Morgunblaðið - 12.10.1961, Blaðsíða 2
2
MORGVHBLAÐIÐ
Fimmtudagur 12. okt. 1961
Skiptar
skoöanir
— MÉR fundust viðtökur
leikhúsgesta miklu betri
en ég bjóst við, sagði Hall
dór Kiljan Laxness við
blaðamann Morgunblaðs-
ins, í hléinu milli fyrri
og síðari hluta 2. þáttar
Strompleiksins í gser-
kvöldi. — Persónulega er I
ég ánægður með sýning-
una; ég vann töluvert að
undirbúningi hennar og
samstarfið við leikara, ||
leikstjóra og aðra, sem
hlut áttu að máli, var með §1
afbrigðum gott.
★
Aðalumræðuefni frumsýn-
ingargesta var að sjálfsögðu
sá hluti leikritsins, sem þeir
voru að enda við að horfa á,
og sýndist sitt hverjum. Við
leituðum álits leiklistargagn-
rýnenda dagblaðanna í bæn-
um og fara álit þeirra hér á
eftir.
Sigurður Grímsson (Morg-
unblaðið) dró seiminn og
Halldór Kiljan Laxness og frú hans í hléinu.
um Strompleikinn
sagði: ja-jæja, það er margt
í leikritinu athyglisvert, en
seinni þáttur — við skulum
annars láta álit mitt bíða um
stund.
Gunnar Dal (Tíminn); —
Mér þótti meira gaman að að
lesa leikritið en horfa á það
hér í leikhúsinu.
Indriði G. Þorstei'nsson (Al-
þýðublaðið): — Það er al-
ger misskilningur að Stromp-
leikurinn sé gamanleikur. Má
frekar segja hann sé háð og
sorgarsaga fólksins.
Asgeir Hjartarsson (Þjóð-
viljinn): — Leikritið er
mjög „interessant", og um
álit mitt getið þér lesið í
Þjóðviljanum á morgun. Eg
vildi aðeins segja, að ég vona
að Laxness haldi áfram að
skrifa leikrit.
Agnar Bogason (Mánudags-
blaðið): — Hundlélegt. Það
olli mér áköfum vonbrigðum
í fyrsta þætti.
— Er annar þáttur skárri?
— Honum er enn ekki lok-
ið.
— Enginn ljós punktur í
leikritinu?
— Jú, þegar kveikt var eft-
ir fyrsta þátt.
Gunnar Bergmann (Vísir):
— Mér finnst gaman að leikn-
um, en vil ekkert segja um
hann að svo stöddu.
Við veittum því athygli, að
Jóhannes Kjarval, listmálari,
tók á rás til dyra.
•— Eruð þér að yfirgefa leik-
húsið, Kjarval?
— Nei, ég þarf að skreppa
og tala við bílstjórann minn
hérna fyrir utan.
— Megum við smella af yð-
ur emm mynd?
— Já, því ekki það, ef hann
vinur minn þarna fær að vera
með á myndinni.
Hófust nú stympingar með
þeim vinum, því vinurinn. var
ófáanlegur til að láta mynda
sig með Kjarval.
En um leið og blossi úr
myndavél Ijósmyndarans sást
bregða fyrir, hvarf Kjarval út
um dyrnar, ög fengum við því
ekki að heyra álit hans á leik-
ritinu.
Leikhúsgestir tóku nú að
tínast til sæta sinna á ný. í
anddyrinu rákumst við á Guð-
mund Steinsson, rithöfund.
„Þetta er lélegur strompur",
var hans álit. „Leikritið er
gott“, sagði Þorvarður í bóka-
búð KRON. Friðrik Sigur-
björnsson, lögreglustjóri í
Bolungarvík og fréttaritari
Morgunblaðsins á staðnum, og
frú hans, Halldóra Helgadótt-
ir, voru afar hrifin og hlökk-
uðu þau til að sjá síðari hlut-
ann. Á sömu skoðun var Ragn
ar Jónsson í Smára:
— Er það rétt, sem hvíslað
hefur verið í bænum í dag,
að botninn detti úr leikritinu?
— Síður en svo, svaraði
Ragnar. Eg er búinn að lesa
Strompleikinn tvisvar og sé
ekkert athugavert við botn-
inn. Leikritið er sérlega
skemmtilegt að mínum dómi.
Hg
Samtðk gegn leyni
vínsölu stofnuð
Halda uppi njósnastarfsemi
um leynivínsala
Jóhannes Kjarval á útleið.
Kaffisala til dgóða fyiii
bjöigunoiskútu Austfjaiða
SUNNUDAGINN 15. október
n. k. gangast nokkur austfirzku
átthagafélaganna í Reykjavík
fyrir kaffisölu í Sjálfstæðishús-
inu til ágóða fyrir björgunar-
skútusjóð Austurlands.
Austfirðingafjórðungur er nú
eini fjórðungur landsins, sem á|
enga björgunarskútu. Félög aust
aniands og austfirzku átthagafé-
lögin hér í bæ hafa sýnt þessu'
þarfamáli mikinn skilning og
stuðning.
Nú er það áskorun félaganna,
sem að kaffisölunm standa til
allra Austfirðinga, sem hér eru
búsettir, að þeir bregðist vel við
og styrki hana á einn eða annan
nátt.
Kökum og öðrum gjöfum má
koma í Sjálfstæðishúsið eftir Ki.1
MBL. barst í gær fréttatilkynn-
ing frá svonefndum „Samtök-
um gegn leynivínsölu". Er hér
um að ræða samtök manna,
sem hyggjast vinna að því að
útrýma leynivínsölu í bænum
og aðstoða lögregluna við töku
leynivínsala. Þess skal þó getið
að lögreglan sjálf stendur á
engan hátt á bak við samtök
þessi, en samkvæmt upplýsing-
um lögreglunnar hafa samtökin
þegar gefið henni upplýsingar,
sem að undanfömu hafa leitt
til handtöku nokkurra leynivín-
sala.
1 fréttatilkynninguunni frá
samtökum þessum segir m.a.
svo:
„Sökum þess hvað margir
eiga um sárt að binda vegna
þess mikla áfengisböls, sem
herjar þjóð vora, hefur nýlega
verið stofnað til samtaka, er
setja sér það markmið að út-
rýma leynivínsölum og þeim
stöðum, sem veita ólöglega
áfengi.
Samtök þessi vara þá, sem
iðka leynivínsölu við að halda
því áfram, því að allir verða
þeir uppvisir fyrr eða síðar,
þar sem félagsmenn eru valdir
þannig, að einn eða fleiri eru
félagar á hverri bílastöð og enn
fremur fastir viðskiptamenn vín
salanna, svo engum er að
treysta. Þá verða nokkrir bílar
í förum um bæinn og á þeim
stöðum, er vænta má leynivín-
sölu og hverskonar njósnastarf-
semi höfð í frammi, þar til hver
sá maður, sem heldur áfram að
selja óleyfilega vín, verður
sviptur ökuleyfi, sé hann bíl-
stjóri og hver og einn er við
þá iðn fæst, fær sektir eða
dóm, eftir atvikum.
Æskilegt væri að þeir, sem
eiga um sárt að binda í þessum
efnum legðu þessu málefni lið á
einhvern hátt, með starfi, bíla-
láni, eða fjárframlagi, því nauð
synlegt er að greiða ýmsan
kostnað í sambandi við starf-
semina.
Til þess að komast í samband
við samtökin þarf ekki annað
en senda bréf í pósti, áritað:
Samtök gegn leynivínsölu, poste
restante, Reykjavík, og verður
þá kannað hver tilgangur bréf-
ritara er.
Samtökin hafa þegar hafið
starfsemi sína, með góðum ár-
angri“.
Taylor sérlegur
sendimaður
Washington, 11. okt.
KENNEDY forseti til-
kynnti í dag, að Maxvell
Taylor hershöfðingi, færi
til Suður-Vietnam sem sér
legur fulltrúi forsetans til
þess að ræða við Dine
Diem forseta og athuga
frekari leiðir til þess að
styrkja mótstöðuna gegn
kommúnistum. —Kennedy
ræddi í dag við utanríkis-
og landvarnamálaráðherra
Bandaríkjanna um för Tay
lors, sem er sérlegur að-
stoðarmaður forsetans í
hernaðar- og upplýsinga-
málum.
Ekkert nýtt
WASHINGTON, 11. okt. — Ut-
anríkisráðherra kínverskra
kommúnista segir í viðtali við
Reuters-fréttastofuna, að Kín-
verjar séu fúsir til viðræðna og
samninga við Bandaríkjamenn.
Bandaríkjamenn verði hins veg-
ar að hafa frumkvæðið. — Fregn
in hefur fengið kuldalegar mót-
tökur í Washington og fer víðs
fjarri, að Bandaríkjamenn hafi
á'huga á að ræða við Kínverja.
Sagði talsmaður Bandaríkja-
stjórnar í dag, að í ummælum
kínverska ráðherrans hefði ekk-
ert nýtt komið fram.
1 Z' NA /5 hnúlar\ ¥ Snjókcma ] / svsohnúhA * úsí «**» V Shúrir K Þrumur 'W%, KuMaakil Hilaskil H Has» | L*Lag»\ j
9 f. h. sunnudaginn 15. þ. m.
• Austfirðingar, sem hér eru bú-
settir, sýnið það í verki að þið
eruð góðir Austfirðingar, þótt (
íluttir séuð af Austurlandi. Setj-
ið stolt ykkar í að ekki líði
mörg ár þar til Austurland fær
sína björgunarskútu. Að þessu
getið þið stuðlað með því að
koma og kaupa kaffi.
Orðum mínum vil ég einnig
beina til allra þeirra hér í bæ,
sem hafa áhuga á eða vinna að
slysavarnarmálum og hvetja
þá til að koma í Sjálfstæðishús-
ið á sunnudaginn og drekka þar
eftirmiðdagskaffi. Með því
styrkja þeir gott og þarft málefni
og njóta um leið ágætra veit
inga.
Austfirðingur.
ENN var bezta veður um allt
S og V-land í gær, sólskin
og logn að kalla.
Lægðin fyrir SA landið er
að eyðast, en önnur er komin
inn á kortið suðvestur í hafi.
Hún er afkomandi fellibyls-
ins Frances, sem kom norður
undir Boston fyrir nokkrum
dögum, vélt síðan að sveima
yfir hafinu þar austur undan
og virtist nær horfin, en færist
nú í aukana og á eftir að valda
stormi í grennd við ísland í
nótt og á morgun.
Veðurspáin kl. 10 í gærkvöldi:
SV-mið: Breytileg átt Og
bjart veður í nótt en gengur
þá til austanáttar, hvass aust- 1
an og rigning annað kvöld.
SV-land til Breiðafjarðar,
Faxaflóamið og Breiðafjarða-
mið: Breytileg átt og úrkomu-
laust í nótt, þykknar upp með
vaxandi áustan eða SA átt á
morgun.
Vestfirðir og miðin: Hæg-
viðri, skýjað.
Norðurland til Austfjarða
og miðin: Norðan kaldi og
víða rigning í nótt, suðlæg
átt og léttir til á morgun.
SA-land og miðin: NV kaldi
og léttskýjað í nótt, SA stinn-
ingskaldi og rigning annað
kvöld.