Morgunblaðið - 05.08.1967, Blaðsíða 15

MORGUNBLAÐIÐ, LAUGARDAGUR 5. ÁGÚST 1987
15
r
160 í$':cdmgum gefst kostur á ferð
með skipinu til Mallorca
Skipstjórinn, fremst til hægr'v fulltrúi útgerðarfélagsins og
fleiri kveðja, þegar lagt var frá borði.
AUSTUR-ÞÝZKA skemmti-
ferðaskipið „Völkerfreund-
schaft“ kom hingað til Reykja
víkur sl. miðvikudag með
hóp sænskra ferðamanna og
var hér í tvo daga. Þekktara
er skipið xindir sínu fyrra
nafni, „Stockholm", enda
lengi flaggskip Sænsku Ame-
ríku-línunnar. Þjóðverjarnir
keyptu það af Svíum 1960, og
hefur það síðan verið í sigl-
ingum með skemmtiferða-
fólk um Atlantshaf, Miðjarð-
• arhaf, Svartahaf og farið
nokkrar ferðir til Karabíska
hafsins.
Koma skipsins hingað að
þessu sinni vakti meiri at-
hygli en ella hefði orðið
vegna þess, að 16. ágúst kem
ur það aftur og fer þá með
hóp íslendinga í 16 daga
skemmtisiglingu til Noregs,
Danmerkur, Hollands og
Bretlands á vegum Ferða-
skrifstofunnar Sunnu.
Sunnu-fólkið hafði að sjálf
sögðu sérstakan áhuga á að
kynna sér skipið sem bezt og
þurfti auk þess að ræða við
skipstjórnarmenn um ýmis-
legt varðandi fyrirhugaða
reisu. Blaðamaður og ljós-
myndari frá Mbl. slógust í
för með því um borð á mið-
vikudagskvöldið.
Skemmtiferðaskip á borð
við ,,Völkerfreundschaft“ er
eins og margra hæða hús,
fljótandi hótel. Gengið er um
r ganga og margvísleg salar-
kynni, upp stiga og niður,
nema menn kjósi heldur að
nota lyfturnar. Þarna eru
m.a. verzlanir, hárgreiðslu-
stofa og rakarastofa, sund-
laug inni með saunabaði og
nuddstbfu, og önnur úti á
einu sóldekkinu, kvikmynda
salur og margt fleira. Annars
verða hér ekki tínd til þau
þægindi, sem skipið hefur
upp á að bjóða, því eins og
skipstjórinn sagði: „Fyrir
alla muni lýsið þessu ekki
sem neinu stórkostlegu, því
þá gætu menn orðið fyrir von
birgðum. Betra er að það
komi mönnum á óvart, hvað
hér er að hafa og fá.“
Þegar við komum um borð
sátu farþegarnir að snæðingi.
Starfsfólk Sunnu og þrir af yfirmönnum skipsins við utisun augina.
Setið að snæðingi í einum borðsal skipsins.
Sænska „smörgás-borðið virt
ist vinsælt þar sem menn
fengu sér léttan kvöldverð,
en í öðrum sal á næsta dekki
voru framreiddir heitir rétt-
ir fyrir þá, sem það vildu
heldur.
Skipstjórinn er snaggara-
legur náungi, léttur í skapi,
Hann var himinlifandi yfir
þeim dásemdarstað, Reykja-
vík. Það væri munur að koma
hingað eftir alla rigninguna,
sem var við Noregsstrendur
að þessu sinni. Hann hafði að
vísu heyrt að hér rigndi mik
ið og sérstaklega væri veður
guðunum uppsigað við
skemmtiferðaskip, en það
ætti bersýnilega ekki við um
hans farkost. — íslendingarn
ir sögðu aftur á móti að
Noregur væri að ljúka sér af
m-eð rigninguna áður en þeir
kæmu þángað.
Þeir Sunnu-menn höfðu
fyrr um daginn farið um
borð og m.a. óskað eftir því,
að íslenzkur matur yrði
nokkrum sinnum á borðum
í ferðinni síðar í mánuðin-
um. Skipstjórinn sagði að
brytinn treysti sér vel til
þess að matreiða reykta kjöt
ið og lambasteikina, en hann
velti mjög vöngum yfir því,
hvernig matbúa ætti saltfisk
inn svo að hann bragðaðist
íslendingunum eins og
heima.
Þegar líða tók á kvöldið,
voru flest borð setin í dans-
salnum, og í öðrum minni
sölum var einnig margt um
manninn. Sumir spiluðu, aðr-
ir létu fara vel um sig í þægi
legum stólum, drukku bjór
og röbbuðu saman, menn
stóðu við bari með gaman-
yrði á vör eða rjáluðu við
ýmiskonar leiktæki. Virtust
allir una sér hið bezta.
„Völkerfreundschaft" er
um 12.500 lestir að stærð, yf-
ir 160 m. að lengd, prýðileg-
asta sjóskip með sérstökum
útbúnaði, sem dregur úr velt
ingi. 220 manna áhöfn er á
skipinu. „Og hún mun gera
allt til þess að ferð ykkar
verði sem ánægjulegust*1,
sagði skipstjórinn um leið og
lagt var frá borði.
★
En fslendingar hafa ekki
alveg kvatt skipið, þegar það
kemur liingað aftur 31. ágúst.
Næsta skemmtifeið þess hefst
í Marseille og átti það að
sigla þangað tómt, en nú hef
ur Sunna ákveðið að gefa
160 manns kost á að fara
með því til Palma á Mall-
orca, en þar verður síðan
dvalið um hrið og komið með
flugvél heim með viðdvöl í
London. Siglingin til Palma
tekur 5 sólarhringa.
(Ljósm. Mbl.: Ól. K. M.)
Heimsókn um borð í
Völkerfreundschaít