Morgunblaðið - 04.02.1976, Síða 5

MORGUNBLAÐIÐ, MIÐVIKUDAGUR 4. FEBRUAR 1976
Helgi og Margeir
tefla um efsta sæt-
ið en Björn úr leik
SÍÐASTA umferðin á
Skákþingi Reykjavíkur
verður tefld í skák-
heimilinu við Grensásveg í
kvöld. Mikil keppni er um
efsta sætið milli hinna
kornungu skákmanna
Helga Ölafssonar og Mar-
geirs Péturssonar en Björn
Þorsteinsson, sem einnig
átti möguleika á sigri,
héfur nú endanlega misst
af strætisvagninum.
Sigurvegarinn hlýtur nafnbót-
ina Skákmeistari Reykjavíkur
1976 og öðlast rétt til að tefla á
alþjóðlega skákmótinu, sem hald-
ið verður hér í haust. Helgi hefur
reyndar tryggt sér þann rétt áður
með sigri í haustmóti TR þannig
að Margeir hreppir sætið hvernig
sem fer.
Biðskákir voru tefldar á mánu-
daginn. Fóru leikar svo að Helgi
Ölafsson vann Ómar Jónsson en
Björn Þorsteinsson tapaði fyrir
Magnúsi Sólmundarsyni. Er
staðan þannig fyrir siðustu um-
ferðina að Helgi Ólafsson hefur 8
vinninga, Margeir 7'á vinning og
Björn er þriðji með 6 vinninga. I
síðustu umferðinni teflir Helgi
við Braga Halldórsson og hefur
hvítt en Margeir teflir með svörtu
gegn Magnúsi Sólmundarsyni.
Efsta sætið í mótinu gefur sæti
i landsliðsflokki á Skákþingi ís-
lands. Þrír efstu mennirnir hafa
þegar tryggt sér réttinn þannig að
sá sem hreppir fjórða sætið öðlast
réttindin. Er mikil barátta um
það sæti milli Ómars Jónssonar,
Jónasar P. Erlingssonar, Magnús-
ar Sólmundarsonar og Kristjáns
Guðmundssonar.
Soumi minnist
Runebergsdagsins
Finnlandsfélagið Suomi mun-
minnast Runebergsdagsins 5.
febrúar n.k. með samkomu i
Norræna húsinu og hefst hún
klukkan 20.30.
Formaður félagsins flytur
Leiðrétting
Ein setning féíl niður i grein
Ingólfs Jónssonar um Pétur Guð-
mundsson í blaðinu í gær. Þar átti
að standa. „Var því ekki um annað
að ræða en hætta umfangsmikilli
búsýslu. Þórustaðir voru því seld-
ir að undanskilinni nokkurri
landspildu. Þar byggði Pétur...“
o.s.frv.
ávarp, en síðan mun Rosmarie
Rosenberg, hinn nýi finnski
lektor, flytja ávarp. Finnbogi
Guðmundsson landsbókavörður
segir frá Rasmusi Rask og les úr
bréfum hans, m.a. frásögn af ferð
hans til Finnlands árið 1818.
Skúli Halldórsson tónskáld leikur
á slaghörpu syrpu af lögum eftir
sjálfan sjg. Síðan flytur Sigurjón
Guðjónsson fyrrv. prófastur
kvæði eftir finnska höfunda í eig-
in þýðingu. Kvikmynd verður
sýnd um finnsku listakonuna Eila
Hiltunen myndhöggvara.
Kaffiveitingar með Runebergs-
tertu verða á b.oðstólum.
Aðalfundur félagsins verður
haldinn á undan þessari dagskrá
og hefst klukkan 20.00.
5
„Þráðum orðið hið upp-
runalega og hið einfalda”
Rabbað við leikarahjónin Lise Ringheim og Henning Moritzen
— Eftir að hafa verið svo lengi bundinn stórri og á margan hátt þunglamalegri
stofnun eins og Konunglega leikhúsinu danska, þá kemur að því að maður vill
slíta sig lausan. Til að gera hluti, sem mann sjálfan langar til, en ekki einhvern
annan. Við þráum það upprunalega, það einfalda.
Þessi orð voru meðal þeirra,
sem dönsku leikarahjónin Lise
Ringheim og Henning Moritzen
sögðu á fundi með fréttamönn-
um í gær. Þau komu hingað til
lands í fyrrakvöld og fyrsta
gestasýning þeirra hjá Leik-
félagi Reykjavfkur var í Iðnó í
gærkvöldi. Sýningar verða þar
einnig i kvöld og annað kvöld
og þar sem uppselt varð á
þessar þrjár sýningar þeirra á
örfáum klukkustundum hefur
verið ákveðið að sýning verði í
Austurbæjarbiói á föstudags-
kvöldið. Ágóðann af þeirri sýn-
ingu hafa þau ákveðið að gefa
Húsbyggingasjóði Leikfélags
Reykjavíkur.
Lise og Henning Moritzen
hafa í mörg ár verið meðal
fremstu og þekktustu leikara
Dana. Hún hafði starfað við
Konunglega leikhúsið í 25 ár og
hann í 17, er þau síðastliðið
vor ákváðu að slita sig laus.
Þau léku síðan í Borgundar-
hólms-revíunni við miklar vin-
sældir siðastliðið sumar og í
haust byrjuðu þau að æfa pró-
gramm það sem þau sýna hér á
landi. Hafa þau sýnt það víðs
vegar i Danmörku, sömuleiðis f
Færeyjum og næsta sumar er
ferðinni heitið til Bandaríkj-
anna, þar sem þau munu sýna
fyrir dönskumælandi innflytj-
endur.
Sýningunni skipta þau í tvo
hluta. Fyrri hlutinn er saman-
settur úr leikritum úr hinum
ólikustu áttum, en allir eiga
þættirnir það sameiginlegt —
þó svo að þeir séu sjálfstæðir að
þar er fjallað um karl og konu
— í eða utan hjónabands.
Þessir þættir eru svo tengdir
saman af Klaus Rifbjerg á
gamansaman máta. Seinni hlut-
inn býður svo upp á gaman-
vísur og söngva og í lokin flytja
þauútdrátt úrBorgundarhólms-
revíunni frá sfðastliðnu sumri,
en textarnir sem sungnir eru
þar eru eftir Rifbjerg, Leif
Panduro og Benny Andersen.
SÝNA OG SJA AÐRA
Síðasta leikritið sem þau
voru viðriðin hjá Konunglega
leikhúsinu var Equus, sem
Leikfélag Reykjavíkur sýnir
um þessar mundir. Henning
Moritzen setti verkið upp, en
hún lék eitt af minni hlut-
verkunum. — Við verðum
hérna þangað til á sunnudaginn
og munum örugglega nota tím-
ann, sem við höfum frá okkar
eigin sýningum, til að sjá aðra
leikara, sögðu þau. — Það er
verst að geta ekki séð hvernig
Equus litur út i islenzkri upp-
setningu, en sýning á þvi verki
er ekki fyrr en á sunnudaginn,
sagði Henning.
— Þegar viö völdum efni i
þetta prógramm okkar þá höfð-
um við nú ekki sýningarferðir
til annarra landa í huga. Þegar
viö komum til Færeyja i desem-
ber fengum við stórkostlegar
móttökur, fólkið var dásamlegt
og skildi allt. Þannig vonum við
að Islendingar taki okkur og
við vorum reyndar bæði hissa
og ánægð -þegar við fréttum
hversu vel aðgöngumiðasalan
Framhald á bls. 27
Alltnýjarog nýlegar vörur
Ennþá er hægt aö fá mikið úrval af fatnaöi, skóm og hljómplötum
40%—60% afsláttur
Hreint út sagt
NÆST SÍÐASTIDAGUR
LÁTIÐ EKKI HAPP ÚR HENDI SLEPPA.
TÍZKUVERZLUN UIMGA FÓLKSINS
faKARNABÆR
P AUSTURSTRÆTI 22 LAUGAVEO 66 I AUGAVEG 20a ,
ótrúlegt
vöruúrval

Sími frá skiptiborði 28155
LÆKJARGÖTU 2 SÍMI FRÁ SKIPTIBORÐI 28155