Morgunblaðið - 09.06.1961, Síða 10

1C
MORGUNBLAÐ1Ð
.itudagur 8. júní 1961

.. :

}::.:■■ M'
-» •• 'i'
,■ ,. • . ■ ,. • . ■.
■
•-1

.
••'. ■
■■■■■*.
■
.>-.-.\Vr-' ■
.

...,

.'••’•
.•V;\ ■.:■';••.'.

_1' > _ l
, i ' ' ' Vv'''
.
I
j

SiiiHi
■0 iy'

'
:. ■
HÉR að neðan sjáum við
myndir af fjórum konum,
sem hafa mikilvægum
stöðum að gegna, hver í
sínu þjóðfélagi og hafa
komið mjög við sögu í
fréttum síðustu daga.
Konurnar eru taldar, frá
vinstri — frú Jacqueline
Kennedy, forsetafrú Banda
ríkjanna, frú Nina Krús-
jeff, forsætisráðherrafrú
Sovétríkjanna, frú Golda
Meir, utanríkisráðherra
Israels og Jekaterina Furt
seva, menntamálaráðherra
Sovétríkjanna. Tvær hin-
ar síðustu eru mörgum
íslendingum persónulega
kunnar, frú Golda Meir frá
heimsókn hennar til ís-
lands í síðasta mánuði og
frú Furtseva, sem kom til
íslands á þriðjudaginn.
EFTIR Evrópuferð Jacqueline
Kennedy má segja eins og um Cæsar
forðum, — hún kom, sá og sigraði.
f frásögnum af ferðalagi Kennedys,
Bandaríkjaforseta til Parísar, Vínar-
borgar og London hefur verið varið
miklu rúmi til þess að skýra frá
þeim feikna góðu viðtökum, sem
Jacqueline fékk hvarvetna. Hún sigr-
aði hjörtu allra með glæsilegri fram-
komu og smekklegum klæðaburði.
Einkum þótti Frökkum mikið til
Jacqueline koma — sögðu að hún
væri svo „frönsk“ í háttum, en öllu
meira lofsyrði eiga þeir víst ekki til
handa konum. Og víst var um, að
Jacqueline gat rifjað upp margar
skemmtilegar endurminningar í
París, frá því hún var þar við há-
skólanám á sínum tíma.
Jacqueline þykir hafa staðið sig
með mestu prýði — bæði í kosninga-
baráttunni í sumar og haust og eins
eftir að maður hennar tók við em-
bætti forseta Bandaríkjanna. Hún er
vel greind og hefur furðanlega kom-
izt hjá því að falla í þær gildrur, sem
pólitískir andstæðingar manns henn-
ar hafa reynt að leiða hana í.
Jacqueline er vinsæl kona — eink-
um fyrir það standa að baki manni
sínum sem hl'ðholl og heillandi eig-
inkona.
Næst í röðinni er forsætisráðherra-
frú Sovétríkjanna frú Nína Krúsjéff,
sem einnig á miklum vinsældum að
fagna meðal Vesturlandabúa — þótt
gerólík sé hún hinni fögru Jacqueline.
Þegar Krúsjeff léiddi konu sína fram
og kynnti hana Vesturlandabúum
kom fljótt í Ijós, að hún var enn bet-
ur fallin til þess að afla sér vinsælda
en Krúsjeff sjálfur með alla sína
kátínu og Volgu-söng.
Frú Nína kom fram sem hin mið-
aldra, feitlagna, trausta og eðlilega
eiginkona og móðir — alveg eins og
menn höfðu hugsað sér sællegar
rússneskar bóndakonur, sem skiptu
sér ekki af stjórnmálum, en hugsuðu
samvizkusamlega um bú sitt og börn.
Hún reyndi ekkert að sýnast annað
en hún var — eðlileg, greind og
elskuleg kona.
í fyrstu ferðum sínum til Evrópu
var frú Nína yfirleitt ósjálega klædd
— en það kom fljótt í ljós, að hún
hafði fullan áhuga á fallegum fötum,
enda gerði hún enga tilraun til þess
að dylja ánægju sína og hrifningu yfir
því sem hún sá á Vesturlöndum.
Nína Krúsjeff var fljót að sjá hver
áhrif smekklegur klæðaburður hefur
og nú er svo komið, að hún notar
gjarna þann frítíma, sem hún hefur
á ferðum með manni sínum til þess
að heimsækja tízkusýningar.
Þriðja konan, sem svo mjög hefur
komið við heimsfréttirnar að undan-
förnu, er frú Golda Meir. Hún hefur
auk þess að heimsækja íslendinga
ferðast um Norðurlönd og fleiri
Evrópuríki.
Frú Golda Meir er kona, sem veit
hvað hún vill — heili hennar er
skarpur og persónuleikinn hrífandi.
Hún er afsprengi hins harða kjarna
Gyðingaþjóðarinnar og hefur það,
ásamt uppeldi í Rússlandi og Banda-
ríkjunum mótað þá konu, sem nú
hefur á hendi embætti utanríkisráð-
herra ísraels.
Konur eiga Goldu Meir mikið að
þakka, því að hún hefur lengi barizt
fyrir réttindum þeirra og stöðu í þjóð-
félaginu og vill að konur noti sér sem
bezt þá möguleika, sem þeim veitast
til menntunar og þroska.
En undir hinni hörðu brýnu stjórn-
málamannsins er konan, sem ver
miklum tíma á ferðalögum til
þess að leita uppi skemmtileg leik-
föng handa barnabörnum sínum og á
sér það áhugamál að elda góðan mat.
Frú Golda Meir hefur á síðustu ár-
um gert sér ljóst hver áhrif klæðnað-
urinn hefur — áður lét hún sig slíkt
engu skipta, en nú gefur hún sér
dálítið meiri tíma til þess að fylgjast
með kröfum tímans í þeim efnum.
Og loks er komið að menntamála-
ráðherra Sovétríkjanna, Jekaterinu
Furtsevu, sem nú er stödd á íslandi.
Furtseva er sögð kona, sem gædd er
miklum viljastyrk, staðfestu og dugn-
aði meðfram framúrskarandi stjórn-
málahæfileikum. Hún hefur unnið
sig jafnt og þétt upp eftir framabraut-
inni í sovézkum stjórnmálum — braut
sem ku vera nokkuð hál á stundum
— og er nú ein sterkasta kona Sovét-
ríkjanna. Hún er gift sendiherra Rúss-
lands í Júgóslavíu, Firyubin, og eiga
þau eina dóttur — sem er með henni
hér á íslandi.
Jekaterina Furtseva er myndarlega
vaxin kona að sjá — ljóshærð og
greiðir hárið í hnút í hnakkanum.
Hún hefur að kunnugra sögn einkar
falleg augu og fallega fótleggi.
Um Furtsevu er eins farið og þær
Nínu Krúsjeff og Goldu Meir, að
hún hefur á síðustu árum gert sér
glögga grein fyrir mætti klæðnaðar-
ins enda munu ytri kvenkostir henn-
ar hafa notið sín æ betur, eftir því
sem árin liðu. Undanfarið hefur hún
t.d. oft komið mönnum á óvart með
smekklegum og vönduðum samkvæm
iskjólum í stórveizlum Moskvuborg-
ar. Sterkustu áhrif hennar munu þó
mest eiga rætur að rekja til fjörlegrar
framkomu og dugnaðar á sviði stjórn-
málanna.