Morgunblaðið - 21.05.1960, Blaðsíða 11
Laugardagur 21. maí 1960
v
MORCUNBLAÐIÐ
11
Myndir frá „sirkusnum44 í París
Á| fcj
MYNDIRNAR hér fyrir
ofan voru teknar af Nikita
Krúsjeff á stóra blaða-
mannafundinum, sem
hann hélt í Chaillot-höll-
inni í París á miðvikudag-
inn. Voru þessar fjórar
myndir teknar með
skömmu millibili og sýna
hve skjótlega hinn rúss-
neski getur breytt um svip
og skap.
Matthías Johannessen
ritstjóri Mbl, var við-
staddur þennan fræga
blaðamannafund og gaf
hann m. a. þessa lýsingu á
honum í fréttaskeyti til
blaðsins:
„Byrjun fundarins líkt-
ist einna helzt sirkus, bæði
framkoma Krúsjeffs, sem
brosti og gretti sig á víxl,
benti á ennið á sér (sjá
aðra myndina), gerði
hring og benti síðan á
blaðamennina, þegar þeir
púuðu til að gefa til
kynna, að þeir væru eitt-
hvað ekki almennilegir.
Það dró ekki úr sirkusnum
að Malinovsky var í full-
um skrúða með orður nið-
ur fyrir nafla.“
Ennfremur sagði Matt-
hías í skeytinu:
„Framkoma Krúsjeffs er
nú almennt kölluð „hin
diplomatíska Pearl Har-
bour-árás“. Menn segja, að
það sé gott við þetta, að
fölskum vonum sé rutt
burtu,og spyrja hvortnokk
uð hafi breytzt síðankomm
únistar rændu völdum í
Tékkóslóvakíu 1948 eða
bældu niður uppreisnina í
Ungverjalandi 1956. Menn
segja ,að með hegðun
sinni núna hafi Krúsjeff
vakið þá menn á Vestur-
löndum, sem voru farnir
að trúa fagurgala hans og
höfðu sofnað á verðinum.
Neðri deild afgreiddi
fjögur frumvörp í gær
NEÐRI deild Alþingis sam-
þykkti í gær tvö frumvarp,
sem þar hafa verið til með-
ferðar að undanförnu.
Stuðningur við bændur
Er það í fyrsta lagi frumvarp
Jóns Pálmasonar um að nýbýla-
stjórn verði heimilað að veita
þeim bændum, sem hafa örðug-
an fjárhag, styrk til íbúðarhús-
byggingar á sama veg og ný-
býlastofnendum. Nokkrar breyt-
ingatillögur komu fram við
frumvarpið, en þær voru felldar,
þ. á m. tillögur um auknar fjar-
veitingar vegna þessa nýja verk-
efnis nýbýlastjórnar, en á þeim
var ekki talin þörf í bili. Frum-
varpið var síðan samþykkt sam-
hljóða.
Aðild að siglingamálastofnun
I öðru lagi var svo um að ræða
frumvarp til laga um heimild
fyrir ríkisstjórnina til þess að
staðfesta fyrir íslands hönd
samþykkt um alþjóðasiglinga-
málastofnun (IMCO). Samþykkti
N. d. einróma að heimila stað-
festinguna í samræmi við ákvæði
írumvarpsins.
Þessi mál munu nú bæði fara
til Efri deildar og væntanlega
koma á dagskrá þar eftir helg-
ina.
Tvö frumvörp felld
Þá voru á fundi Neðri deildar
í gær felld tvö frumvörp, annað
um bifreiðaskatt o. fl., en hitt
um aukaútsvör ríkisstofnana. —
Mál þessi höfðu bæði verið
rædd nokkuð í deildinni og at-
huguð í nefnd. Var síðan fellt
að vísa þeim til 3. umræðu.
Gjöld af kvikmyndavélum
Loks ber að geta tveggja
frumvarpa, sem fylgt var úr
hlaði á fundi Neðri deildar í gær.
Var annað þeirra frumvarp
Daníels Ágústínussonar um
breytingu á tollskránni, þess
efnis, að heimilt sé undir viss-
um kringumtæðum að fella nið-
ur aðflutningsgjöld af kvik-
myndasýningarvélum. Þar sem
flutningsmaður er nú horfinn af
þingi aftur ,kom það í hlut Hall-
dórs E. Sigurðssonar að tala fyr-
ir málinu.
Olíuverzlunin
Hitt var frumvarp Lúðvíks
Jósefssonar um að ríkið taki í
sínar hendur alla olíuverzlun í
landinu. Framsöguræðu um það
flutti varamaður Lúðvíks, Ás-
mundur Sigurðsson, sem m. a.
skýrði frá tilraunum L. J. til að
fá vinstri stjórnina til þess að
flytja málið. — Bæði þessi frum-
vörp fóru án frekari umræðna
til nefnda.
Fleiri mál voru ekki tekin fyr-
ir á fundi Neðri deildar í gær.
Ritgerðarsamkeppni um
umíerðarmál
Skólabörn fengu svefnpoka i verðlaun
UMFERÐARNEFND Reykjavík-
ur hefur tekið upp þann hétt
að hafa ritgerðasamkeppni í öll-
um 12 ára bekkjum barnaskól-
anna í Reykjavík um umferða-
mál og veita síðan verðlaun fyr-
ir beztu ritgerðirnar. Efnið að
þessu sinni var um „Gangandi
fólk í umferðinni“, og fengu
börnin ekki að vita nákvæmlega
hvert yerkefnið væri fyrr en þau
áttu að skrifa um það í kennslu-
stund. Hlutu tvö börn frá hverj-
um skóla, piltur og stúlka, verð-
laun, sem að þessu sinni voru
svefnpokar frá Belgjagerðinni.
I gær boðuðu form. Umferðar-
nefndar, Sigurjón Sigurðsson, lög
reglustjóri og framkvæmdastjóri
nefndarinnar Guðm. G. Péturs-
son, þau 12 ára börn er unnu til
verðlaunanna ásamt Jónasi B.
Jónssyni fræðslustjóra, skólastjór
um og Ólafi Guðmundssyni lög-
regluvarðstjóra, sem séð hefur
um umferðarkennsluna síðustu
árin.
I ávarpi sínu við þetta tækifæri
sagði fox-m. umferðarnefndar m.
a. að tilgangur ritgerðarsam-
keppninnar væri sá að glæða
áhuga skólabarna og aðstandenda
þeirra fyrir aukinni umferðar-
menningu og vekja athygli þeirra
á nauðsyn þess að læra réttar um
ferðarreglur og fara eftir þeim. Á
skólaárinu hefði farið fram all-
mikil umferðarfræðsla með
ágætri samvinnu barnaskólakenn
aranna og nokkurra lögreglu-
manna.
Börn og fræðendur á einu máli
„Það gladdi mig mjög, sagði
lögreglustjóri, að í mörgum rit-
gerðunum kom það greinilega
fram, að börnin kunna vel að
meta umferðarfræðsluna. Þau
telja að auka beri hana eftir föng
um. Fer þar saman álit okkar,
sem eigum að láta fræðsluna í té
og þeirra, sem hennar eiga að
njóta.
Er gleðilegt til þess að vita, að
nú verða mikilvæg þáttaskil,
hvað umferðarfræðslu í skólum
snertir, er hin fyrsta reglugerð
um umferðarfræðslu hér á landi
gengur í gildi innan skamms og
kemur vonandi til framkvæmda
á næsta skólaári".
Verðlaunin
Þá afhenti hann börnunum svefn-
pokana með skrautrituðu verð-
launaskírteini, sem hann sagði að
mundi geymast til minningar um
þennan atburð löngu eftir að
pokinn væri útslitinn. Þessi börn
fengu verðlaun: Anna Sigríður
Zoega, 12 ára E og Skúli B. Árna-
son, 12 ára D, bæði í Miðbæjar-
skólanum, Ásta Sigurðardóttir, og
Arnþór Óskarsson, 12 ára F, Aust
urbæjarskólanum, Bryrtdís ísaks-
dóttir og Magni S. Jónsson, 12<*.
ára F, Breiðagerðisskóla, Inga
Hersteinsdóttir og Þorgrímur
Gestsson, 12 ára G, Laugarnes-
skóla, Laufey Steingrímsdóttir og
Jón Torfi Jónasson, 12 ára J,
Melaskólanum, Unnur Gunnars-
dóttir, 12 ára C og Kolbeinn Sig-
urðsson, 12 ára A, Langholtsskóla.
Að verðlaunaafhendingu lok-
inni töluðu þeir Jónas B. Jónsson,
fræðslustjóri, sem þakkaði um-
ferðarnefnd góða samvinnu og
Gísli Jónasson, skólastjóri, sem
flutti nokkur þakkar- og hvatn-
ingarorð.
Vorverk hafin
í Holtum
MYKJUNESI, 16. maí. — Hér hef
ur verið blíðskapar veður að und
anförnu. Síðustu dagana hefur
verið austan átt, allhvasst en
hlýtt, hitinn stundum nálgast 20
stig og er það meira en venjulegt
er í maí. Verulegur gróður er
kominn, túnin græn og kominn
sauðgróður í úthöfum.
Flstir eru búnir að sleppa fé
fyrir nokkru og nú er sauðburður
að hefjast. Vorverk standa nú
yfir og víða búið að bera nokkuð
af tilbúnum áburði á túnin Ekki
er farið að setja í garða eða sinna
nýræktum neitt að ráði, enda
ekki áliðið tímans og svo hefur
nokkur klaki verið í jörðu fram
að þessu. Sem sagt, það iítur vel
út ef svo helzt sem nú horfir.
— M.G,
Mynd þessi var tekin við afhendingu verðlaunanna í ritgerðasamkeppninni.