Morgunblaðið - 28.04.1960, Blaðsíða 12

12
MORGVNBLAÐIÐ
Fimmtudagur 28. ajtríl 1960
Utg.: H.f Arvakur Reykjavík
S'ramkvæmdastjóri: Sigfús Jónsson.
Ritstjórar: Valtýr Stefánsson (ábm.)
Sigurður Bjarnason frá Vigur.
Matthías Johannessen.
Lesbók: Arni Óla, sími 33045.
Auglýsingar: Arni Garðar Kristinsson.
Ritstjórn: Aðalstræti 6.
Auglýsingar og afgreiðsla: Aðalstræti 6. Sími 22480.
Asknftargjald kr. 45.00 á mánuði innanlands.
1 lausasölu kr. 3.00 eintakið.
STERKARI
AÐSTAÐA
¥ SAMTALI, sem fréttaritari
Morgunblaðsins í Genf
átti við Bjarna Benediktsson
dómsmálaráðherra að lokinni
atkvæðagreiðslu á ráðstefn-
unni, komst dómsmálaráð-
herra m. a. að orði á þá leið,
að íslenzka sendinefndin
hefði hagað öllum sínum
störfum á ráðstefnunni með
það fyrir augum að greiða
fyrir, að hún næði tilætluðum
árangri. íslenzka nefndin
hefði í tillögum sínum og
öllum málflutningi, bæði
manna á milli og á fundum,
hiklaust og ótvírætt látið
uppi, með hvaða skilyrðum
hún gæti greitt atkvæði með
þeirri lausn, sem bersýnilega
hefði mest fylgi á ráðstefn-
unni. Ráðherrann komst síð-
an að orði á þessa leið:
Aðeins fögur orð
„Þeir sem mestu réðu hér,
vildu ekki fallast á skilyrði
okkar, heldur virtust halda
að fögur orð gætu komið í
stað athafna. Afleiðingin er
nú komin fram og taki þeir
á sig ábyrgðina á því sem
hana raunverulega bera“.
Þessi ummæli dómsmála-
ráðherra eiga við fyllstu rök
að styðjast. Svo virðist sem
fulltrúar stórveldanna á
Genfarráðstefnunni hafi talið
það fullnægjandi fyrir ís-
lendinga að farið væri fögr-
um orðum um sérstöðu okk-
ar og nauðsyn til verndar ís-
lenzkum fiskimiðum.
Ósigur hins
sögulega óréttar
En þrátt fyrir það að ráð-
stefnan færi að verulegu
leyti út um þúfur, þá er það
rétt sem dómsmálaráðherra
segir, og einnig hefur verið
bent á hér í blaðinu áður, að
aðstaða íslands er mun sterk-
ari eftir ráðstefnuna en áður.
Bretar hafa nú í raun og veru
gert sér ljóst að 12 mílna
fiskveiðitakmörkin hafa sigr-
að og mikjll meiri hluti full-
trúa á ráðstefnunni var sömu
skoðunar. Mestur tími ráð-
stefnunnar fór í togstreitu
um það, að varðveita gömul
sérréttindi Breta til þess að
fiska í nokkur ár innan 12
mílna markanna.
En sem betur fer náðist
ekki nægur meirihluti fyr-
ir hinum sögulega órétti.
Hann beið ósigur.
ISLENZK LIST
I GRIKKLANDI
| TNDANFARIÐ hefur staðið
yfir sýning á málverka-
prentunum Helgafells í
Aþenu. Ritaði einn af blaða-
mönnum Morgunblaðsins,
Sigurður A. Magnússon,
grein um þessa sýningu í
blaðið í gær. Kemst hann þar
m. a. að orði á þessa leið:
„Sýningin á málverka-
prentunum Helgafells var
fyrsta kynning á íslenzkri list-
í Grikklandi og mun óhætt
að fullyrða að hún vakti
óskipta athygli allra, sem sau
hana. Létu margir Grikkir í
ljós óskir um, að með þess-
ari sýningu væri hafið nán-
ara menningarsamband þess-
ara tveggja útvarða Evrópu,
og væri ekki fjarstætt að Is-
lendingar reyndu nú að koma
upp sýningu á grískri nú-
tímalist. Báðar þjóðirnar
mundu vafalaust græða á
slíkum samskiptum.“
Höfuðvígi fagurra lista
Fyllsta ástæða er til þess
að taka undir þessi ummæli.
íslendingar fagna því að
tækifæri hefur gefizt til þess
að kynna íslenzka málaralist
í Aþenu, hinu forna höfuð-
vígi fagurra lista. Fréttamað-
ur Morgunblaðsins segir i
grein sinni, að margir Grikk-
ir hafi haft orð á því, hví-
líkur ávinningur sé að mál-
verkaprentunum sem þess-
um. Hægt sé með tiltölulega
litlum kostnaði að senda verk
helztu listamanna okkar
heimsborga á milli og sýna
þau mönnum, sem varla hafa
heyrt nafn íslands nefnt fyrr.
Má hiklaust fullyrða, að
Ragnar Jónsson, forstjóri
Helgafells, hefur unnið mjög
merkilegt brautryðjendastarf
með málverkaprentunum
sínum og lagt okkur upp í
hendur ómetanlegt tæki til
landkynningar. ■
UTAN UR HEIMI
Einvaldurinn faliinn
Rís hann upp aftur?
SYNGMAN RHEE forseti
Kóreu er 85 ára gamall. Hann
er þrár og ósveigjanlegur í
skoðunum sínum og það er
einkennandi fyrir hann að
hann telur að eina leiðin til
sameiningar Kóreu sé sú að
senda herlið Sameinuðu þjóð-
anna til að leggja Norður
Kóreu undir Suður Kóreu.
Hann tefur fyrir fjárhagsleg-
um framförum í landinu með
því að ala á hatri gagnvart
Japan, sem er, vegna legu
sinnar og skyldleika, hezt
fallni viðskiptavinur Kóreu.
Hann heldur svo fast við þá
hugmynd sína að Kórea sé
eitt land, að hann krefst þess
að „Suður-Kórea“ sé skrifað
með litlu S-i og gerir ekkert
fyrir flóttamenn frá Norður
Kóreu, þar sem að samkvæmt
hans skoðunum er útilokað
að til sé flóttamaður frá
Kóreu í Kóreu.
★ f ÚTLEG®
í æsku veikf st Syngman Rhee
aí bólusótt og varð um stund
Þegar Kóreustyrjöld-
inni lauk var álitið að
nýtt lýðveldi væri
stofnað í Suður Kóreu.
Þess í stað skapaðist
þar lögregluríki undir
einræðisstjórn Syng-
mans Rhees.
blindur af þeim sökum, en fékk
lækningu hjá bandarískum trú-
boðum. Hændist hann að Banda-
ríkjunum, stundaði þar nám og
varð kennari, Þar til árið 1945
bjó hann í útlegð frá heimalandi
sínu og barðist þá fyrir rétti
landsins sem var hernumið af
Japönum. Það var ekki fyrr en
að lokinni seinni heimsstyrjöld-
inni að honum var unnt að snúa
aftur heim og var hann þá kjör-
inn forseti lýðveldisins Suður
Kóreu, sm hann hjálpaði til að
stofna.
★ ENDURKJ ÖRINN
Það er lífil furða þótt Sygman
Rhee valdi vmum sínum í Banda
ríkjunum áhyggjum. Og á síð-
ustu mánuðum hefur mörgum
vinum hans þótt hann ganga allt
of langt. Yegna þéss hve ákveð-
inn hann var í því að hann skyldi
er.durkjörinn forseti í fjórða sinn
og að aðal stuðningsmaður hans
í frjálslynda flokknum, Li Ki
Poong, skyldi verða varaforseti,
hefur hann sætt harðri gagnrýni.
Hefur verið gefið í skyn að hann
hafl ekki hikað við að beita öllum
brögðum til að tryggja úrslit
kosninganna sem fram fóru um
miðjan marz s.l.
★ ÞJÓÐIN VANTRÚUÐ
Þjóðin gat illa viðurkennt það
sem staðreynd að Rhee hefði feng
ið rúmlega 90% atkvæða við for
setakosningarnar, þar sem hann
fékk aðeins tæp 60% árið 1956.
En algjörlega útilokað var að
trúa því að Li Ki Poong skyldi
vinna stórkostlegan sigur gegn
John Myon Ohang, fyrrverandi
varaforseta, frambjóðanda demó-
krataflokksins. Li Ki Poong er
nú hálf sjötugur þjáist af lömun
Framh. á bls. 16.
Stúdentar brjótast I gegnum gaddavírsgirðingar við stjórnarbyggingar í Scoul.