Morgunblaðið - 09.03.1977, Side 19

MORGUNBLAÐIÐ, MIÐVIKUDAGUR 9, MARZ 1977
19
FRÁ BORGARSTJÓRN - FRÁ BORGARSTJÓRN - FRÁ BORGARSTJÓRN - FRÁ BORG
Tóbaksauglýs-
ingar til umræðu
Þorbjörn Broddason (Abl)
lagði fram eftirfarandi tillögu á
fundi borgarstjórnar 3. mars. „I
tilefni af síaukinni auglýsinga-
starfsemi tóbaksinnflytjenda
samþykkir borgarstjórn eftir-
farandi: a) að skora á Alþingi að
banna þegar i stað með lögum
allar tóbaksauglýsingar á stöðum
sem opinir eru almenningi. b) að
skora á reykvíska verslunareig-
endur að bíða ekki lagasetninga,
heldur taka þegar í stað niður
allar hvatningar til reykinga, sem
kann að vera að finna í
verslunum c) að veita Krabba-
meinsfélagi íslands og Krabba-
meinsfélagi Reykjavíkur sér-
stakan einnar milljónar króna
styrk, sem varið skuli með þeim
hætti, að félögin telja farsælast í
baráttu sinni gegn áróðri innflytj-
enda tóbakseitursins.
Þorbjörn fylgdi tillögu sinni úr
hlaði og bætti því við að „tóbak
væri böl sem æskilegt væri að
draga úr með öllu hugsanlegu
móti“. Davfð Oddsson S) tók næst
til máls og kvaðst ekki sann-
færður um að rikjandi bann hefði
haft einhver sérstök áhrif. Ræddi
hann síðan nokkuð tillöguna og
lagði siðan fram breytingartillögu
við c lið og lýsti Þorbjörn Brodda-
son stuðningi sínum við hana og
svo Páll Gíslason (S). í
breytingartillögunni segir efnis-
lega að borgarráð taki upp við-
ræður við viðkomandiaðila i
Reykjavik um á hvern hátt aðstoð
borgarinnar sé best. Voru allir
liðirnir samþykktir með 15 at-
kvæðum.
Breytingar á
g jaldskrá HR
Á FUNDI borgarstjórnar 3. marz
voru samþykktar breytingar á 2.,
3., og 5. gr. á gjaldskrá Hitaveitu
Reykjavíkur. Breytingarnar eru;
2. mgr. 2. gr. orðist svo: Verður
vatnsrennsli að húsinu takmark-
að um hemil, eftir því sem þörf
krefur, og er starfsmönnum hita-
veitunnar einum heimilt að
breyta stillingu hans. 3. gr. hljóði
svo: Fyrir afnot heita vatnsins
skal greiða samkvæmt vatnsmæli
kr. 55.- fyrir hvern rúmmetra
vatns. Hitaveitunni er heimilt að
selja heitt vatn um stillanlegan,
sjálfvirkan hemil, og miðist þá
gjald til hitaveitunnar fyrir selda
orku við það hámarksrennsli, sem
hemillinn er stilltur á. Hitaveitan
breytir stillingu hemils eftir ósk-
um húseigenda frá tengidegi til 1.
marz næsta ár á eftir, en síðan
verður hemilstillingu að jafnaði
einungis breytt einu sinni á ári,
og skal beiðni um breytingu kom-
ið á framfæri við hitaveituna fyr-
ir 1. marz ár hvert. Hámarksstill-
ing hemils gildir allt árið, þótt
orkunotkun verði minni hluta úr
ári. Gjald fyrir hvern mínútulitra
er kr. 14.454,- á ári. Þar til vatns-
mælir eða hemill hefur verið sett-
ur upp, og ef vatnsmælir eða
hemill bilar, átælar hitaveitan
vatnsnotkunina með hliðsjón af
hitaþörf hússins. Hitaveitan læt-
ur húseigendum í té aukamæla
eða aukahemla, ef þess er óskað.
3. mgr. 5. gr. hljóð svo (ný mgr.):
Óski notandi þess að lesið sé á
mælitæki hans utan reglubundins
álestrartima hitaveitunnar og
honum gerður sérstakur reikn-
ingur, skal hann greiða fyrir það
gjald kr. 1.000.-.
Sjóminjadeild i minja-
safni Reykjavíkur
Sigurjón Pétursson (Abl) lagði fram
tillögu á síðasta fundi borgarstjórnar
þess efnis að stofnsett verði sjóminja-
safn í Reykjavík Safnið skuli sýna með
myndum og munum sögu og þróun
útgerðar og fiskvinnslu í borginni og
þátt þessarar atvinnugreinar í vexti og
viðgangi hennar Borgarráði og um-
hverfismálaráði verði falinn undirbún-
ingur málsins. Sigurjón fylgdi tillögu
sinni úr hlaði og sagðist ekki telja að
sjóminjasafn sem rætt hefði verið um í
Hafnarfirði myndi draga úr gildi slíks
safns fyrir Reykjavík Hann sagðist
álíta að svona safn ætti að sýna lífskjör
þess fólks sem vann við sjávarútveg.
Björgvin Guðmundsson (A) lýsti
ánægju sinni með þessa tillögu og
benti á að skemmtilegt gæti verið að fá
síðutogara í safnið sem tákn einhvers
merkasta tímabils í sögu þjóðarinnar
Elín Pálmadóttir (S) sagði að stórt og
gott sjóminjasafn væri stolt þjóðar
Hún sagðist telja það mikið vafamál
hvort borgin ætti að stofnsetja sérstakt
sjóminjasafn utan sjóminja sem varð-
veittar væru á vegum Þjóðminjasafns-
ins. Hún sagði að stærsti þáttur í sögu
útgerðar i Reykjavík væru skútur og
togarar Taldi Elín það góða hugmynd
að koma upp í þessu sambandi smá-
sýningum á litlum hlutum tengdu
þessu t.d sýningu á líkönum Elín
sagði að það væri ef til vill skemmtileg
tilhugsun að eiga skip liggjandi i varð-
veislu á sundunum en hún efaðist nú
um að skattgreiðendur í Reykjavík
myndu vilja kosta til þess því mikið
verk væri að standa að slikri varð
veislu Ræddi Elin síðan nokkuð um
sjóminjasafn það sem rísa mun trúlega
í Hafnarfirði Hún sagði hér um stórt
fyrirtæki að ræða því slíkt safn yrði að
vera myndarlegt þegar ríki og sveitar-
félag vilja standa að þvi Hún sagðist
telja að við ættum að einbeita okkur að
því að safnið verði þess verðugt að
skoða það Því væri það sitt álit að eins
og málum væri nú háttað væri ekki
ástæða til að reisa safn í Reykjavík
Elín Pálmadóttir flutti síðan frá-
visunartillögu borgarf ulltrúa Sjálf-
stæðisflokksins efnislega á þá leið að
borgarstjorn sé kunnugt um byggingu
sjóminjasafns i Hafnarfirði Með hlið-
sjón af því verði ekki stefnt að sérstöku
safni í Reykjavík heldur sjóminjadeild i
minjasafni Reykjavikurborgar
Sigurjón Pétursson bað borgarfulltrúa
Sjálfstæðisflokksins að endurskoða af-
stöðu sína.
Páll Gíslason (S) sagði að hér væri
udýrt fyrirtæki að ræða Margt
skemmtilegt gæti mönnum dottið i
hug að gera en nauðsyn bæri til að
hugsa sig vandlega um áður en fram-
kvæmt væri Svo væri nú Sagði hann
þennan tillöguflutning sýna vott um
ábyrgðarleysi svo viðamikið sem verk-
efnið væri. Hann sagðist telja skyn-
samlegast að fara varlega í þessu máli
og reyna að safna því sem hægt væri
með góðu móti
Markús Örn Antonsson (S) sagðist að
mestu leyti sammála þvi sem fram
hefði komið hjá Elinu Pálmadóttur
Hann sagði að sér dytti í hug ýmsir
hlutir sem gaman gæti verið að sýna
Það væru til dæmis ýmsir hlutir frá
stofnunum borgarinnar Með hverju ári
gætu glatast tækifæri til söfnunar
hluta
Sigurjón Pétursson sagði að aðal-
atriðið væri að láta ekki tækifærin
ganga sér úr greipum
Páll Gíslason sagði nauðsynlegt að við
sniðum okkur stakk eftir vexti Þá tóku
einnig til máls Elín Pálmadóttir og
Kristján Benediktsson Frávísunartil-
lagan var samþykkt með 9 atkvæðum
gegn sex.
Kjarvalsstaðir:
Aðgangseyrir
dugar fyrir leigu
NOKKRAR um ræður urðu á fundi borgarstjórnar 3. mars um
leigu vestursals Kjarvalsstaða Áður hafði sama mál verið rætt í
borgarráði, þar hafði verið lögð fram tillaga stjórnar Kjarvalsstaða
um að leiga verði 160.000. — en Kristján Benediktsson (F)
gerði breytingar tillögu um að leiga yrði 1 20.000. — í dag er hún
80.000,— Borgarfulltrúinn kvaddi sér hljóðs á fundinum og gerði
þessi mál að umtalsefni. Hann sagði m.a. að þó menn hefðu
skiptar skoðanir á verðákvörðunum þá vissu þeir að mismunandi
þekktir listamenn sýndu á Kjarvalsstöðum. Sumir hefðu góða
sölumöguleika aðrir væru ef til vill að ryðja sér braut og væru ekki
metnir á líðandi stund hvað sem síðar yrði upp á teningnum.
Davíð Oddsson (S) sagði að nú væri á fjárhagsáætlun fjárveiting
til listráðs Kjarvalsstaða. Ef til vill mætti nota hana til aðstoðar í
algerri neyð en það yrði þó ekki nema brot. Hann lagði síðan fram
tillögu þess efnis að hússtjórn Kjarvalsstaða myndi ákveða
hvenær verðbreytingin kæmi til framkvæmda. Rétt er að geta
þess, að Kristján endurflutti tillögu sina úr borgarráði en þar var
tillga stjórnarinnar samþykkt með 3:2. En þar sem ágreiningur
hafði orðið þar um tillöguna kom hún til afgreiðslu borgarstjórnar.
Sigurjón Pétursson (Abl) sagðist styðja tillögu Kristjáns Bene-
diktssonar. Markús Örn Antonsson (S) sagði að við hlytum að
taka tillit til stjórnar Kjarvalsstaða. Hann sagði að málverk væru
ekki alltaf slæm söluvara og þess væru ekici gömul dæmi að á
sýninau á Kjarvalsstöðum hefði selst mynd fyrir 2—300 þús.
Davío Oddsson sagði að í flestum tilfellum dygði aðgangseyrir-
inn vel fyrir leigu og síðastliðin tvö ár hefur það ekki gerst, að svo
hafi ekki verið. Tillga Kristjáns Benediktssonar var felld með 9
atkvæðum gegn 6. Tillaga um að hússtjórn skuli ákveða hvenær
hækkun gjaldskrár tekur gildi var samþykkt.
Vélfryst
skauta-
svell ?
Kristján Benediktsson (F)
lagði fram tillögu í borgarstjórn
3. mars efnislega á þá leið að
borgarstjórn samþykki að á næsta
ári verði hafist handa um bygg-
ingu á vélfrystu skautasvelli aust-
an Laugardalshallar, gerð verði
kostnaðaráætlun og þetta liggi
fyrir þegar borgarráð byrji að
fjalla um fjáFhagsáætlun fyrir
næsta ár. Flutningsmaður fylgdi
tillögu sinni úr hlaði og gat þess
að saga málsins væri orðin nokk-
uð löng. Staður hefði verið ákveð-
inn, teikningar einnig og þvi
kynni hann ekki skýringu á hvers
vegna ekki hefði verið ráðist í
mannvirkið. Kristján sagðist því
telja tíma til kominn að hafist
yrði handa, þvi skautaiþróttin
væri ein af almenningsíþróttun-
um sem fjölmargir á öllum aldri
hefðu gaman af.
Formaður íþróttaráðs, Sveinn
Björnsson (S), tók næst til máls
og sagði að skautasvell væri dýrt
mannvirki. Áður hefði verið hug-
að að byggingu þess og hugsað til
framkvæmda. Því hafi útboðs- og
verklýsing verið gerð. 1974 og
barst eitt tilboð á rúmar fimmtiu
milljónir en kostnaðaráætlun ver-
ið um þrjátiu og sjö milljónir.
Borgarstjórn hafnaði tilboðinu.
Siðan hefði þrengt að í búskapn-
um sem menn vissu. Sveinn sagði
að það væri svo ótal mörg verk-
efni sem fyrir lægju á svipuðu
sviði að erfitt yrði að meta hvað
gera skyldi næst. Sveinn sagði
eðlilegt að visa tillögu Kristjáns
til íþróttaráðs og borgarráð tæki
siðan ákvörðun um röð bygginga.
Lagði Sveinn þetta til. Krijstján
Benediktsson sagði verkefni þetta
þurfa að vera ofarlega á fram-
kvæmdaiistanum og hann gæti
fallist á tillögu um þessa máls-
meðferð. Var hún samþykkt.
áætlunarflug
póstf lug...
Suma árstíma er flugþjónusta Vængja hf. einu ®
samgöngumöguleikar fólksins í stórum byggöa -
lögum. Viö fljúgum reglulega til: H
Hellissands, Stykkishólms, Búóardals, Suöureyrar, Siglufjaröar. Bildudals, Gjögurs.
Olafsvíkur, Hvammstanga, Reykhóla, Hólmavíkur, Blönduóss Flateyrar,
Tökum aö okkur
leiguf lug. sjúkraf lug. vöruf lug
hvert á land sem er.
Höfum á aö skipa 9 og 19 farþega flugvélum.
öryggi • þægindi • hraðí
. VÆNGIR h/f
REVKJAVIKURFLUGVELLI — Símar 26066 — 26060