Morgunblaðið - 04.08.1965, Side 8

8
MOP^IIWBl AOfO
Miðvikudagur 4. ágúst 1965
ALMENNT er taliG að menn-
ingarbragur hafi verið meiri á
hegðun og umgengni ferða-
manna um þessa verzlunar-
mannahelgi en á undanförn-
um árum. Miklar ráðstafanir
höfðu verið gerðar til að
halda uppi reglu í umferðinni
á þjóðvegum og á dvalarstöð-
um fólks í öllum landshlutum.
Kjörorð Félags íslenzkra bif-
reiðaeigenda í aðvörunum til
ökumanna var: Slysalaus
verzlunarmannahelgi. — Má
segja, að svo haíi orðið að frá-
töldum bílveltum í Kömbum
og á Keflavíkurleiðinni.
í Þórsmörk var saman kom-
inn á fimmta þúsuiKl manna
hópur, mest unglingar innan
við tvííugt, og var Þórsmörk-
- in eins og á undanförnum ár-
um fjölsóttust staða um verzl-
unarmannahelgi. Slys og aðr-
Þessi mynd var tekin í Þórsmörk um helgina. Á henni sést hluti tjaldstæða og bílar er íluttu
íerðafólk austur. Fremst á myndinni er svæðið, þar sem dansað var.
Betri framkoma ferða-
fólks en áður
Þúsundir manna á ferðalagi
um helgina
ar hrakfarir unglinga voru
þar mun minni að þessu sinni
, en áður og var hegðun fólks-
ins þar almenr* betri en verið
hefur til þessa.
Á FIMMTA ÞÚSUND
í ÞÓRSMÖRK.
ÞÓRSMÖRK var fjöLsóttasti stað
ur til útilegu um verzlunar-
mannahelgina. Þangað komu á
fimmta þúsund manns, aðallega
fólk innan við tvítugt. Var mik-
ill fjöldi tjalda um Húsadal og
á laugardags- og sunnudags-
kvöld var dansleikur á flötinni
í dalnum. Veður var gott í Þórs-
mörk um helgina.
Samkvæmt upplýsingum lög-
reglunnar munu 4317 manns hafa
komið í Þórsmörk um helgina.
Mestur hluti þessa fólks var inn-
an við tvítugt, en þó bar ekki
mikið á unglingum á aldrinum
þrettán til fjórtán ára eins og oft
áður. Að sögn lögreglunnar var
nokkur ölvun í Þórsmörk, en
mun minni en undanfarin sumur.
Nokkrir piltar voru teknir úr um
ferð vegna ölvunar og voru þeir
látnir jafna sig í bílum, sem lög-
reglan hafði á staðnum. Þá voru
nokkrir þjófnaðir úr tjöldum til-
kynntir, en ekki tókst að hafa
hendur í hári þjófanna. Hjálpar-
sveit skáta var til aðstoðar slös-
uðu fólki og flutti hún 8 ungl-
inga að Stóru-Mörk í sjúkrabíl
F.Í.B. er flutti þá til byggða.
Tólf lögregluþjónar úr Reykja-
,vik önnuðust gæzlustörf i Þórs-
mörk um helgina.
Reynir Karlsson, framkv.stj.
Æskulýðsráðs tjáði blaðinu í gær
að ástandið í Þórsmörk hefði
verið mun betra nú en á undan-
förnum árum um verzlunar-
mannahelgi. Meðalaldur gesta
þar hefur hækkað nokkuð og er
það til mikilla bóta og ölvun var
áberandi minni en í fyrra. Sagð-
ist Reynir vilja þakka lögreglu
og hjálparsveit skáta fyrir ágæta
samvinnu. Nokkuð bar á því, að
unglingar væru ekki nægilega
vel klæddir og sagðist Reynir
vilja brýna fyrir fólki, að búa
sig betur fyrir útilegu. Þá taldi
hann mjög óheppilegt að ferða-
fólkið kæmi í Þórsmörk svo
seint á föstudagskvöldi til að
tjalda og sagði mun æskilegra,
að fólk væri flutt þangað á laug-
ardagsmorgni, svo að ferðamenn
fengju að njóta útsýnis á leið-
inni og kæmu ekki þreyttir og
syfjaðir í tjaldstað.
Æskulýðsráð hafði samvinnu
við Hjálparsveit skáta um að-
stoð í Þórsmörk, en það hefur
einriig beitt sér fyrir því, að
efnt væri til hátíða á fjölsóttustu
stöðum úti á landi um verzlunar
mannahelgina.
FJÖLSKYLDUR
í ÞJÓRSÁRDAL
Ágúst Hafberg, framkv.stjóri
Landleiða h.f., sagði Mbl. að nær
þúsund manns hefðu tjaldað í
Þjórsárdal um helgina, og hefði
það verið einkennandi' að þar
voru yfirleitt fjölskyldur á ferð.
Mikill fjöldi einkabíla ók að
Fossá og sumir fóru lengra inn
í dalinn, þar sem vatn í ánum
var lítið. Einum bíl hlekktist á,
er honum var ekið í ána, en ekki i
var þar um alvarlegt óhapp að
ræða.
Landleiðir h. f. fluttu 150
manns í hringferðum um dalinn,
en um 50 manns komu austur
með bílum fyrirtækisins. Eng-
inn meiriháttar slys urðu á fólki,
þó skvettist heitt vatn á dreng
nokkurn en hann brenndist ekki
alvarlega. Alls munu 2000—2500
manns hafa komið í Þjórsárdal
um helgina, en ölvun var næst-
um engin. Lögreglumenn komu
tvisvar á staðinn, en engin verk
efni voru fyrir þá.
BINDINDISMANNAMÓTIf*
í HÚSAFELLSSKÓGI.
Formaður mótsnefndar Gissur
Pálsson, umdæmiskanslari, setti
mótið á laugardagskvöldið. Eftir
það var dansað í stóru tjaldi
til kl. 2. Varðelda- og flugelda-
sýning var kl. 12 bæði kvöldin;
söngstjóri við varðeldinn var
Árni Norðfjörð. Einnig lék hann
nokkra stund fyrir gömlu dönsun
um meðan bálið dvínaði út.
Á sunnudag kl. 2 var guðsþjón
usta er Björn Jónsson úr Kefla-
vík framkvæmdi. Eftir það var
hlé til kl. 5 sem mótsgestir not-
uðu til þess að ganga á fjöll eða
njóta veðurblíðunnar á sem bezt-
an hátt. Kl. 5 hófust skemmti-
atriði. Þjóðdansaflokkur úr
Reykjavík sýndi dans; Guðjón
Guðlaugsson flutti ávarp; farið
! var í ýmsa leiki, svo sem reip-
tog milli bítla og ekki bítla og
naglaboðhlaup o.fl., og Guðmund
ur Snædal frá Keflavík lék á
munnhörpu.
Klukkan átta hófst svo kvöld
vaka. Árni Helgason úr Stykkis-
hólmi flutti gamanþætti og söng
gamanvísur við mikinn fögnuð
áheyrenda. Afhent voru verðlaun
fyrir keppni í starfsíþróttum sem
fram fór fyrr um daginn og að
lokum var dansað til kl. 1,30 af
miklu fjöri.
Kl. 11 á mánudag fóru móts-
slit fram. Þar fluttu ávörp Giss-
ur Pálsson formaður undirbún-
ingsnefndar; Magnús Kristinsson
frá Akureyri; óðinn Geirdal frá
Akranesi og Björn Jónsson úr
Keflavik. Að lokum sleit Ólafur
Jónsson, umdæmistemplari, mót
inu og þakkaði öllum, bæði
starfsfólki og gestum fyrir þátt-
töku í þessu glæsilegasta bindind
ismannamóti. Hegðun var mjög
góð, ölvun sást ekki á nokkrum
manni og engin löggæzla var á
staðnum. Fastagestir mótsins
munu hafa verið um 3 þús., en
má reikna með, að alls hafi
komið þangað um 4 þús. Veður
var gott og fór batnandi eftir
því sem á leið, — sól og blíða
á sunnudeginum. Um mótið er
það að segja, og eru allir sam-
mála um það, að framkoma
unga fólksins hafi verið mun
betri en þp;r Ríartsýnustu þorðu j
að vona.
í BJARKARLUNDI
Hótelstjórinn í Bjarkarlundi,
Vikar Davíðsson, sagði okkur í
samtali í gær, að um 1500 manns (
hefðu komið í Bjarkarlund um
helgina og þar hefðu verið sett
upp um 200 tjöld. Veður var j
fremur gott, nokkuð kalt en j
stillt. Þó var ekki sólskin að
ráði. Sagði Vikar að allt hefði
gengið að óskum og dansleikir
á laugardags- og sunnudags-
kvöld heíðu farið mjög vel fram. í
Ekki vissi hann til, að nein alvar
leg óhöpp hefðu orðið í um-
ferðinni, en bíll frá F.Í.B., sem
var við Bjarkarlund í fyrsta
sinn nú um þessa helgi, aðstoð-
aði rúmlega 20 bíla. Sagði Vikar,
að þessi aðstoð F.Í.B. kæmi sér
mjög vel. Umferðarlögregla úr
Reykjavík fylgdist með umferð
í nágrenni Bjarkarlundar og
fjórir lögreglumenn úr Reykja-
vík önnuðust gæzlustörf í Bjark
arlundi og sögðu þeir, að ölvun
hefði verið dálítil en ekki áber-
andi.
MENNINGARBRAGUR
í VAGLASKÓGI
AKUREYRI 3. ágúst. — Bind-
indismótið í Vagnaskógi var
geysifjölmennt sérstaklega
seinni daginn og munu þá hafa
verið á 4. þús. manns, þegar flest
var. Veður var þurrt og gott —
einkum á sunnudaginn. Mikill
menningarbragur var á samkom-
unni og mátti hún heita algjör-
lega vínlaus. Afskipti þurfti að
hafa af sárafáum og aðeins þurfti
að fjarlægja einn úr skóginum
vegna ölvunar. Annars sást ekki
vín á fólki.
Lögreglan hafði mest að gera
við umferðarstjórnina, ekki önn-
ur verkefni fyrir hendi að kalla.
Engin óhöpp urðu eða slysfarir.
Dansleikir voru bæði kvöldin,
þar sem voru um 800 manns
hvort kvöld. Dansað var bæði
inni í hótelinu og úti undir tjald
himni. Hljómsveitarmönnum bar
saman um, að þeir hefðu varla
leikið fyrir öllu betra fólk, sem
var bæði kátt og prútt. Piltar úr
Æskulýðsfélagi Akureyrarkirkju
önnuðust helgistundir bæði laug
ardags- og sunnudagskvöld og
heppnuðust þær sérlega vel.
Um 150 manns unnu ýmis
störf í sambandi við mótið í
sjálfboðavinnu.
— Sverrir.
SKÓGARHÁTÍÐ I ATLAVÍK
Fljótsdalshéraði, 3. ágúst.
U.Í.A. gekkst fyrir mikilli sam-
komu í Hallormsstaðarskógi um
verzlunarmannahelgina. Átti hún
að hefjast samkvæmt dagskrá
kl. 16,30 mð „liðum af ýmsu
tagi“, en vegna óhagstæðs veð-
urs varð bið á því að hún hæf-
ist til kl. 18. Fór þá fram keppni
í handknattleik kvenna. Áttust
þar við B-lið frá Leikni á Búð-
um og Þrótti frá Neskaupstað
og unnu Leiknisstúlkur. Kl. 19,30
hófst svo dansleikur og var dans
að á tveimur stöðum, á palli úti
og í skála. Stór svo dans fram
til kl. 1 eftir miðnætti. Kl. 1,30
hófst svo „miðnæturvaka" við
varðeld. Þar skemmti ómar
Ragnarsson og Dúmbó-sextettinn
frá Akranesi lék. Þessari miðnæt-
urvöku lauk svo kl. 3,15 með
flugeldasýningu.
Á sunnudag hófst svo dagskrá
aftur kl. 10 með íþróttakeppni.
Var keppt í nokkrum greinum
frjálsíþrótta karla og kvenna og
ennfremur í handknattleik
kvenna. Kl. 13,00 hófst aðalhátíð
dagsins í samkomurjóðrinu, sem
var fánum prýtt. Var veður
þá allgott, sólarlaust að visu, en
þurrt og fremur stillt. Samkom-
unni stjórnaði Kristján Ingólfs-
son en dagskrárstjóri var Magnús
Stefánsson. Samkomuatriði voru
þessi:
1. Ávarp, form. ÚÍA. 2. Gam-
anmál: Ómar Ragnarsson. 3.
Ræða: Axel Tulinius. 4. Leikur
Dúmbó-sextetts og söngur. —.
5. Ræða: Úlfar Þórðarson lækn-
ir. 6. Baldur og Konni. Baldur
sýndi töfrabrögð og félagarnir
skemmtu. 7. Smárakvartettinn
frá Akureyri söng með undirleik
Jakobs Tryggvasonar. 8. Hjálmar
Gíslason fór með gamanvísur og
eftirhermur. 9. Einsöngur Jó-
hanns Konráðssonar. — Nokkurt
hlé var áður en söngur Smára-
kvartettsins hófst.
Kl. 18,00 hófust aftur íþrótt-
ir og fór þá fram handbolti, lyft
ingar og að lokum víðavangs-
hlaup Austurlands. Hlaupið vann
Þórir Bjarnason frá Stöðvarfirði.
Sigurvegari í . lyftingum varð
Hákon Halldórsson frá Dalatanga
og jafnhattaði hann 120 kg. —-
Kl. 20,00 hófst svo dans á tveim
stöðum, sem hið fyrra kvöld.
Dansleiknum og þar með skógar
hátíðinni lauk kl. 1 eftir mið-
nætti. Það er mál manna að sam
koma þessi hafi verið hin ágæt-
asta. Fjölmenni var mjög mikið
einkum að ungu fólki og margt
barna var þarna í fylgd foreldra.
Eitt mætti þó telja að vantað
hafi en það var guðsþjónustu-
stund á sunnudag.
Samkvæmt upplýsingum lög-
reglunnar tókst framar öllum
vonum að halda áfengi frá staðn
um. Leitað var að áfengi í öllum
bílum sem fóru inn á svæðið og
teknar til geymslu milli 50—60
flöskur. Samkomugestir tóku leit
inni yfirleitt vel og kom ekki
til neinna árekstra milli þeirra
og lögreglunnar. Örfáum bílum
með ölvaða farþega var visað
frá. Hver maður á samkomusvæð
inu sem bar merki ölvunar var
þegar fjarlægður eða settur i
varðhald. Fjölmenn lögregla var
á staðnum og ennfremur stór hóp
ur sjálfboðaliða, sem aðsto.aði
við gæzlu og leiðbeindi fólki með
tjaldstæði o.fl. og var aðstoð sjálf
boðaliðsins ómetanlega mikiis
virði. Fjöldi manns gisti í tjöld
um á sunnudags- og mánudags-
nótt og margt gesta að tínast
burt á mánudag. Samkoman fór
fram af mestu prýði. Hún var
mjög þörf staðfesting á þeim
sannindum að beztu samkomum
ar eru án áfengis. Forstöðumenn
samkomunnar lét ui ljós þakk-
læti sitt til hinna fjölmörgu er
lögðu fram krafta sína, til þess að
samkoman færi vel úr hendi, en
sérstaklega þó til þeirra Axela
Tulinius sýslumanns og Sigurð-
ar Blöndal skógarvarðar.
J.P.
AÐSTOÐ F.í.B.
Félag ísl. bifreiðaeigenda h ól
17 bíla úti á þjóðvegunum til að-
stoðar. Alls fóru fram viðgerð-
ir á 390 bílum og 70 voru að-
stoðaðir á annan hátt. Þá sá F.í.
B. um sjúkraflutninga úr Þórs-
mörk, en slysfarir voru þar helm
ingi færri en í fyrra. Var ekið
úr Þórsmörk bæði aðfaanótt laug
ardags og sunnudags. 1 einni ferð
inni var kallað á bíl F.Í.B. í tal-
stöð frá barnaheimili í skíða-
skála Í.R. hjá Kolviðarhóli. Voru
þar tveir sjúkir drengir, er flytja
þurfti í snatri til læknis. Bíll
F.Í.B., sem þá var staddur aust
an Fjalls fór á staðinn og flutti
drengina í bæinn. Var annar
þeirra skorinn upp við botn-
langabólgu. Telja forráðamenn
F.Í.B. að mikil þörf sé á sjúkra-
vagni til að annast slíka flutn-
inga, því að sjúkralið í Reykja-
vík getur ekki annað öllum flutn
ingum af þessu tagi. Forráða-
menn F.Í.B. telja, að ökumenn
hafi sýnt mikla tillitssemi og
nærgætni í umferðinni og hefði
hún gengið miklu betur en i
fyrra þrátt fyrir aukinn bíla-
fjölda á vegunum.