Morgunblaðið - 18.02.1959, Blaðsíða 10

Morgunblaðið - 18.02.1959, Blaðsíða 10
10 MORGVKBLAÐ1Ð Miðvikudagur 17. febr. 1959 t>r$mhUifoib Utg.: H.X. Arvakur. Reykjavík. Framkvæmdastjóri: Sigfús Jónsson. Aðalritstjórar: Valtýr Stefánsson (ábm.) Bjarni Benediktsson. Ritstjórar: Sigurður Bjarnason frá Vigur Einar Asmundsson. Lesbók: Arni Óla, sími 33045. Auglýsingar: Arni Garðar Kristinsson. Ritstjórn: Aðalstræti 6. Auglýsingar og afgreiðsla: Aðalstræti 6. Simi 22480. Askriftargald kr. 35,00 á mánuði innaniands. 1 lausasölu kr. 2.00 eintakið. ÞJÓÐ í SORG IRUMA viku hefur íslenzka þjóðin beðið milli vonar og ótta tíðinda af leit þeirri, sem staðið hefur yfir að togaranum Júlí frá Hafnarfirði. Fjöldi heimila hefur hlustað eft- ir fréttum af örlögum eigin- manna, feðra, bræðra og annarra ástvina. Ótti og eftirvænting hef- ur mótað líf fjölda fólks þessa löngu viku. Allan þennan tíma má heita að stormur og hríðar hafa geysað vestur á miðum Ný- fundnalands, þar sem hópur ís- lenzkra togara var að veiðum fyrir rúmlega viku síðan. • fslenzku togararnir hafa komið heim hver á fætur öðrum klaka- storknir og sumir jafnvel brotn- ir og bramlaðir eftir stórsjóa og áföll á heimleiðinni. Sjómönnum hefur verið fagnað innilega og mikils feginleika hefur orðið vart meðal almennings, þegar hvert einstakt skip hefur náð heima- höfn. Einn vantar enn En einn togara vantar enn í hópinn. Togarinn Júlí frá Hafn arfirðimeð 30 mönnum, sem byr jað var að óttast um mánu- daginn 9. þ.m. hef ur ekki kom- ið fram. Hans hefur verið leit- að í rúma viku en sú leit hefur engan árangur borið. Og nú er vonin um að Júlí eigi aftur- kvæmt til heimahafnar brost- in. Þau sorgartíðindi eru í dag sögð íslenzku þjóðinni að 30 vaskir sjómenn hafi farizt. Stórt skarð hefur enn verið höggvið í íslenzka sjómanna- stétt. Mikill ógæfoiatburður hefur gerzt. • Frammi fyrir slíkum harma- tíðindum finnur íslenzka þjóð- in það betur en nokkru sinni fyrr, að hún er í raun og veru öll ein litil fjölskylda, fjöl- skylda, sem mætir örlögum sínum sameiginlega og ber að snúa bökum saman í sókn og vörn gegn harmi og óham- ingju. Allir .fslendingar biðu þess í ofvæni að togarinn Júlí og skips- höfn hans næði landi. Þegar von- in brestur um heimkomu hans, er það þess vegna ekki aðeins harms efni þess fólks, sem átti ástvini sína meðal skipshafnarinnar á Júlí, heldur allrar þessarar litlu þjóðar. Eitt stæa*sta sióslysið Hvarf togarans Júlí er eitt stærsta sjóslys sem orðið hefur á íslenzka fiskiskipaflotanum. Samkvæmt upplýsingum Slysa- varnafélags fslands hafa síðan 1930 farizt tveir íslenzkir togarar af óveðursástæðum í rúmsjó. Var annar þeirra með 18 menn innan- borðs en hinn með 21 mann. • 1 Á styrjaldartímanum fórust einnig að minnsta kosti 5 togarar, sumir á siglingu hér við land, aðr- ir á siglingu milli landa, en styrj- aldarástæður voru fyrst og fremst taldar valdar að hvarfi þeirra. Nokkrir íslenzkir togarar hafa einnig strandað á undanförnum árum og hefur við það orðið nokkurt manntjón á sumum þeirra. Þannig krefst Ægir stöð- ugra fórna af okkar litlu þjóð, sem byggir lífsafkomu sína að langsamlega mestu leyti á sjó- sókn og siglingum. Þrátt fyrir það að skipin hafa stækkað og örygg- istækjunum fjölgað, verður aldrei hægt að tryggja sig fullkómlega gegn slysunum. Þess ætti þó að mega vænta, að í framtíðinni verði hægt að yfirhita skip þann- ig, að þeim eigi ekki að verða stórkostleg hætta búin af völdum ísingar. En svo virðist sem einmitt stórkostleg ísing hafi valdið því slysi, sem nú hefur orðið. Þegar athuguð er frásögn skipstjórans á Þorkelí Mána, má það raunar kallast kraftaverk, hvernig skips- höfn þess skips hefur tekizt að sigrazt á frosti og stórsjóum. Mun það varla ofmælt, að barátta þeirrar skipshafnar og fleiri, sem svipað stóð á fyrir í stórviðrun- um undanfarið, sýni einstæðan kjark og hetjuskap. Samúð vottuð Hið mikla manntjón, sem ís- lenzka þjóðin hefur beðið, er tog- arinn Júlí fórst með 30 mönnum, verður ef til vill ennþá auðsærra við það, að það svarar til þess að með danska Grænlandsskipinu „Hans Hedtoft" hefði farizt rúm- lega 800 manns, þegar tekið er tillit til stærðarhlutfalla milli okk ar þjóðar og dönsku þjóðarinnar. En með „Hans Hedtoft" fórust 95 manns. • Flestir þeirra, sem fórust með Júlí voru úr Reykjavík. Hér eiga því flest heimili um sárt að binda. En nokkur hluti skipshafnar- innar átti heimili í Hafnarfirði, sem var útgerðarstaður skipsins. Mörg heimili eru þar einnig sleg- in þungum harmi, og bæjarfélag- ið hefur misst eitt af sínum beztu og glæsilegustu skipum. Á ýms- um stöðum úti um land stóðu einnig heimili skipverja á Júlí. Öllum þessum heimilum, ástvin- um og venzlafólki sjómannanna, sem fórust á Júlí, vottar íslenzka þjóðin innilega samúð sína. Sorg þess er éinnig hennar sorg. Skortir „sakarafl við sonarbana" EgiII Skallagrímsson kvað sig skorta „sakarafl við son- arbana". Þannig er einnig ástatt um íslenzku þjóðina í dag. Hana skortir „sakarafl við sonarbana". En hún getur engu að síður ort sitt Sona- torrek, eins og skáldið á Borg. Hún getur strengt þess heit, að halda áfram baráttu sinni fyrir sem beztum og full- komniustu fiskiskipum, fyrir sem mestu öryggi á sjónum, hvar sem leið íslenzkra sjó- manna liggur. Hún getur sam- einast um það að gera allt sem í mannlegu valdi stend- ur til þess að létta harm þeirra, sem nú eiga um sárt að binda. Hún getur einnig veitt þeim hjálp, sem nú standa uppi ein- mana og harmþrungnir. Togarinn Júlí er horfinn, en minning sjómannanna sem fórust með honum mun lifa. UTAN UR HEIMI Æskan oð leik meoal lista- verka meistarans Picasso lætur ærsl barnanna ekki á sig fá DAVID Douglas Duncan heitir ljósmyndari nokkur, mikill vinur Picassos. Má segja að hann hafi sagt ævisögu meistarans í ljós- myndum sínum. — Duncan dvald ist nýlega í Cannes, og var þá að sjálfsögðu tíður gestur hjá meistara Picasso — og tók f jölda mynda, m. a. þær, sem hér birt- ast. Þær eru teknar í bústað og vinnustofum Picassos við Cannes, en þaðan mun hann bráðlega flytjast — til gamallar og virðu- legrar hallar, sem hann á, við Aix í 'Suður-Frakklandi. • Á heimili Picassos er tíSum glatt á hjalla — þar hlaupa börn- in fram og aftur og leika sér, glöð og áhyggjulaus. Fyrst og fremst eru þar börn hins aldna meistara sjálfs, Claude 11 ára og Pamela 9 ára, og Kathy, dóttir lagskonu hans, Jacqueline Rocque, en auk þess fjölmargir vinir þeirra. — Og Picasso tekst furðanlega að halda ró sinni mitt í öllum gáskanum og hávaðan- um. Á vinnustofunni finnur hann næði, því að þangað er börn- unum ekki leyft að koma — nema Pamelu litlu — en annars fá þau að leika sér óáreitt víðast hvar í húsinu, sem þó er að sjálfsögðu fullt af málverkum og högg- myndum. Þá eru börnin oft létt- klædd — eins cg meistarinn sjálfur — enda getur verið býsna heitt þarna við Miðjarðarhafs- ströndina. — En þegar þau fá að fara til Cannes, eru klædd sínu bezta skarti — eins og sunnu dagaskólabörn á skemmtigöngu. Claude litli er líkur föður sín- um i því, að hann heillast af hinu fáránlega og fjarstæðukennda. ijm....... 'mm n WmKffiÉÉm llltMHI TIL VINSTRI: — Enginn fær a» vera inni í vinnustofunni hjá Picasso, þegar hann er að vinna — enginn nema Pamela litla. — Hann er niðursokkinn í að skera út i linoleum, og hún teiknar í ákafa — sams konar „fígúrur" og börn um allan heim gera á hennar aldri. Dulles í geisla í vikunni WASHINGTON, 16. febr. (NTB). — Læknar Dullesar utanríkisráð- herra kvöddu í dag til ráðuneyt- is við sig kunnan krabbameins- sérfræðing og ræddu þeir um að- ferð þá í radium-lækningum, sem beitt verður við sjúkdóm ráð- herrans. Eiga þær læknisaðgerðir að hefjast strax og Dulles hefur jafnað sig eftir uppskurðinn gegn kviðslitinu, sem gerður Var sl. föstudag. í heilsufarslýsingu Dullesar í dag segir, að líðan hans sé góð, líkamshiti, hjartsláttur og blóð- þrýstingur er eðlilegur og sat ráðherrann hálftíma uppi í rúm- inu. Búizt er við að geislalækn- ingin verði framkvæmd í lok þessarar viku.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.