Morgunblaðið - 13.03.1962, Blaðsíða 2

2
MORGUNBLAÐIÐ
Þriðjudagur 13. marz 1962
í\- .■ ' (.. . S .... . . . w , , v . .
Myndin sýnir, hvar drengurinn hrapaði fram af klettunum
fyrir neðan Sjómannaskólann. Hvíti stokkurinn, sem er í
klettunum fyrir neðan turninn, er 35 cm hár. Fallið mun hafa
verið um sex til sjö metrar. (Ljósm. Mbl. Sv. Þorm.)
Hrapaði í gamia grjótnóminu
LAUST eftir kl. 14 á laugardag
vildi það slys til við Sjómanna-
skólann, að sjö ára gamall dreng
ur hrapaði niður af klettunum
fyrir neðan skólann, þar sem
gamla grjótnámið er.
Drengurinn, sean heitir Griffith
Scobie, var á leið heiman frá sér
á Háteigsvegi 52 og ætlaði að
fara niður á Fram-völlinn ásamt
frænda sínum, sem er á svipuð-
um aldri. Griffibh gefck á und-
an og mun ekki hafa áttað sig á
því, að hann var kominn fram á
klettabrún. Hrapaði hann fram
af, sennilega um sex til sjö m.
fall, og kom niður á höfuðið.
Drengurinn missti meðvitund um
stundarsakir og blæddi úr eyr-
um, munni og nefi hans. Sá, sem
með honum var, renndi sér niður
urðarskriðu og hljóp eftir hjálp í
hið nýja Tónlistarfélagsbíó, sem
Júlíus enn í
sjúkrahúsi
Einlcaskeyti frá Kaup-
mannahöfn.
Rannsóknarlögreglan í
Kaupmannahöfn hefur enn
ekki getað yfirheyrt ts-
lendinginn Júlíus Stein-
dórsson, sem varð fyrir
árás í veitingahúsinu Casa-
nova í Kaupmannahöfn að-
faranótt miðvikudagsins 7.
þ. m. — Júlíus liggur í
sjúkrahúsi þar sem gert
var að þrem hnífsstungum
á hnakka hans og brjósti
og hafa læknar meinað
íögreglunni að yfirheyra
hann.
Bandaríski blökkumaður
inn Levem Dixon, sem
handtekinn var og sakað-
ur um árásina, heldur fast
við framburð sinn og neit-
ar að hafa beitt hnífi í á-
flogunum við Júlíus. Vitn-
um ber ekki saman og
segja sum að þau hafi séð
Dixon „taka eitthvað upp
úr vasa sinum“, en önnur
vitni segjast engan hníf
hafa séð.
Erfitt er því fyrir lög-
regluna að sanna sök
blökkumannsins fyrr en
Júiíus hefur skýrt frá
málavöxtum.
er að rísa þarna skammt frá
Komu menn fljótlega á slysstað-
inn. Drengurinn var fluttur á
Slysavarðstofuna, en þaðan á
Landakotsspítala, þar sem hann
liggur enrj. Mun honum líða eft-
ir öUum vonum, og hefur hann
fengið fulla rænu.
Öfugmæli Eysteins
• Hinn nýi formaður Fram-
sóknartlokksinis á í miklum
þrengingum um þessar mund
ir. Bandalag flokks hans við
kommúnista í verkalýðsfélög-
unum og víðar skapar honura
stöðugt meira vantraust. Til
þess að reyna að rétta hlut
sinrii, slær Eysteinn Jónsson
nú fram allskonar fullyrðing-
um og hreinum öfugmælum
á Alþingi. Hann fullyrti m. a.
fyrir skömmu, eftir að hann
var komin í alger rökþrot í
umræðumim um landbúnaðar-
mál, að öllum bönkum og
sparisjóðum hefði verið bætt
gengistap þeirra öðrum en
lánasjóðum landbúnaðarins.
En þessu er alveg öfugt far-
ið. Þeim bönkum, sem höfðu
einhvem hagnað af gengisfell-
ingunnú. var gert að skila hon-
um aftur. Og því fór þess
vegna víðsfjarri að búnaðar-
sjóðirnir sættu verri kjörum
en aðrar lánastofnanir.
• Fonnaður Framsóknar-
flokksins lætur Tímann einn-
ig halda því fram sl. suimiu-
dag, að frumvarpið um eflingu
húnaðarsjóðanna sé „árás á
bændur“.
Einnig hér er staðreyndun-
um snúið við. Með frumvarpi
þessu er verið að tryggja fram
tíð landbúnaðarins. Lánasjóð-
um hans er ekki aðeims bætt
það gengistap sem þeir hafa
orðið fyrir, heldur miklu
meira.
Framsóknarmenn hafa lagt
fram frumvarp á Alþingi um
að bæta búnaðarsjóðunum
gengistapið, sem mun vera
um 10 millj. kr. á ári.
I frumvarpi ríkisstjórnar-
innar er hinsvegar gert ráð
fyrir að ríkissjóður greiði sem
svarar 20 millj. króna á ári
til búnaðarsjóðanina, auk ann
arra tekna þeirra, sem nema
munu 12—19 millj. kr. á ári.
• Óhætt er að fullyrða að
Framsóknarmenn munu eftir
fá ár stæra sig af því að
hafa komie fótum undir lána-
sjóð landbúnaðarins. Þá munu
þeir einnig reynia að eigna sér
þær tillögur, sem felast í frum
varpi núverandi ríkisstjórnar
um uppbyggingu þessara
sjóða.
Greindur Framsóknarmaður
sagði nýlega:
,.Eg held að honum Eysteini
sé farið að förlast."
Það er vissulega ekki
ástæðulaust, að jafnvel Fram-
sóknarmenn komast nú þanin-
ig að orði. Allur málflutning-
ur hins nýja formanns Fram-
sóknarflokksins er fullur af
öfugmælum og rökleysum.
Banaslys í
Ytri-IMjarðvík
KeflavíkUiflugvelli, 12. marz
DAUÐASLYS varð um kl. 15,30
á sunnudag á Reykjanesbraut,
þar sem vegurinn liggur um Ytri
Njarðvík.
Sanakvæmt upplýsingwn frá
Birni Ingvarssyni, lögreglustjóra
á Keflavíkurflugvelli, eru tildrög
slyssins þessi:
Bifreiðin G-174, sem er Cihevro
let-fólksbifreið, árgerð 1958, kom
Alþingi samþykkir að
kaupa skuldabréf SÞ

Á FUNDI neðri deildar í gær var
frumvarp um heimild til ríkis-
stjórnarinnar til kaupa á skulda-
bréfum Sameinuðu þjóðanna að
upphæð 80 þús. dollara samþykkt
sem lög frá Alþingi. Gunnar
Thoroddsen fjármálaráðherra
gerði grein fyrir frumvarpinu og
gat þess m. a., að Sameinuðu
þjóðirnar ættu nú í fjárhags-
örðugleikum, sem stöfuðu af því,
að tiltekin aðildarríki neituðu
að greiða kostnað við starfsemi
samtakanna í Kongó og Israel og
bréfin væru út gefin til að létta
af þeim erfiðleikum.
Eysteinn Jónsson (F) kvaðst
írumvarpinu mjög fylgjandi.
Sameinuðu þjóðirnar hefðu vald-
ið þáttaskilum í mannkynssög-
unni og það væri eina og mesta
von smáþjóðanna, að þær megi
eflast óg styrkjast sem mest.

Byssur teknar
úr Gauti og
Sæbjörgu
NÚ FYRIR skömmu hefur
Landhelgisgæzlan látið taka
byssur úr skipunum Gauti og
Sæbjörgu. Hér var um að
ræða gamlar byssur, sem. erf-
[ itt er að fá skot og varahluti í,'
og þessi skip hafa upp á síð-
kastið eingöngu verið í báta-
aðstoð. Gautur og Sæbjörg
eru lítil og gömul skip, sem
ástæðulaust þykir að útbúa'
byssum, svo að sjálfsagt þótti
að spara á þessu sviði.
Átta íslendingar ti
Loftleiða í New York
UM þessar mundir fjölgar ís-
lenzku starfsliði Loftleiða í New
York um 8 manns. Stafar þessi
fjölgun af síaukinni starfsemi fé-
lagsins í Bandaríkjunum.
í New York hafa verið 53
starfsmenn Loftleiða, og þar af
tíu íslenzkir. Auk þess hefur fé-
lagið starfsmenn annars staðar í
Bandaríkjunum, t. d. í Chicago.
Um áramótin tók Sigurður Helga
son við framkvæmdarstjórastöð-
unni í Bandaríkjunum. Bolli
Gunnarsson sem verið hefur
stöðavarstjóri Loftleiða á Idle-
wild-flugvelli, kemur heim í vor
og verður eftirlitsmaður með af-
greiðslustöðvum Loftleiða. Erling
Aspelund tekur við starfi Bolla
Gunnarssonar vestra frá 1. júní
að telja.
Til viðbótar hinum 53 starfs-
mönnum í New York koma nú
átta íslendingar. Eru þeir ýmist
farnir eða á förum. Tveir af-
greiðslumenn fara til Idlewild,
Baldur Maríusson og Þorgeir
Halldórsson, en þeir hafa báðir
starfað hjá Loftleiðum , Reykja-
vík. Tvær flugfreyjur fara til
farþegaþjónustu í Idlewild, einn
maður, Snorri Snorrason, fer til
starfa við farmflutninga eins
maður verður aðstoðarmaður á
flugvelli, og að lokum fara tveir
flugvirkjar vestur.
akandi eftir Reykjanesbraut frá
Keflavík og í gegnum Ytri-
Njarðvík. Þegar bifreiðin bom á
móts við kaupfélagsbygginguna,
telur bifreiðarstjórinn sig hafa
séð mann koma gangandi á móti
bifreiðinm eftir hægra vegar-
kanti (vinstra megin frá bílstjór-
anum séð). Rétt áður en bifreið-
in kom að manninum, snar-
breygði fcann inn á veginn Og
varð fyrir bifreiðinni með þeim
afleiðingum, að hann tókst á löft
upp og kastaðist út fyrir veginn.
Bifreiðarstjórinn kveðst hafa ek-
ið á u. þ. b. 25 km. hraða, en
hraðamælir bifreiðarinnar deynd
ist bilaður. Hemlaför mældust
sex metrar.
Tvær stúlkur voru í bifreið-
inni auk ökumanns.
Maður sá, er fyrir bifreiðinni
varð, hét Jónas Sigurðsson, og
átti hann lögheimili á Suðureyri
við Súgandafjörð en var nú starfs
maður varnarliðsins á Keflavík-
urflugvelli. Jónas var fæddur
1903 og lætur eftir sig uppkom-
in börn.
Læknar Og lögregla komu fljót
lega á slysstaðinn og reyndist
Jónas vera iátinn, er að var kom-
ið. Hafði höfuðkúpa hans brotn-
að.
Lögreglusijórinn á Keflavíkur
flugvelli hefur unnið að rann-
sókn málsins í dag og yfirheyrt
vitni, en nokkrir sjónarvottar
munu hafa verið að slysinu auk
farþeganna í bifreiðinni. — B.Þ.
Pétur SigurSsson
formaður D.A.S.
FRAMHALDSAÐALFUNDUR 1
stjórn DvalaFheimilis aldraðra
sjómanna var haldinn á sunnu-
dag.
Haldið var áfram að ræða
skýrslu stjórnarinnar og hún
síðan samþykkt einróma. Þá var
gengið til stjórnarkjörs. Fráfar-
andi formaður, Einar Thorodd-
sen, baðst eindregið undan end-
urkosningu, og 'hlaut Pétur Sig-
urðsson, alþingismaður, kosn-
ingu í hans stað. Ritari var kos-
inn Kristens Sigurðsson, gjald-
keri Guðmundur H. Oddsson og
meðstjórnendur Hilmar Jónsson
og Tómas Sigvaldason. — Fyrr-
verandi stjórn var þannig skip-
uð: Einar Thoroddsen, formaður,
Tómas Guðjónsson, ritari, Guð-
mundur H. Oddsson gjaldkeri og
Tómas Sigvaldason og Bjarni
Bjarnason, meðstjórnendur.
Á fundinum var einnig kosin
sjö manna hátíðanefnd vegna
sjómannadagsins, sem verður nú
hinn 25. í röðinni.
Samþykkt var að gefa kr. 10
þús. til sjóslysasöfnunarinnar.
Nýr þinjymaður
Jón Kjartansson, sýslumaður,
hefur tekið sæti Guðlaugs Gísla
sonar, sem hefur horfið af þingi
um hríð sakir embættisanna.
Sjóslysasöfnun
á Akranesi
í KVÖLD heimsækja skátar
heimili Akurnesinga’og taka við
framlögum manna til sjóslysa-
söfnunarinnar.
ENN er mikil hæð yfir Græn-
landi, en síðustu daga hefur
hún teygzt nokkuð suðaustur
yfir ísland og Bretlandseyjar.
Aðallægðin yfir Atlantshaf-
inu er nú skammt austur af
Nýfundnalandi. Suðaustur af
henni, fyrir utan kortsvæðið
er hins vegar ný og dýpri
lægð, sem mun koma í ljós á
kortinu á morgun ,ef allt er
með felldu. — Sama bjart-
viðrið var í gær á Suður- og
Vesturlandi, en á Norður-
landi og annnesjum fyrir
norðan var éljagangur eins og
fyrri daginn. Frost var allt að
10 stigum á hádegi í gær, mest
á Grímsstöðum, en í Reykja-
vík var 5 stiga frost.