Morgunblaðið - 09.11.1968, Side 12

i
12
MORGUNBLAÐIÐ, LAUGARDAGUR 9. NÓVEMBER 1968
Fyrirspurnir og svðr borgarstjóra
— á fundi með íbúum Hííða- Holta- og Norðurmýrarhverfis
Fyrirspurn frá Þorkeli Sig-
urðssyni: Ég var beðinn um að
flytja hér fyrirspurn um atriði,
sem má nú ekki teljast til stóru
málanna, en þó er það einn lið-
ur í þeirri viðleitni, sem gerð
hefur verið til að búa í haginn
fyrir borgarbúa, þannig að þeir
gætu notið hinnar fögru nátt-
úruútsýnar, sem hér er á mörg-
um stöðum innan borgarlandsins
að hafa. Til þess að fólk geti
komið þessu við hefur víða ver-
ið komið upp bekkjum, þannig
ig að fó'lk gæti setið þar og not-
ið útsýnisins, þegar það hefur
aðstöðu tiL Ég vil sérstaklega
nefna einn stað, sem mun vera
einn fegursti útsýnisstaður í
borgarlandinu, það er hér við
'hitaveitugeymana, því að hvergi
er útsýni jafn glæsilegt og þar.
En þar hefur verið komið upp
bekkjum til þæginda fyrir fólk-
ið. En svo er það nú þar eins
og víða annars staðar, að það
eru ýmis skemmdaröfl á ferð-
inni, sem eyðileggja þetta sem
búið er að gera þarna til ánægju
fyrir borgarbúa og á þessum
etað hefur bekkur eða bekkir
verið teknir til viðgerðar eftir
að hafa verið eyðilagðir að
mestu en þeir hafa ekki komið
enniþá aftur. Og ég var sérstak-
lega beðinn um það að gera fyr-
írspurn uim það hvort ekki mundi
verða séð fyrir því að þetta
kæmi til baka. Og eins vildi ég
um leið bæta því við að það
væri mjög æskilegt að komið
væri upp sem flestum bekkjuim
á öllum fegurstu útsýnisstöðum
borgarlandsins.
Borgarstjóri: f>að er velkomið
að kanna það, hvort unnrt er að
koma bekkjunum fljótlega fyr-
ir aftur, en þessi fyrirspurn gef-
ur e.t.v. tilefni til þess að geta
um að eitt af þeim verkefnum,
sem brýn þörf er á að leysa nú
á næstunni er frágangur ýmissa
opinna svæða. Bæði er það svo,
að þessi opnu svæði eru ætluð
til afnota fyrir íbúana í tóm-
stundum yngri sem eldri borgar-
búa, og þarna er um útlitsat-
riði í borginni að ræða, það er
ótrúlegt hvað frágangur eins
slíks svæðis getur breytt útliti
heilla borgarhverfa. Óneitanlega
hefur gerð slíkra svæða setið á
hakanum vegna þess, að gatna-
gerð hefur gengið fyrir. En samt
er það svo, að opin svæði í um-
sjá garðyrkjustjóra borgarinnar
eru nú um 113 hektarar að
stærð og aukast um 6 hektara
á áiri hverju. Það hefur e. t. v.
minni áherzla verið lögð á skrúð
garða þó að þeir séu til staðar
V>g séu á milli 20—30 hektarar
að stærð þar af Miklatúnið
lang stærst um 11 hektara að
stærð. En í þessum efnum er
töluvert mikið óunnið og þar
geta íbúarnir sjálfir lagt hönd
á plóginn með góðri umgengni
um sínar eigin lóðir og næsta
nágrenni.
Magnús Valdimarsson Einholti
<6. Ámi Jónsson Einholti 2 og
Hjalti Finnbogason, Einholti 2.
Hvenær kemur hitaveita í Ein
holti og Þverholt og hvers vegna
eru þessar tvær götur skildar
eftir eins og eyja á öllu hita-
veitusvæðinu?
Borgarstjóri: Mér er ekki full
Ijóst, hvaða ástæða veldur því,
að þarna hafa verið skilin eftir
nokkur hús við Einholt og Þver-
holt og skal kanna það. Ég hef
staðið í þeirri meiningu, að ætl-
unin væri að tengja þessi hús
nú í kjölfar hitaveitufram-
kvæmdanna, sem voru í Holtun-
um á s.L ári og þar áður.
Guðmundur S. Alfreðsson. Nóa
túni 26: Uno Ore, sem er félag
framfarasinnaðra ungra manna,
hefur samþykkt eftirfarandi
ályktun: Uno Ore mótmælir
byggingu ráðhúss í Reykjavíkur
tjörn. Forsendur þessarar álykt
unar eru að við álítum, að ráð-
húsbygging í Tjörninni hljóti að
vera mun dýrari en á mörgum
öðrum stöðum í borgar'landinu,
'þar sem gera má ráð fyrir langri
leið niður á fastan grunn og
kaupa þarf og rífa hús, sem þar
eru fyrir. Við álítum það sjónar-
mið ríkjandi ráðamanna, að ráð-
húsið mundi fegra Tjörndna og
umhverfi hennar sé rangt. Við
‘sjáum fegurðaraukann sem varð
til við niðurrif Gúttó og lista-
mannaskálans. Auk þess kemur
ráðhúsið til með að hafa 4 höf-
uðhliðar og ein þeirra á að snúa
að Alþingi og dómkirkjunni. Við
hlið ráðhússbáknsins yrðu þessi
hágöfgu hús sem hundakofar.
Ráðhúskassinn er væntanlega í
nýtízku stíl og á því alls ekki
heima í umhverfi Tjarnarinnar.
Við álítum að samgöngukerfi mið
bæjarins þoli alls ekki þá um-
ferð sem fylgir ráðhúsi. Keyrir
þá um þverbak, þegar fyrirhug-
aðar eru byggingar Seðlabanka
■og æskulýðsmiðstöðvar í allra
næsta nágr. Tjarnarinnar. Við á-
lítum að böl alls skipulags sé
þröngsýni. Ráðhúsinu er ofauk-
ið í gamla miðbænum. Og nýja
miðbænum ofaukið í Kringlumýr
inni. En ráðhúsið gæti t.d. eitt
saman sómt sér vel á efri parti
Kringlumýrarsvæðisins. Við álít-
um að bygging ráðhúss í Reykja
víkurtjörn sé óverjandi, þar sem
meirihluti borgarbúa sé henni
mótfallinn á þeim stað. í lok
máls míns vil ég spyrja borgar-
stjóra hvað ráðhúsmálinu líður,
hvort engra nýrra ákivarðana
sé að vænta í því með tilliti til
almenningsálitsins og hver þau
rök séu sem mæla með bygg-
'ingu ráðhúss í Tjörninni og upp-
hefja forsendur þær sém ég hef
nefnt.
Borgarstjóri: Ég hlýt að
þakka félagsskapnum Uno Ore
fyrir þá tryggð að koma á hvern
hverfafundinn á fætur öðrum
og bera fram sína skoðun á ein-
arðan og skemmtilegan hátt og
gefa mér þar með tækifæri til
þess að skýra frá hvað ráðhús-
málum líður. Það er kunnara en
frá þurfi að segja, að staðarval
ráðhúss var samþykkt í borgar-
stjórn með 15 samhljóða atkvæð-
um þegar á árinu 1955. Það var
þ>ó ekki gert óundirbúið. Á mörg
um áratugum þar á undan höfðu
farið fram rannsóknir á staðar-
vali ráðhúss. Hver nefndin á fæt
ur annarri hafði fjallað um mál-
ið. Það hafði verið samkeppni
um umhverfi Tjarnarinnar með-
al arkitekta og margt annað því
um líkt til að undirbúa þá
ákvörðun, að ráðhús skyldi reist
Og mér er minnisstætt, að skipu
lagsnefnd ríkis og borgar gerði
einu sinni 1951 eða 1952 að því
er mig minnir, mjög greiinargott
yfirlit um alla þá staði, sem til
orða höfðu komið sem ráðhús-
staður. Og í því yfirliti, sem tók
á milli 20-30 staða, var hver
staður metinn og veginn og að
lokum komist að þeirri niður-
stöðu með samhljóða áliti allra
nefndarmanna, að ráðhúsinu ætti
að vélja stað við norðurenda
Tjarnarinnar. Nú geta menn
haft um það skiptar skoðanir og
það er ákaflega erfitt að rök-
ræða um fegurðarmat manna,
það er misjafnt. Ég hef sagt sem
svo, að afstaða okkar, sem voru
með staðsetningu ráðhúss og
greiddu teikningum að ráðhúsi
nokkrum árum seinna atkvæði
miðaðist auðvitað við að hér
væri um að ræða fegurðarauka
fyrir Tjörnina og umhverfi henn
ar. Um þetta hlýtur hver mað-
ur að vera dómari og mjög hæp-
ið að ætla öðrum að sannfæra
nágranna um sína skoðun. En
eins og horfir nú, er það svo, að
aðalskipulag Reykjavíkurborgar
gerir ráð fyrir byggingu ákveð-
>ins magns húsnæðis í mið-
borginni og gerir ráð fyrir því,
að fyrirhugað gatnakerfi og bíla
stæði geti á þann hátt annað
'þörfum þessa húsnæðis. Þetta
húsnæði skiptist í höfuðþætti í
verzlanir og skrifstofur. Og
bygging ráðhúss á þessu svæði
eða bygging Seðlabanka eða
annarra stórbygginga, sem tald-
ar eru of miklar fyrir gamla mið
bæiinn verða að vera innan
þessara marka, sem aðalskipu-
lagið setur. Þannig er ég á þeirri
skoðun, að bygging þessara stofn
ana stofni miðbænum ekki í
hættu, séu ekki of stórar fyrir
miðbæinn. 1 sambandi við ráð-
húsbygginguna þá býst ég ekki
við því, að framkvæmdir hefjist
á næstunni vegna fjárhags-
ástandsins og vegna þess að ým-
is verkefni eru brýnni. Og ég
vildi líka ganga lengra og segja
að nauðsynlegt er að skapa
meiri samhug um framkvæmd
sem ráðhús er, ráðhús sem á að
vera sameiningartákn allra borg
arbúa. Ég var spurður af einum
hinna ungu manna, hvort slíkur
samhugur ætti að skapast með
því móti að við í borgarstjórn
ætluðum að sveigja vilja borgar
búa til fylgis við okkur, eða
hvort við mundum breyta okkar
fyrri ákvörðunum. Ég svaraði
því til, að annað hvort eða hvort
tveggja yrði e.t.v. úr, en hvort
heldur sem væri þá væri það
ekki aðalatriðið, aðalatriðið væri
það að þessi samhugur væri fyr-
ir hendi. Stundum er það nú
svo, að það verður að taka
ákvörðun og hefja framkvæmd-
ir, þótt skiptar skoðanir séu og
oft er það þá þannig, þegar
mannvirkið er komið upp, að
flestir eru ánægðir með það.
Sem sagt í þessum efnum verð-
ur það svo, að framkvæmdir hefj
ast ekki á næstunni, bygging
ráðhúss á þessum stað er núna
sérstaklega til athugunar með
það sjónarmið í huga hvort unnt
er að koma leikhúsi og ráðhúsi
lundir sama þaki. Það er til með-
ferðar í ráðhúsnefnd og borgar
stjórn og ég skal ekki segja
neitt um hvort úr því verður
eða ekki, eða hvernig fara skuli
með þennan stað að öðru leyti.
Ég vil þó aðeins í lokin gera
grein fyrir því, að það hefur ver-
ið bent á að ráðhús við norður-
enda tjarnarinnar gerði alþingis
hús og Dómkirkju tiltölulega
litla í sniðum. Ég held að með
byggingu meðfram Vonarstræti,
Templarasundi og Kirkjuhvoli
að hluta til megi skapa vinalegt
umhverfi fyrir dómkirkju og Al-
þingishús, ásamt með byggingu
ráðhúss við norðurenda Tjarnar
innar. En hér erum við aftur
kominn að mismunandi mati hvað
er fagurt og smekklegt og skal
ég ekki orðlengja frekar um það
að sinni.
Guðmundur B. ólason. Við
íbúarnir við Hamrahlíð fylgjumst
með vaxandi áhyggjum með
hinni gífuriega ört vaxandi um-
ferð um þessa götu og við ótt-
umst, að sú umferð eigi eftir
að stórvaxa við opnun Kringlu-
mýrarbrautar og lokun Reykja-
nesbrautar Um götuna er geysi-
leg umferð almennra ökutækja
og svo áætlunarbíla frá Umferða
miðstöðinni og slökkvi- og
sjúkrabíla. Auk þess að vera al-
menn íbúðargata eru staðsettir
við götuna tveir mjög fjölmenn-
ir skólar, þannig að umferð fót-
gangandi yfir götuna er geysi-
ímikil, en merki gangbrauta yf-
ir götunni því miður ekki svo
greinileg, sem þyrfti að vera.
Með því að við álítum, að hér
sé um alvarlegt umferðarvanda-
mál að ræða, eru það vinsam-
leg tilmæli til borgarstjóra að
hann láti kanna vandamálin með
umferðarkönnun eða með öðrum
hætti í því augnamiði að ráða
bót á hinni miklu slysahættu,
sem hin mikla umferð hefur í
för með sér.
Borgarstjórí: Það er eðlilegt,
að þessi fyrirspurn komi fram.
Ég býst við því samkv. skipu-
'lagi, að þá muni Hamrahlíðin
verða í 3. flokki, þ.e.a.s. tvær
tegundir umferðargatna verða
gerðar fyrir meiri umferð en
Hamrahlíðin á að sinna í fram-
tíðinni. Hún er svokölluð safn-
braut milli íbúðagatna og ég
vonast til þess, að þegar Hafnar
fjarðarvegurinn er kominn í full
og frambúðar tengsl við Kringlu
mýrarbrautina minnki þessi um-
ferð, sem þarna er um Hamra-
hlíðina. Það hefur e.t.v. líka
aukið umferðina um Hamrahlíð-
ina að Kringlumýrarbrautin hef
ur ekki verið tengd við Hafnar-
fjarðarveginn. Það hefur að vísu
verið gert um Sléttuveg í haust,
en á næsta ári kemst vonandi á
betri tenging. En ég mun með
ánægju biðja umferðaryfirvöld
að kanna hvemig unnt er að
brúa þetta millibilsásta'nd sem
bezt og tryggja umferðaröryggi
um þessa götu, sem liggur fram
hjá tveim stórum skólum.
Sveinn Benediktsson: Það er
eitt atriði í skipulagi gatna,
nokkuð stórt atriði, sem mór
lýst alls ekki á og það er teng-
ingin frá höfninni bak við Morg
unblaðshúsið og yfir í Suðurgötu
suður á Hringbraut. Það er fyr-
irtæki, sem ég held að sé algjör-
lega óþarft um leið og það verð-
ur ákaflega dýrt og ég vildi
skora á borgarstjóra að láta fara
fram gagngerða athugun á því,
hvort að það sé ekki hentugra
að bæta gatnagerðina við höfn-
ina, þaninig að þar fáist góð
hringkeyrsla, sem ekki er nógu
góð eins og nú er, heldur en
ætla að ráðast þarna í gegnum
miðbæinn og jafnvel hrófla við
leiðum okkar beztu manna í
kirkjugarðinum. Ég held að þetta
mundi aldrei hafa verið gert ef
að þeir sem að þessu stóðu
hefðu verið eingöngu fslending-
ar, en ráð voru sett til manna
sem útlendir voru, sem ekki
voru nógu kunnugir staðháttum.
Þá er annað atriði, sem ég vil
láta mikla ánægju í ljósi yfir, og
það er það, að í staðinn fyrir
að ráðast í þessa byggingu á
ráðhúsinu í Tjörninni skuli hafa
verið byggður móttökusalur inn
á Höfða með því að endurbæta
það hús og það hús er eins og all
ir kuinnugir hér í bænum vita, á
fegursta stað bæjarins og einmitt
þar eða á því svæði og alla leið
upp að Suðurlandsbraut gæti
maður hugsað sér, að væri fram-
tíðarstaður fyrir Ráðhús bæjar-
ins en alls ekki í Tjörninni og
ég tek undir með þessum ungu
mönnum, sem hafa elt borgar-
stjóra á hvern fund að því er
mér skilst, um það, að það er
ekki framtíðarstaður fyrir ráð-
húsið í Tjörninni. Og Geir Hall-
grímsson hafði alveg rétt fyrir
sér, þegar hann vildi hafa ráð-
húsið annars staðar en gerði
það til þess að hafa góða sam-
vinnu að ganga til móts við aðra
bæjarfulltrúa um þetta sem ég
vil kalla lokaráð. Því að þetta
að setja ráðhús bæjarins þarna,
það skerðir Tjörnina, sem alls
ekki má skerða hún er of lít-
il, það ætti heldur að stækka
hana. Og þar að auki, mundi
það eins og bent var á í þessari
ályktun koma ósamræmi á allt
húsakerfið á þessum stað, þ£ir
sem þarna eru um 100 ára göm-
uil hús og meira, en svo koma
þarna nýtísku sykurkassi og
fyrirmyndin, eftir því sem Þjóð-
iviljinn sýndi, var sótt aiustur
Geir Hallgrímsson, borgarstjóri svarar fyrirspurnum á fUndinum. Við hlið hans sitja fundar-
stjóri, Bjarni Björnsson og fund arritari Áslaug Friðriksdóttir.