Morgunblaðið - 30.08.1963, Blaðsíða 17

* FöstudaÉfur 30. ágúst 1963
MORCU N BLAÐIÐ
17
Jens Guðbjörnsson sextugur
Hrein eign Brunabóta-
félagsins 40 milljónir
EINSDÆMI mun það vera í sögu
íþróttahreyfingarinnar hér á
landi að sami maður hafi verið
formaður sama félags óslitið í
nær 36 ár og 1 stjórn tveimur ár-
um betur. Svo er þó með formann
Glímufél. Ármanns, sem stendur
á sextugu í dag.
Formennsku I slíku stórfélagi
er varla hægt að kalla aukastarf,
því enginn mun sá dagur líða að
ekki þurfi að hugsa um eða sinna
einhverjum málum í þágu félags-
ins.
Eins og allir vita sem nærri
íþróttamálum koma hlaðast auk
þess alls konar trúnaðarstörf á
stjórnarmenn félaganna og þó
sérstaklega á formennina, en Jens
virðist hafa breitt bak, því enn
stendur hann beinn og ber höf-
uðið hátt.
Flestir menn staðna nokkuð
eftir fyrsta hálf- eða heiltugs
sprettinn, en svo hefir ekki ver-
ið með Jens. Stafar það líklega
af því að andbyr hefir verið á
milli, en ekki sífellt logn, því
það slævir frekar.
f>að mun ekki ofmælt þótt
sagt sé að Jens hafi helgað sig
Ármanni og núverandi kynslóð
þekkir ekki Ármann, ef hún
þekkir ekki Jens.
Hann hefir fórnað félaginu
nær öllum sínum tómstundum og
þá um leið miklu af því sem al-
mennt er kallað heimilislíf. Ekki
hefir hann þar fyrir vanrækt
heimilið, þótt ætla mætti, því
heimili hans var löngum heim-
ili Ármanns.
Á þessum langa starfstíma
fyrir Ármann hafa að sjálfsögðu
margir starfað rrt-ð honum í
stjórn og misjafnlega lengi, en
ávallt hefir Jens verið áhuga-
samastur um vöxt og viðgang
félagsins, þótt ýmsir hafi þar
margt vel unnið.
Ég tel að það sé fyrst og
fremst honum að þakka að Ár-
mann er og hefir verið eitt af
stórveldunum í íþróttahreyfing-
unni og aldrei lent í v/ ulegum
öldudal.
Ég sem þessar línur rita get
hér vel um dæmt, því við kom-
um jafn snemma í stjórn Ár-
manns árið 1925 og sem endur-
skoðandi félagsins síðan ég hætti
þar í stjórn fyrir meir en 30 ár-
um hefi ég árlega fylgzt nokkuð
með störfum hans.
Jens hefir gegnt mörgum trún-
aðarstörfum fyrir íþróttahreyf-
inguna í heild. Hann átti sæti í
stjórn íþróttavallarins í nær tvo
áratugi og hefir átt sæti í Laug-
ardalsnefnd frá upphafi. í íþrótta
nefnd ríkisins var hann varafor-
maður í 5 eða 6 ár. í Ólympíu-
nefnd í fjölda ára, í Þjóðhátíðar-
nefnd Reykjavikurborgar frá
1944 og fulltrúi í Sambandsráði
ÍSÍ er hann nú. Mörg fleiri trún-
aðarstörf hafa á þessum langa
starfstíma hlaðizt á hann, sem of
langt er upp að telja.
Margar utanferðir hefir Jens
farið með flokka Ármanns, oft-
ast sem fararstjóri og staðið fyr-
ir móttöku fjölda erlendra íþrótta
flokka. Hann hefir setið fjölda
íþróttaráðstefna bæði utanlands
og innan.
Sýna hin miklu störf sem á
hann hafa hlaðizt bezt það traust
sem iþróttamenn hafa á honum,
enda er hann samvizkusamur
með afbrigðum og ósérhlífinn.
Hann er málafylgjumaður nokk-
ur og er fastur fyrir ef á hann
er ráðizt. Frekar er hann við-
kvæmur í lund og tekur mjög
sárt ef hann er hafður fyrir
rangri sök eða hin óeigingjörnu
störf hans lítilsvirt, eða rang-
túlkuð.
Jens var vel liðtækur íþrótta-
maður fyrr á árum. Stundaði
hann aðallega frjálsar íþróttir og
heldur sér enn vel, þótt hár sé
nokkuð tekið að grána.
Fyrir hin miklu störf í þágu
íþróttahreyfingarinnar hefir Jens
verið sýndur margs konar sómi.
Hefir hann verið sæmdur hinni
Jsleuz&.u Fálkaorðu, gullmerki
ÍSÍ og bæði sænskum og finnsk-
um heiðursmerkjum o. fl.
Jens* hefur verið formaður
Finnlandsvinafélagsins frá upp-
hafi.
Þjóðfélagið stendur í þakkar-
skuld við slíka menn sem Jens
og er það mikil gæfa fyrir í-
þróttahreyfinguna að eignast
slíkan leiðtoga. Störf sem þessi
verða aldrei metin til peninga,
enda væri illa farið ef þau þyrfti
að kaupa fyrir fé.
Er það trú mín að Jens haldi
sama sprettinum enn um fjölda
ára og von mín að íþróttahreyf-
ingin megi njóta þekkingar hans
og starfskrafta sem lengst.
LAUGARDAGINN 17. þ. m. fór
fram að Melgrasseyri jarðarför
Jónu Jónsdóttur, ljósmóður frá
Skjaldfönn, að viðstöddu fjöl-
menni. Lézt hún að Vífilsstöð-
um eftir langvarandi veikindi og
ellihrörnun. Með þessari merkis-
konu er góð og merk kona geng-
in, sem stóð um langt tímabil
fyrir fjölmennu og myndarlegu
heimili og stundaði jafnframt
ljósmóðurstörf í sveit sinni í
marga áratugi við miklar vin-
sældir og gifturíkt starf. Öll
störf hennar báru þess órækan
vott, að þar fór mikilhæf kona.
Jóna sál mun fyrst hafa flutt
í þetta hérað til Sigvalda Kalda-
lóns í Ármúla og þaðan fluttist
hún að Skjaldfönn og giftist Jó-
hanni bónda Ásgrimssyni 15. ág.
1908 og bjuggu þau þar marga
áratugi við hinn myndarlegasta
heimilisbrag. Bar heimili þeirra
jafnan vott um dugnað og ár-
vekni húsbændanna, enda jafnan
mannmargt, og snyrtimennska
og þrifnaður einkenndi jafnan
störf þeirra hvar, sem litið var,
hvort heldur var innan veggja
’eða utan. Jörðin var fremur
erfið dalajörð, og þurfti jafnan
mikla tilsjón með skepnum, ef
vel átti að fara, en aldrei urðu
þeim þær aðstæður til slysa á
fénaði: umfram það, sem tíðkast
almennt, en þarna þurfti oft
miklu meiri umsjá en víða ann
ars staðar sökum legu jarðar-
innar og staðhátta svo var bú-
sýsla þeirra og umsjá rík að allt
hélst jafnan í réttum skorðum,
hvað sem á gekk. Mátti með
sanni segja, þau börðust harðri
baráttu við umsjá og ,fram-
færslu hins stóra barnahóps og
fjölmenna heimilis, sem hjá
þeim jafnan. Eiga sveitungar
þeirra og aðrir, að minnast hinna
dugmiklu og gestrisnu hús-
bænda, er þeir áttu þar leið um,
sem í hvívetna báru með sér
hressilegt viðmót og alúðlegt, og
hverskonar greiðsemi við mátti
koma, ef þörf var á eða eftir
leitað, enda báru þau hjón með
sér manndómsbrag í bezta lagi.
Þeim hjónum varð 8 barna
auðið sem þau ólu öll upp og
komu til ágætis menningar, enda
börnin öll manndóms og mynd-
arfólk. Börn þeirra eru:
Aðalsteinn, bóndi á Skjald-
Jens er bókbindari að mennt.
Starfaði hann í Félagsbókband-
inu eins og faðir hans og var þar
yfirbókbindari til ársins 1951.
Varð þá forstjóri íslenzkra get-
rauna meðan þær störfuðu, sem
því miður varð og stutt, en þær
áttu að verða lyftistöng fyrir
íþróttahreyfinguna.
Síðan 1956 hefir hann verið
fulltrúi í Fræðsluskrifstofu
Reykjavíkur.
Hann var formaður Bókbind-
arafélagsins í 7 ár og gegndi fleiri
trúnaðarstörfum fyrir þá stétt.
Jens er fæddur Reykvíkingur.
Sonur hjónanna Guðbjörns Guð-
brandssonar bókbindara og Jens-
ínu Jensdóttur, er var systir
þeirr'a þjóðkunnu bræðra, Bjarna
í Ásgarði og Friðjóns læknis.
Kona hans er Þórveig Axfjörð
sem stutt hefir hann vel og dyggi
lega í þessum umfangsmiklu
tómstundastörfum. Eiga þau tvær
uppkomnar dætur, búsettar hér í
bæ, Brynhildi gifta Gísla Þórðar-
syni loftskeytamanni og Jensínu
gifta Gunnari Jóhannssyni tré-
smíðameistara.
Lifðu heill gamli samherji.
S. G. B.
Ps. — Jens »iun fara úr bæn-
um með fjölskyldu sinni kl. 20
á afmælisdaginn.
fönn, giftur Hólmfríði Indriða-
dóttur, bónda á Ytra fjalli og
skálds. Guðjón Gunnar trésmið-
ur í Rvík giftur Kristinu Jóns-
dóttur frá Borg í Reykhólasveit.
Magnús útvarpsvirki í Reykja-
vík, giftur Hönnu Brynjólfsdótt-
ur. Ásgerður Rósa húsfreyja á
Ármúla, gift Sigurði Hannessyni
bónda þar. Karen Ólafía búsett
í Reykjavík, ógift. Kristján bíl-
stjóri í Reykjavík ógiftur. Hall-
dór Valgeir smiður Reykjavík,
giftur Vilborgu Benediktsdóttur.
Ásthildur Sigurrós húsfreyja í
Arnardal, gift Marvin Kjarval
bónda þar, og vitaverði.
Er mér jafnan minnisstætt hið
fjölmenna heimili og gjörfulegi
barnahópur, sem þar var lengi
og ólust þar upp hjá hinum táp-
miklu foreldrum sínum.
Ég stend í mikilli þakkar-
skuld við þetta heimili frá þeim
tíma og eftir að þau hættu þar
búskap fyrir hina frábæru gest-
risni er ég mætti þar jafnan, oft
illa á mig kominn í vondum veðr
um, en þar var gott að koma og
hjartahlýjan áberandi.
Þau hjón hættu búskap fyrir
allmörgum árum og fengu jörð-
ina í hendur Aaðalsteini syni sín
um árið 1940, en dvöldu þar
áfram. Jóhann dó 9/2 1956. Fyrir
fáum árum flutti Jóna sál til
Reykjavíkur mest fyrir heilsu-
bilun, en kom þó heim að Skjald
fönn á sumrum meðan heilsan
leyfði, og hún var ferðafær. Slit-
in að kröftum og þreki dvaldist
hún síðast á Vífilsstöðum. Fædd
var hún 2. ágúst 1882. Samtíðar-
fólkið minnist jafnan hinnar
merku konu og biðjum henni
blessunar fyrir handan móðuna
miklu.
Blessuð sé minning hennar.
Fáll Pálsson.
Aukavinna
Maður með Samvinnuskóla-
próf oskar eftir kvöldvinnu.
Ymislegt kemur til greina,
svo sem bókhald. Þeir sem
hefðu áhuga á þessu sendi fcil-
boð, merkt: „5128“, á afgr.
Mbl. frir mánudaigskvöld.
LAUGARDAGINN 24. þ.m. var
haldinn aðalfundur fulltrúaráðs
Brunabótafélags íslands í Félags-
heimili Kópavogs. Formaður
framkvæmdastjórnar setti fund-
inn með stuttri ræðu. Fundar-
stjórar voru kjörnir; Guðlaugur
Gíslason, alþm. og Hjálmar Ólafs
son, bæjarstjóri. Fundarritarar
voru kjörnir: Áskell Einarsson,
bæjarstjóri Qg Sturla Jónsson,
hreppstjórL
Formaður, Jón G. Sólnes,
bankastjóri, minntist í upphafi
skýrslu sinnar Jóns Steingríms-
sonar, sýslumanns, er Iptizt hafði
frá því síðasti fundur var hald-
inn, en hann var stjórnarmaður
félagsins. Risu fundarmenn úr
sætum og vottuðu hinum látna
virðingu sína.
Formaður rakti rekstur félags-
ins í stórum dráttum. Skýrði
hann frá kaupum á viðbótarhús-
næði o.fl. Heildariðgjaldatekjur
félagsins námu í árslok 1962 kr.
33,9 millj. Formaður skýrði frá
lánveitingum félagsins til sveit-
arfélaga, sem hefðu aukizt mik-
ið. Lagði hann áherzlu á þýð-
ingu þessara lánveitinga fyrir
sveitarfélögin og segja mætti að
lánastarfsemi félagsins sé vísir
að sveitarfélagabanka. í lok
skýrslu lagði formaður mikla á-
herzlu á samstöðuna um félagið
og færði forstjóra og starfsfólki
félagsins þakkir fyrir gott starf
á liðnu ári.
Forstjóri, Ásgeir Ólafsson, rakti
reikninga félagsins og skýrði ein
staka liði í rekstri þess. Reksturs
afkoma síðasta reikningsárs
hafði mjög aukizt. Varasjóður fé-
lagsins var í árslok kr. 38.850.000.
Arður til viðskiptamanna félags-
ins á síðasta reikningsári nam
kr. 2.296.405.—. Heildarútlán fé-
lagsins voru 14. okt. 1962 kr.
51.429.092.24. Hrein eign er rúm-
ar 40 milljónir. í skýrslu sinni
kom forstjóri víða við og skýrði
á glöggan og skilmerkilegan hátt
ýmsa þætti rekstursins:
f fram.kvæmdastjórn fyrir
næstu 4 ár voru kjörnir:
Jón G. Sólnes, bankastjóri,
Akureyri.
Emil Jónsson, ráðherra,
Hafnarfirði.
Björgvin Bjarnason, sýslu-
maður, Hólmavík.
Varamenn:
Ólafur Ragnars, kaupmaður,
Siglufirði
Sigurður Óli Ólafsson, alþm.
Selfossi.
Bjarni Guðbjörnsson, banka-
stjóri, ísafirði.
Kona óskast
strax til afgreiðslustarfa í vefnaðarvöruverzlun
% daginn. Tilboð sendist afgr. Mbl. merkt: 5097“.
Herbergi óskast
Herbergi eða lítil íbúð óskast til leigu handa er-
lendum starfsmanni okkar. Barnlaus hjón. Húshjálp
kemur til greina.
Upplýsingar á skrifstofunni sími 12287 og 16708.
h/fOFNASMIÐJAN
IINHOLII IO * *I»B|AVÍ« - IUINSI
EN8KUIMÁIV1 í ENGLAMDI
Tólf vikna námskeið í ensku byrjar í skóla Scanbrit
í Bournemouth þ. 23. september n.k. 24 kennslu-
stundir á viku. Upplýsingar gefur Sölvi Eysteins-
son síma 14029.
Ameríkani
Vantar 2ja til 3ja herbergja góða íbúð með eða án
húsgögnum. Tilboð sendist Mbl. fyrir 3. september,
merkt: „íbúð—320 — 5111“.
Sniðameistari
Karl eða kona óskast. Hátt kaup. Húsnæði á staðn-
um ef óskað er. Einnig stúlkur vanar saumaskap.
Verksmiðjan MAGNI
Hveragerði — Sími 87.
Saumastúlkur
Saumastúlkur óskast við léttan iðnað.
Uppl. í síma 15418 kl. 5—7 e. h.
Jóna Sigríður Jónsdóttir