Morgunblaðið - 24.09.1978, Blaðsíða 3

MORGUNBLAÐIÐ, SUNNUDAGUR 24. SEPTEMBER 1978 3 5
Saga frá Kairo:
Frá gamla borxarhlutanum í Kairo.
Betiararíki
í ríkinu
Óþekktur konungur í Kairó er
sagður einn ríkasti maður
Egyptalands. Þegnar hans eru
betlarar, um 25.000 talsins, sem
sníkja árlega margar milljónir
króna af ferðamönnum og
egypzkum Múhameðstrúar-
mönnum. Hluti allrar ölmus-
unnar fer í vasa konungsins og
aðstoðarmanna hans.
Mestur stuggur stendur af
nokkrum háttsettum mönnum í
ríkinu. Þeir eru „vanskaparar"
eða áhugaskurðlæknar sem hafa
að sérgrein bæklun betlaranna.
Beiningamennirnir leita sumir
hverjir til vanskaparanna til að
auka tekjur sínar en aðrir eru
píndir af foringjum sínum til að
gangast undir aðgerð sem getur
verið fólgin í aflimun eða
margvíslegum beinbrotum sem
afskræma hendur og fætur.
Einn vanskaparinn er sagður
svo góður að hann getur látið
augun virðast blind þó að þau
séu alheilbrigð. Lögreglan telur
þó að starfsemi vanskaparanna
hafi dregizt saman á síðustu
árum því að betlurunum hafi
farið fram í að látast vera
vanskapaðir.
Hingáð til hafa allar tilraunir
til að komast að því hver
konungurinn og fylgismenn
hans eru reynzt árangurslausar.
I hverjum mánuði eru um 300
betlarar teknir fastir og yfir-
heyrðir og lögreglan hefur reynt
að blanda geði við betlarana en
viðurkennir að hún sjái lítið
annað en yfirborð starfseminn-
ar.
Hjarta konungsríkisins er
líkast til í „borg hinna dauðu“
sem er mjög stór kirkjugarður
við eystri borgarmörk Kairó.
Þar eru grafhýsi svo tugum
þúsunda skiptir sem veita yfir
250.000 flækingum húsaskjól.
Milli grafhýsanna sem eru
tveggja til þriggja hæða há
liggja mjóir, óupplýstir stigir
sem löngum hafa verið gróðrar-
stía glæpa í borg þar sem
annars er lítið af afbrotum.
Lögreglan á erfitt með að elta
nokkurn upp í borg hinna dauðu
af því að ólöglegir íbúarnir eru
tortryggnir í garð hennar og
veita henni enga aðstoð.
Þegar blaðamaður nokkur
reyndi fyrir skömmu að ná
fundi konungsins eða einhverra
aðstoðarmanna hans var honum
ráðið eindregið frá því. „Þú ert
ekki færari en lögreglan, er
það?“ spurði gamall maður sem
hafði starfað í kirkjugarðinum
allt sitt líf. „Lögreglan nær þeim
ekki og þú ekki heldur nema þú
viljir taka áhættu og þykjast
vera betlari. Ef þú gerir það
munu betlararnir veita þér
athygli og fara með þig á fund
foringjans. En þú gætir séð eftir
því þar sem þeir gætu farið með
þig til vanskaparans í sömu
ferð.“
Eini utan að komandi maður-
inn sem hefur séð vanskapara
starfa er blaðamaðurinn Abdel
Atti. Hamed. Hann lézt vera
betlari fyrir 10 árum og skrifaði
bók um reynslu sina. Eftir að
hann hafði betlað samvizkusam-
lega í þrjár vikur í einu hverfi
Alexandríu og greitt foringja 80
betlara ávallt hluta ölmusunnar
var farið með hann í gamalt hús
við borgarmörkin.
Þar voru fyrir þrír risavaxnir
menn sem héldu einhverjum
vesaling meðan sá fjórði stakk
úr honum augun. Að aðgerðinni
lokinni bjóst „læknirinn" til að
höggva af Hamed hönd og fót.
Hann bað um nokkurra daga
frest til að ganga frá einkamál-
um sínum sem hann þyrfti allra
útlima við. Honum til mikils
léttis var honum veittur frestur-
inn og hann flúði.
Sumir betlararnir hafa það
mjög gott. Gamall hrumur
maður á tíræðisaldri sem höfðar
til hinna góðhjörtuðu með tærðu
andlitinu var handtekinn með
700.000 krónur á sér. Hann átti
fasteignir sem metnar voru á
yfir 21 milljón og var með
420.000 inni á sparnaðarreikn-
ingi. Annar sem hafði viðbjóðs-
legt gifs á annarri hendinni sér
til framdráttar var handtekinn í
marz. Það kom í ljós að hann
var með 90.000 krónur í gifsinu
og rak stórt býli fyrir utan
borgina.
Það eru ekki aðeins bágstadd-
ir sem starfa í ríkinu. Enskur
menntaskólakennari var hand-
tekinn með 130.000 krónur á sér
sem hann hafði sníkt. Hann
sagði að það borgaði sig hrein-
lega að betla því að mánaðar-
launin hans væru ekki nema um
13.000 kr. Annar menntaður
betlari sem náðist var kona með
háskólapróf og talaði ensku,
frönsku og þýzku. Hún hélt
aðallega til á ferðamannastöð-
um og vakti vorkunn vegfarenda
með að hafa á handleggnum
horað, skítugt stúlkubarn sem
hún hafði leigt fyrir daginn.
Betlarinn og blaðamaðurinn
Hamed segir að verðbólgan hafi
haft áhrif á smábarnaleigu eins
og allt annað í Kairó. Fyrir 10
árum var stúlkubarn leigt á 100
kr. yfir daginn og strákar á 80
kr. Nú eru strákarnir komnir
upp í 300 kr. og stelpurnar í 450
krónur á dag.
Stjórnvöld hafa reynt á marg-
an hátt að stemma stigu við
sífelldri fjölgun betlara í Kairó
og öðrum borgun en án árang-
urs. Lögreglan reiknar með að
síðan 1970 hafi beiningamönn-
um fjölgað úr 15.000 í 25.000.
Sifelldar handtökur eiga sér
stað en það eru ekki nógu
margar stofnanir til að taka við
hinum vansköpuðu svo að þeim
er sleppt jafnóðum. Trúarbrögð-
um þjóðarinnar hefur verið
kennt um árangursleysi lögregl-
unnar. Múhameðstrú leggur
áherzlu á að fátækum eigi að
gefa ölmusu og meðan peningar
streyma jafnt frá innfæddum
sem ferðamönnum er erfitt að
fá betlarana til að hverfa frá
iðju sinni.
Einfættur betlari sem hefur
verið handtekinn 29 sinnum
síðan 1959 þegar hann var 17
ára og setið í fangelsum og
vinnubúðum jafnoft kom að
kjírna vandamálsins þegar
hann sagði: „Ég vinn mér inn
43.000 kr. á mánuði með betli
sem er meira en háttsettur
starfsmaður ríkisins hefur í
laun. Ef ríkið vill borga mér
meira en 43.000 kr. á mánuði þá
skal ég hætta að betla."
(Þýtt og endursagt úr
Los Angeles Times)
‘PHILIPS

■■

, grænn hraun-
eru að keppast við að ná. Nýja 20AX in-line
kerfið tryggir að þessir eðliíegu litir endist ár eftir
ár, þeir fölna ekki og geta ekki runnið saman.
túru geta verið ótrúlega tærir
vel til skila í
Fvrir utan þessa nýjung hefur PHILIPS
P
náttúrunni.
u náð því takmarki að
litsjónvarpstæki að sjálfsögðu til að bera
alla aðra kosti góðs tækis, sem áralöng
tækniforusta PHILIPS tryggir.
PHILIPS hafa fyrir löngu náð því tak
framleiða litsjónvarpstæki með
i eðlilegum litum, takmarki sem
PHILIPS 20AX IN-LINE
SVÍKLR EKKI LIT.
margir framleiðendur

heimilistæki sf
iAFN ARSTRÆ1
SÆ' T UN 8 — 1 5B55
PHIUPS