Morgunblaðið - 24.06.1967, Page 5

MORGUNBLAÐIÐ, LAUGARDAGUR 24. JÚNÍ 1967

' "
Þegar veður er óhagstætt geta börnin verið inni við og fengizt við ýmiss konar föndur og
aðra tómstundaiðju.
Fáni dreginn að húni með viðeigandi söng.
^ ^ ^ ^ «^*
Athyglisverð sumarnámskeið
fyrir börn á Seltjarnarnesi
Á VEGUM Barnaverndar-
nefndarinnar á Seltjarnar-
nesi stendur nú yfir sumar-
námskeið fyrir þau börn í
hreppnum, sem áttu þess ekki
kost að fara í sveit í sumar.
Er séð fyrir því, að þau hafi
nóg fyrir stafni — bæði við
leiki og föndur. Hefur Her-
mann Ragnar verið fenginn
til að stjórna þessum nám-
skeiðum, sem eru styrkt af
Seltjarnarneshreppi, en börn-
in verða aðeins að borga tvö
sundruð krónur fyrir nám-
skeiðið, sem er daglega frá
kl. 10—4 í háifan mánuð.
Við lögðum leið okkar fyrir
skömmu í Mýrarhúsaskóla þar
sem námskeið þessi fara fram
til að forvitnast frekar um
þau. Þetta var skömmu fyrir
hádegi og þegar í skólann
kom voru öll börnin inni við.
Drengirnir tefldu af miklum
móði eða gerðu anna ðsér til
dundurs, en stúlkurnar voru
að líma skeljar, kuðunga og
þörunga á blað, svo að úr
varð ýmiss konar munstur.
„Við gengum allur hópurinn
hér suður á nesið í gær,“ tjáði
Hermann okkur, „þar sem við
týndum kuðunga, skeljar og
þörunga og eru börnin nú að
vinna úr þessu efni.“
Og Hermann hélt áfram:
„Þetta er annað námskeiðið,
sem haldið er hér. Á því eru
52 börn á aldrinum 10—12
ára, en á fyrra námskeiðinu,
sem nýlokið er, voru 66 börn
á aldrinum 7—9 ára. Nám-
skeiðin eru fyrst og fremst
ætluð til að hafa ofan af fyrir
þeim börnum, sem ekki kom-
ust í sveit í sumar, en við
forðumst auðvitað að hafa
þetta í skólaformi.
Þess í stað er blandað sam-
an hæfilegri inniveru og úti-
veru — börnin teikna og
föndra hér í skólastofunum
hluta dagsins, en svo er farið
í gönguferðir, keppt í ýmis
konar íþróttum og farið í sýn-
isferðir. Heimsaékjum við þá
alls kyns fyrirtæki, sem börn
in hafa áhuga fyrir, og þegar
hingað kemur aftur teikna
börnin það merkilegasta, sem
fyrir augu bar.
Nú, eins heimsækjum við
söfnin í bænum, sem þykir
ákaflega skemmtilegt og fróð-
legt. Við höfum farið í Þjóð-
minjasafnið og Náttúrugripa-
safnið, Listasafn ríkisins, og
svo munum við heimsækja
Árbæjarsafnið. Ég hef komizt
að raun um, að 80% barn-
anna, sem taka þátt í þessum
námskeiðum, hafa aldrei á
safnið komið áður og þess
vegna er þetta algjör nýjung
fyrir þau. Forstöðumenn safn
anna í Reykjavík verða líka
jafnan undrandi og glaðir,
þegar við komum, því að mér
virðist, sem það hafi lagzt
mikið niður hjá skólum borg-
arinnar, að fara slíkar kynn-
isferðir á söfnin, eins og jafn-
an var gert hér áður fyrr.
Þess má líka geta, að þegar
við förum í gönguferðir not-
um við jafnan tækifærið og
hreinsum til hér á opnu svæð-
unum á nesinu og reynuim að
gera þau snyrtileg.
Daginn byrjum við jafnan
með því að draga fána að
hún hér á skólalóðinni með
viðeigandi fánasöng. Börnin
fara ekki heim í hádeginu,
heldur hafa með sér brauðbita
að heiman og fá mjólk hér
í skólanum. Eftir matartím-
ann er stuttur hvíldartími, og
er þá lesin framhaldssaga.
Börnin, sem hafa verið á þess
um námskeiðum, enn sem

m

■ —
Drengirnir keppa í íþrottum.
komið er, eru ákaflega mót-
tækileg fyrir öllu því, sem
gert er fyrir þau, og virðist
mér ailir fara heim ánægðir
að kvöldi.
Við spurðum Hermann,
hvort hann hefði stjórnað slík
um námskeiðum áður. Hann
sagði, að þetta væri í fyrsta
skipti, sem hann stjórnaði
slíku námskeiði sem þessu, en
fyrir 5 árum hefði hann farið
til Bandaríkjanna í boði
stjórnarinnar þar til að kynna
sér, hvernig sumarnámskeið
Framlhald á bls. 24.
©AUGlÝSINaASTOFAN
Til hamingju
með daginn
Félag íslenzkra ferðaskrifstofa fagnar hinum merka áfanga í flugmálum Islands,
er hin nýja Boeing 727 þota kemur til landsins í dag.
-Aj-. Ferðir til og frá landinu taka nú styttri tíma og verða til að auka enn á
*■ ánægju þeirra, sem fljúga í fríið eða eru í viðskiptalegiim og persónulegum erindum.
FÍF vill við þetta tækifæri benda á hinar þægilegu rí ferðir, sem farnar eru með
áætlunarferðum flugfélaganna á lækkuðum fargjöldum — einstaklingsferðii', skipulagðar sem
hópferðir. Ferðast er eftir fyrirfram gerðri áætlun, og kostnaður
ferðarinnar greiðist allur fyrir hrottför. I verðinu eru innifaldar flugferðir,
gisting, skemmtiferðir og önnrn- þjónusta. Ferðizt með hinni nýju Boeing 727
og látið okkur skipuleggja ferðina! FÉIAG ÍSLENZKRA FERÐASKRIFSTOFA:
LÖND & LEIÐIR • SAGA • SUNNA • ÚTSÝN • ZOEGA