Morgunblaðið - 31.08.1975, Blaðsíða 47

MORGUNBLAÐIÐ, SUNNUDAGUR 31. ÁGÚST 1975
47
— Samdráttur
Framhald af bls. 2
Þær vörur, þar sem útflutning-
ur hefur dregizt saman, eru eink-
um kisilgúr, niðursoðnar eða nið-
urlagðar sjávarafurðir, vörur úr
loðskinnum, ullarlopi, ullarteppi,
pappaöskjur og sitthvað fleira. Er
samdráttur í útflutningi þessara
vara hvað magn snertir frá 5,7% i
82,7%. Magn útflutnings á kísil-
gúr dregst t.d. saman um 25,7%,
niðursoðnar sjávarafurðir um
35,3% o.s.frv. Þótt magnið, sem
útflutt er minnki mikið, er ekki
þar með sagt að verðmætið
minnki. Verðmæti útflutts kisil-
gúrs hefur t.d. aukizt um 67,6%,
verðmæti niðursoðinna sjávaraf-
urða um 18,1% o.s.frv. Aðeinsein
vörutegund, sem magnútflutning-
ur hefur dregizt saman, hefur
einnig dregizt saman i útfluttu
verðmæti og er þar um að ræða
gærusnepla sem að magni til hafa
dregizt saman um 82,7%, en að
verðmæti um 80,0%.
— Portúgal
Framhald af bls. 1
stuðningsmenn kommúnista.
Þá var þvi algerlega hafnað í
morgun af niu forystumönnum
hófsamra herforingja, að Gon-
calves yrði æðsti yfirmaður hers-
ins. Costa Gomes forseti tilkynnti
það í gærkvöld, að Goncalves
hefði verið látinn hætta sem for-
sætisráðherra, en við embætti
hans tekur Jose Pinheiro de Az-
avedo yfirmaður sjóhersins.
Fréttamenn álíta að lítil breyting
muni fylgja þessum skiptum og
að vafasamt sé að þau leysi stjórn-
arkreppuna, sem ríkt hefur I
Portúgal.
Skv. AP skeyti er ekki mikið
vitað um pólitíska stöðu Azeved-
os, en hann er vinur bæði Costa
Gomes forseta og Goncalves frá-
farandi forsætisráðherra og heim-
ildir herma, að flotastjórn hans
hafi verið ein af fáum deildum
innan hersins, sem studdi Gon-
calves sem forsætisráðherra. Aze-
vedos er sagður standa hugsjóna-
lega milli kommúnista og hæg-
fara herforingjanna 9, en er ekki
einn af 9, eins og ranghermt var í
frétt Mbl. í gær, en stendur þó
líklega nær siðarnefnda hópnum.
— Egyptar
Framhald af bls. 1
sagði á blaðamannafundi að vera
bandarískra borgara I Sinai væri
mikilvægt atriði I væntanlegum
friðarsamningi. Aðspurður um
hvort samkomulagið hefði eitt-
hvert gildi, neitaði bandaríska
þingið að senda óbreytta borgara
til Sinai, svaraði Bashir: „Við
skulum fyrst bíða eftir viðbrögð-
um þingsins. En ég álít að þingið
vilji líta stórt á sig .. ef upp koma
vandamál, þá verðum við að ráð-
ast í þau þegar þau birtast.“
— Örn Johnson
Framhald af bls. 2
neyti sínu, en því var hafnað. —
Ástæðan til þess, að flugstjóri vél-
arinnar vildi ekki bíða var ein-
faldlega, að veður fór ört versn-
andi i Keflavík, þannig að hætta
var á að völlurinn myndi lokast og
einnig varð hann að taka tillit til
65 farþega, sem voru um borð i
vélinni, sagði örn.
örn sagði, að það yrði að játa að
báðar vélarnar sem flugu til
Kaupmannahafnar daginn sem
ráðherrann fór heim, hefðu verið
á eftir áætlun, önnur 1 klst, og 7
mín, en hin 1 klst. og 15 mín. of
sein. Af þessum sökum missti
Kleppe af síðustu vélinni, sem
flaug til Noregs og varð að gista i
Kaupmannahöfn eina nótt.
— Fölsuðu
Framhald af bls. 26
ára ekki fengið nýtt nafnskírteini
í stað glataðs skírteinis, nema
annar einstaklingur ábyrgist, að
hann sé sá, sem hann segist vera.
Ábyrgðarmaðurinn skal hafa náð
30 ára aldri. Mætir hann með
hlutaðeiganda á Hagstofunni og
undirritar vottorð hér að lútandi.
Nýtt nafnskírteini er afhent dag-
inn eftir í fyrsta lagi, svo að svig-
rúm sé til að rannsaka réttmæti
beiðnar, ef ástæða er til. Komi í
Ijós, að rangt vottorð hafi verið
látið í té, er málið umsvifalaust
kært til Sakadóms.
—Njósnahringur
Framhald af bls. 1
1. sendiráðsritaranum við
rúmenska sendiráðið i Ósló, svo
og viðskiptafulltrúanum hafi ver-
ið vísað á brott úr landi eftir að
Tipanuts skýrði frá þvi að þeir
væru starfsmenn rúmensku leyni-
þjónustunnar. Sömu sögu er að
segja um hermálafulltrúann við
rúmenska sendiráðið i Stokk-
hólmi.
Aftenposten segir að Tipanut
hafi skýrt frá því að verkefni
rúmensku njósnaranna í Noregi
hafi verið að afla upplýsinga og
teikninga um iðnað og rannsókna-
störf í Noregi og einnig að ná
.tökum á fólki, sem ætla mætti að
síðar ætti eftir að komast í áhrifa-
stöður í Noregi. Hernaðarnjósnir
voru aftur á móti miklu minni
þáttur í starfseminni.
— Lóðaúthlutun
Framhald af bls. 3
ráði fluttu fulltrúar minnihlut-
ans, þeir Sigurjón Pétursson,
Alfreð Þorsteinsson og Björgv-
in Guðmundsson, svohljóðandi
tillögu: „Við undirritaðir leggj-
um til að lóð undir 23 ibúðir í
blandaðri byggð á horni Grens-
ásvegar og Hæðargarðs verði
auglýst til umsóknar.“ Tillagan
var felld 3:2, en þess skal getið
til skýringar, að Björgvin Guð-
mundsson hefur ekki atkvæðis-
rétt á fundum borgarráðs.
Vegna þessa máls voru eftirfar-
andi bókanir gerðar á fundi
borgarráðs, auk fyrrnefndrar
bókunar Sjálfstæðismanna.
Sigurjón Pétursson óskaði
bókað:
Mikill skortur er nú á bygg-
ingarlóðum undir fjölbýlishús.
Margir byggingaraðilar, sem á
undanförnum árum hafa haldið
uppi öflugri starfsemi, eru nú
um það bil að stöðvast vegna
skorts á lóðum. Á sfðustu 9
mánuðum hafa samtals 28
byggingaraðilar sótt um lóðir
undir fjölbýlishús, án þess að
fá úthlutun.
Eg tel það mjög óeðlileg
vinnubrögð að skipuleggja sér-
staklega svæði I borginni fyrir
tiltekið byggingarfélag, án þess
að gefa öðrum byggingaraðilum
einnig kost á að sækja um lóð-
ina.
Á það er einnig rétt að benda,
að Armannsfell fékk fyrir 3 ár-
um lóð undir stórhýsi við Espi-
gerði og var þá tekið fram yfir
fjölmarga aðra byggingaraðila,
sem einnig sóttu um þá lóð.
Nú hefur meirihluti borgar-
ráðs samþykkt að veita þessu
sama byggingarfélagi lóð undir
23 íbúðir á horni Hæðargarðs
og Grensásvegar.
Alfreð Þorsteinsson óskaði
bókað:
Það verða að teljast for-
kastanleg vinnubrögð af hálfu
meirihluta borgarráðs að af-
henda Ármannsfelli h.f. án
undangenginnar auglýsingar
lóð undir 23 íbúðir á mjög eftir-
sóknarverðum stað í borginni.
Eg tel,' að það eigi að vera
meginregla í sambandi við lóða-
úthlutanir, að lóðir séu auglýst-
ar þannig, að einstaklingar og
aðrir byggingaraðilar sitji við
sama boró.
Jafnframt tel ég ástæðu til að
benda á, að fjölmargar lóðaum-
sóknir liggja nú fyrir hjá lóða-
nefnd, m.a. frá byggingameist-
urum, sem ekki hafa fengið út-
hlutað lóðum í Reykjavik, en
Ármannsfell fékk hins vegar
úthlutað fyrir fáeinum árum
eftirsóttri fjölbýlishúsalóð á
Stóragerðissvæðinu. Auk þess
tel ég varhugavert að úthluta
Armannsfelli stórri byggingar-
lóð á sama tíma og þetta bygg-
ingarfélag er á eftir með fram-
kvæmdir á vegum Reykjavíkur-
borgar.
Björgvin Guðmundsson ósk-
aði bókað:
Upplýst er, að fjöldi umsókna
um byggingarlóðir liggur fyrir
óafgreiddur hjá borgaryfir-
völdum, m.a. frá byggingarsam-
vinnufélögum. Með framan-
greindri úthlutun lóðar á horni
Grensásvegar og Hæðargarðs
til Armannsfells h.f. er um-
sækjendum þessum freklega
mismunað. Þeim var ekki öllum
skýrt frá þvf, að umrætt svæði
yrði tekið undir íbúðabygging-
ar, heldur virðist Armannsfelli
sérstaklega hafa verið bent á
þessa eftirsóttu byggingarlóð.
Með þvi að fella tillögu um að
auglýsa lóðina staðfestir Sjálf-
stæðisflokkurinn, að hann vill
ekki veita öllum byggingaraðil-
um sömu möguleika á því að
sækja um eftirsóttar byggingar-
lóðir, heldur kýs að úthluta
þeim án auglýsingar sérstökum
útvöldum gæðingum. — Ég viti
harðlega þessi vinnubrögð
meirihlutans.
Albert Guðmundsson óskaði
bókað:
Vegna frumkvæða Ármanns-
fells um tillögur að skipulagi á
lóð þeirri, sem er til úthlutunar
neðan Hæðargarðs og austan
Grensásvegar, að mörkum lóða
við Bakkagerði, og samþykkt
hefur verið bæði af skipulags-
deild borgarinnar og skipulags-
stjóra rfkisins, tel ég eðlilegt,
að lóðinni verði úthlutað til Ár-
mannsfells h.f., þótt ég styðji í
meginatriðum þá skoðun að
auglýsa beri lóðir, sem til út-
hlutunar eru hverju sinni.
Jafnframt vísa ég á bug öll-
um ádeilum um vinnubrögð,
sem fram hafa komið vegna af-
greiðslu þessa máls.
„UNDRANDI
A AFGREIÐSLUNNI"
Við afgreiðslu málsins hjá
borgarráði kom fram, að 28
byggingameistarar og fyrirtæki
hafa sótt um byggingarlóðir hjá
borginni en eigi fengið út-
hlutun. Mbl. hafði samband við
eitt þessara fyrirtækja, Ein-
hamar, hf., og varð Gissur
Sigurðsson framkvæmdastjóri
fyrir svörum:
„Ég er dálítið undrandi yfir
þessarri afgreiðslu" sagði
Gissur. „Við hér hjá Einhamri
teljum okkur hafa sýnt fram á
það að við getum byggt fbúðir
töluvert undir vísitöluverði, en
samt höfum við ekki getað
fengið byggingarlóðir hjá borg-
inni. Síðast lögðum við inn um-
sókn til borgarinnar I janúar á
þessu ári. Ég hef átt fundi með
skrifstofustjóra borgarverk-
fræðings og hann hefur sýnt
mér fram á að enga lóð væri að
fá og svo er allt í einu afgreidd
upp úr þurru lóð, sem engin
vissi að ætti að byggja á íbúðir.
Kannski voru það mistökin að
leggja ekki inn skipulag af ein-
hverri lausri lóð í bænum með
umsókninni, allavega hefði ég
látið skipuleggja lóðina á horni
Hæðargarðs og Grensásvegar ef
ég hefði vitað að þar ætti að
byggja íbúðir og ef ég hefði
talið að það myndi hjálpa. Nei,
ég veit ekki til þess að þau
fyrirtæki sem ekki hafa fengið
fyrirgreiðslu hafi bundizt sam-
tökum um að mótmæla þessu,“
sagði Gissur aðspurður.
— Heimur Flóka
Framhald af bls. 25
flatteruð i myndum Flóka,
brjóst lfkt og úr plasti og skorta
jarðræna kynorku, sem gripur
skoðandann. Formin eru einnig
á stundum naumast nægilega
algjör i teikningunni, hér gæti
Flóki numið ennþá meira af
gömlu meisturunum. I penna-
teikningunum hefur Flóki litið
breytt tækni sinni, helzt i
myndum likt og nr. 2, 3, 11 og
15. Áberandi er, hve penna-
teikningarnar henta vel í bóka-
skreytingu, svo sem kemur
fram I ljóðabók Ölafs Hauks
Símonarsonar, sem er mynd-
skreytt sumum þessara mynda.
Það er nýtt, að Flóki er far-
inn að nota liti og í mynd hans
„Tristan og lsold“ kemur
fram nýr blær og áhugaverður.
Það er ómaksins vert að
skoða sýningu Flóka og eftir
aðsókninni að dæma þau skipti,
sem ég var staddur þar, getur
farið svo, að hann fari að keppa
við vörusýningarnar ...
Bragi Ásgeirsson.
Á útisvæði sýningarinnar eru meðal annars aliminkar í mörgum
mismunandi litbrigðum, allt frá kolsvörtu yfir í snjóhvítt.
Hvernig væri að taka sunnudaginn fyrir sýninguna, koma og
sýna krökkunum minkana marglitu og auðvitað margt fleira.
HAPPDRÆTTISVINNINGURINN í DAG ER:
Hrikaleiki Hornstranda
Ferð fyrir tvo með Flugfélagi íslands til ísafjarðar ásamt gistingu
á Mánakaffi. Gerður verður út leiðangur með flugfélaginu Ernir í
útsýnisflug yfir Hornstrandir.
Opnum klukkan 1.30 í dag
ALÞJÚÐLEG VÖRUSÝNING REYKJAVÍK 1975