
LEIIÍRIT
Utgáfa í tveim bindum á hinum ódauðlegu
meistaraverkum Shakes'peares í snilldarþýðingu
eftir Helga Hálfdánarson. - Leikritin eru:
Draumur á Jónsmessunótt — Rómeó og JúMa
— Sem yður þóknazt — Hinrik fjórði — Of-
viðrið — Júlíus Sesar.
Enginn unnandi fagurra bókmennta lætur sig
vanta þessi verk.
LÍF í LISTIJiy
sjálfsævisaga hins óviðjafnan-
lega leikstjóra Stanislavkís.
„Sannkölluð biblía leikara“, segir Ásgeir Hjart-
arson í formála. Bók handa öllum sem vilja
skilja hvað leiklistarstarf og leiklist er.
Fást í öllum bókaverzlunum
HEIMSKRINGLA