Morgunblaðið - 31.12.1978, Blaðsíða 29

MORGUNBLAÐIÐ, SUNNUDAGUR 31. DESEMBER 1978
29
Vogarfólkið er þekkt fyrir skemmtilegan persónuieika og
heillandi viðmót. Það er kurteist og tillitssamt og skynjar vel
tilfinningar og þarfir annarra. Réttlætiskennd vogar er rík og
hún reynir að vera sanngjörn og vinsamleg við hvern mann. Slfkt
útheimtir hins vegar mikla orku og þvf geta samskipti vogar við
aðra stundum reynt töluvert á þrek hennar. Vogarfólk hefur
yfirleitt nóg í sjálfu sér og reynir ekki að troða skoðunum sfnum
upp á aðra — að minnsta kosti ekki fyrr en vegnir hafa verið
plúsar og mfnusar. Hins vegar getur vogarfólkið átt til stirfni og
þvermóðsku og allt að þvf ágengni ef því er að skipta og það telur
á rétt sinn gengið. Vogarfólk er ekki alltaf sérlega góðir
mannþekkjarar og koma stundum upp örðugleikar vegna þessa.
Vogin er jákvæð og heldur ljúf. en þegar fólk veldur henni
vonbrigðum, snýst hún oft öndverð við og gerir þá ósanngjarnar
kröfur til viðkomandi vegna þess að hún gerir sér ekki alltaf Ijóst
að þessi vandamál eru sprottin af hennar eigin fljótfærni.
Vogarfólk hefur mikla þörf fyrir ytri fegurð og samræmi og
þolir ekki óreiðu og það sem ljótt er. Margar vogir hafa
framúrskarandi hæfileika til að bera til forystu og stjórnunar og
ná langt á þvf sviði, ef þeir beita sér á annað borð. Vogin vill
halda frið en hún vill ekki kaupa friðinn hvað sem hann kostar og
hún getur verið umdeild f meira lagi. Vogin er f langflestum
tilvikum hæfileg hlanda af jákvæðum og neikvæðum eðlisþáttum,
en benda má á að fólk f vogarmerki sem fætt er nálægt jómfrúnni
er oft of gagnrýnið á aðra og sumt vogarfólk hefur lúmskt gaman
af slúðri og slaðri.
Árið 1979 býður upp á margt ánægjulegt til handa vogarfólki.
Vfst verða á veginum vandamál sem skynsamlegt er að takast á
við snarlega, en fjölbreytni og litríki verða næg. Vinir skipta
vogir miklu máli á árinu og trúlegt að þær þurfi töluvert til
þeirra að sækja. Nýir vinir skyldu valdir af kostgæfni og
hyggilegra að treysta bönd við gamla vini en æða út f að stofna til
nýrra.
Sum þeirra vandamála sem gera vart við sig eru f sambandi við
heilsuna. Þessi vandamál eru mörg af sálrænum toga spunnin
enda vogin viðkvæm f meira lagi og gerir kröfur til sfn og
frammistöðu sinnar, svo að stundum tekur út yfir allan
þjófabálk. Peningamálin eru á hinn bóginn f stakasta lagi svo
fremi að ekki sé farið út í eyðslu og spennu. Kæruleysi í
peningamálum kynni að verða afdrifarfkt, og margar vogir
kunna lítt með fé að fara. Ferðalög sýnast ekki áberandi, enda
vogir heimakærar og una sér bezt f fámenni, þó svo að þörf þeirri
verði ekki alltaf svalað.
Rómantíkin er Iffleg og til nýrra ástarsambanda virðist stofnað
og gætu f sumum tilvikum orðið varanleg.
Nokkrir borgarar fæddir f vogarmerki. Albert Guðmundsson,
alþm.. Ellert B. Schram, alþm.. Sonja Diego, fréttamaður, Jón
Haraldsson, arkitekt, Silja Aðalsteinsdóttir. kennari, Jón Sólnes,
alþm., Svava Jakobsdóttir, alþm., Ingvar Jónasson, fiðluleikari,
Friðrik Sóphusson, alþm., Jón Ásgeirsson, tónskáld.
Sporðdrekinn er það merki stjörnuhringsins sem hvað erfiðast
er að lýsa. Fólk sem fætt er f þessu merki ber f sér miklar öfgar.
Sporðdrekar geta verið ófyrirleitnir, stjórnsamir, og hrokafullir.
Þeir koma alltaf beint framan að efninu og þeim hlutum sem við
er að fást og sjaldnast reiðubúnir til að slá af eða semja um
málamiðlun. Viljastyrkur þeirra er slfkur að takist þeim að hafa
hemil á og beizla skapsmuni sfna geta þeir náð langt og umfram
allt látið gott og nýtilegt af sér leiða. Sporðdrekar hlífa sér ekki
við starfa — og þeir hlífa ekki öðrum sem þeir umgangast heldur.
Þcir eru óhemjumiklar tilfinningaverur, þrátt fyrir hrjúft
yfirborð og gera miklar tilfinningalegar kröfur til annarra. þótt
ekki séu þeir alltaf reiðubúnir sjálfir til að gefa af sér.
Sporðdrekar eru oft bráðir f skapi og hefnigjarnir og eiga erfitt
með að fyrirgefa migjörðir þótt þær virðist ekki stórvægilegar á
mælikvarða eilffðarinnar. Stundum getur hefnigirni þeirra farið
út í hinar verstu öfgar svo að þeir ráða ekki lengur neitt við neitt.
Sporðdrekar eru baráttuglaðir og gefast ekki upp þótt móti blási,
er þá frekar að þeim hlaupi kapp í kinn. Sporðdrekar eru erfitt
fólk f umgengni og sambúð ef þeir láta eftir sér að koma fram
eins og þeir eru klæddir — og það gera þeir flestir — en þeir eru
miklum hæfileikum gæddir og hið versta mál hversu örðugt þeim
er að hemja lund sína því að það verður þeim helzti fjötur um fót.
Þeir cru ekki aðeins sálarlegar tilfinningaverur, heldur hafa
þeir löngum verið taldir einna þurftafrekastir til holdlegra
samskipta við hitt kynið. Sporðdrekar eru ágætir skipuleggjend-
ur og mikið gáfufólk er í þessu merki og þrátt fyrir alla sína
miklu vankanta eru f þessu merki hreinustu öðlingar innan um
— en þeir eru umfram allt sporðdreka-öðlingar.
Mikið verður um að vera á árinu sem í hönd fer og
sporðdrekinn ætti að fá útrás fyrir töluvert af hinni ótæmandi
orku sinni. Heppni í starfi og velgengni virðist almenn, og þeir
sem eru að hef ja ný störf una hag sínum allbærilega. En þó verða
sporðdrekar að leggja nokkuð að sér sjálfir, því Jánið og lukkan
kemur ekki skokkandi og situr um kyrrt án þess nokkuð sé fyrir
haft. Vinir eru nauðsynlegri sporðdrekum en flestum öðrum,
þrátt fyrir að þeir vilja helzt láta líta út fyrir að þeir þarfnist
ekki annarra en sjálfra sfn. Þetta ár mun einnig töluvert á vini
sporðdrekans reyna. Heilsufar hjá flestum sporðdrekum verður í
góðu lagi, minni háttar óhöpp og kvillar gera vart við sig eins og
gengur, en fátt sem sýnist stórvægilegt er í aðsigi.
Ástamálin heldur viðburðasnauð, en sporðdrekar hafa þó lag á
að ná sér í ævintýri ef þeim býður svo við að horfa. Á heimilum er
útlitið gott og helzt að greinir þar geri vart við sig fyrri hluta
árs.
Nokkrir borgarar fæddir í sporðdrekamerkinui Eiður
Guðnason, alþm., Guðrún Ásmundsdóttir, leikkona, Guðjón
Einarsson, fréttamaður, Garðar Sigurðsson alþm., Björn
Bjarnason. deildarstjóri, Þorsteinn Pálsson, ritstjóri, Pálmi
Jónsson, alþm., Garðar Gfslason, borgardómari, Sigurjón
Pétursson, forseti borgarstjórnar.
Bogamaðurinn hefur að alalsmerki heiðarleika, hispursleysi og
vitlega afstöðu til Iffsins. Fólk sem er fætt í þessu merki er að
nokkru leyti hugsjónafólk. en það er hagsýnt og fhugult Ifka og
lætur ekki draumóra ráða yfir sér. Bogamenn eru athafnasamir
og skjótráðir. Þeir eru ekki ýkja umburðarlyndir en allra sízt
geta þeir þolað órétt og óheiðarleika f hverri mynd sem hann
birtist. Bogmaður er sjálfstæður í lund og afstöðu sinni til
mannlffs og meðbræðra. ekki sérstaklega hjálpsamur eða fórnfús
en traustur og frábær vinur vina sinna. Þeir eru miklir
málskrafsmenn f jákvæðri merkingu og fólki þykir ánægja að
vera í návist þeirra. f öllum helztu grundvallaratriðum eru þeir
vænt fóik. sem að vísu hefur heitt skap og stekkur oft upp á nef
sér en þeir eru ekki langræknir. Bogmenn hafa yfirleitt
skemmtilega og óþvingaða framkomu. Þeim hættir til að taka sér
allt of margt fyrir hendur, sjást ekki fyrir og afleiðingarnar geta
oft verið töluvert innra stress sem þeir ráða illa við, Bogmenn eru
lífsglaðir en þeim, sem fæddir eru nálægt sporðdrekanum, hættir
þó við að ýkja — til gleði eða sorgar, blíðu eða strfðu. Margir
bogmenn verða dugandi forystumenn á sfnu sviði. Helzti galli
bogmanns getur verið óþolinmæði gagnvart þeim sem ekki sýna
eins mikla skerpu og þeir sjálfir. Vegna þessarar óþolinmæði geta
og spunnizt frekari vandamál en hafi bogmaður vald á henni er
björninn unninn. Breytingar og tilbreytni eru bogmanni yfirleitt
vel að skapi og ferðalög hans mesta yndi, einkum þeirra sem
annars vegar eru f nánd við sporðdrekann og hins vegar nærri
steingeitinni.
1979 lítur út fyrir að verða í meira lagi ánægjulegt og
fjölbreytilegt ár bogmanni. Engin fær þó öllu sfnu framgengt
átakalaust og við því skyldi bogmaðurinn vera viðbúinn og átta
sig á að tálmanir eru til þess gerðar að yfirvinna þær. Bogmanni
hefur oft verið nauðsyn að ígrunda mál af meiri þrautseigju en
honum hefur verið lagið. en oft á næsta ári verður það beinlfnis
nauðsynlegt að flana ekki að neinu.
Fjármálin viðráðanleg á árinu. en hyggilegra að sýna þar
nokkra aðgæzlu. Fyrir þá bogmenn sem ekki eru f hjónabandi eða
föstu sambandi býður árið upp á fjölda mörg ævintýri, flest af
þeim skilja að vfsu engin ósköp eftir sig, en þó eru f nokkrum
tilvikum mynduð tengsl sem dýrmæt verða. Heilsan verður betri á
nýju ári en þvf liðna. en f því efni sem öðrum verður bogmaður þó
að leggja nokkuð af mörkum.
Nokkrir borgarar fæddir f Bogamannsmerkinui
Kjartan Jóhannsson, ráðherra, Egill Friðlcifsson, söngstjóri,
Haukur Helgason, ritstjórnarfulltrúi, Sverrir Runólfsson,
vegagerðarmaður, Þorsteinn Gunnarsson, leikari, Geir
Hallgrfmsson. alþm. Jón Skaftason, alþm., Þórarinn Ragnarsson
blaðamaður, Kristján Eldjárn, forseti Islands.
Ríkasti þátturinn f eðli vatnsbera hefur löngum verið mannúð
og náungakærleikur. Fólk. sem er fætt í þessu merki hefur mikla
samúð með þeim sem þjást og allt af vilja gert að veita iiðsinni
sitt. Vatnsberar eru sannorðir og heiðarlegir. Þeir eru
umburðarlyndir og gera sjaldnast þær kröfur til náungans að
hann fari f einu og öllu að vilja þeirra. Þeir eru ákaflega miklir
einstaklingshyggjumenn og þar sem þeir beita sér vinna þeir
iðulega hið merkasta verk. Vegna þess að vatnsberar eru yfirleitt
þægilegir í viðmóti og vinsamlegir eru þeir vel þokkaðir. Hins
vegar eru þeir nokkuð ópersónulegir og eignast ekki marga vinl.
Vegna þess hve þeim er eiginlegt að vera alúðlegir telja fleiri þá
vini sfna en reyndin er. Vatnsberi er tryggur í vináttu sinni og
trúr f ástum og mikið þarf að ganga á svo gengið sé fram af
vatnsbera. Þá skeliir vatnsberi enda hurðinni f lás og leið er ekki
til baka. Vatnsberar hafa næmt taugakerfi og vissulega eru þeir
vatnsberar til sem eru eigingjarnir og falskir tækifærissinnar en
slfkt heyrir þó til undantekninga. Vatnsberum er mikil þörf á þvf
að meðbræður þeirra sýni þeim hlýju. enda þótt þeir séu sjálfir
ekki alltaf færir um að tjá tilfinningar sínar með orðum.
Vatnsberar eru samvizkusamir og iðjusamir f starfi og hættir á
stundum til þess að láta misnota sig vegna þess hve þeim er annt
um að siíta ekki sundur friðinn.
Árið 1979 virðist hagstætt vatnsberum sem eru metnaðargjarn-
ir og staðráðnir í að ná markmiðum sfnum. Ferðalög gætu verið
mikilsverðari en á undanförnum árum. Heilsan ( góðu lagi og hjá
þeim sem þjást af króniskum kvillum gæti Ifðanin skánað.
Fjárhagsvandi gæti komið upp og trúlegt að vatnsberar þurfi
nokkuð að herða sultarólina um hríð en það stafar einfaldlega af
því að lifað hefur verið árið á undan um efni fram. Hvað
ástamálunum viðvfkur virðist þetta ekki albezti tfminn og útlit
fyrir að vatnsberar séu svo uppteknir við önnur störf og
hugðarefni að rómantfkin verði útundan. Þó benda lfkur til að
nokkrir muni finna sér nýja og dægilcga vini sem gætu verið
vatnsbera hugnanlegir. 1979 er ekkert tfmamótaár fyrir
vatnsbera en það er annasamt og f mörgu að snúast og
athafnaþörf vatnsbera ætti að vera fullnægt. Sennilegt er að
afskiptasemi af hálfu ættingja eða vina fyrstu mánuðina, einkum
f samhandi við peningamál. fari nokkuð f taugarnar á
vatnsberanum en þá er að taka af skarið og sýna festu og
sjálfstæði. í vinnu ætti flest að ganga eðlilega fyrir sig og lítur út
fyrir að á þvf sviði nái vatnsberar umtalsverðum árangri, sem
mun koma þeim og umhverfi þeirra verulega til góða.
Skapandi iðja vatnsbera á árinu mun bera ávöxt og vekja
athygli þar sem þeir eru á þeim buxunum. Hvers konar starf að
líknar- og félagsmálum sem eru ær og kýr margra vatnsbera mun
einnig bera ágætan ávöxt.
Nokkrir borgarar fæddir í Vatnsberamerkii Friðrik Ólafsson,
forseti FIDE, Gísli Magnússon, pfanóleikari, Friðjón Þórðarson,
alþm., Tómas Helgason, prófessor, Guðni Guðmundsson, rektor,
Jóhanna Kristjónsdóttir. blaðamaður, Elfn Pálmadóttir,
blaðamaður, Jónas Kristjánsson, ritstjóri, Níels P. Sigurðsson,
sendiherra, Ágúst I. Jónsson, blaðamaður, Sigtryggur Sigtryggs-
son. blaðamaður.
Steingeit
21. desember — 19. janúar
Steingeitum er svo lýst að þær séu alvörugefnar, fhaldssamar
viljasterkar en síðan eru gerðir hinir ýmsu fyrirvarar á eins og
vera ber. Steingeitur eru kappsamasta fólkið f stjörnuhringnum,
þær eru ærlegar og kalla á virðingu annarra. Þær hafa rfka
skyldutilfinningu og vilja standa vel fyrir sfnu máli. Þær biðja
ekki svo giatt um greiða, en sé þeim gert viðvik eru þær ekki f
rónni fyrr en það er endurgoldið. Þær vilja sum sé helzt ekki
standa f neins konar skuld við aðra.
Þær hafa ýmsa fordóma en fara vel með þá og vænta þess sama
af öðrum. Til eru þær steingeitur sem eru bæði smásmyglislegar
og þröngsýnar og vilja þá Iftt gera til að setja sig inn f
hugsanagang annarra. en þessar gerðir steingeitar eru fáséðar.
Þeim er nauðsyn að njóta aðdáunar vina og ættingja þótt margar
fari vel og allt að því leynt með þá þörf sína.
Margt fólk f steingeitarmerkinu er ákaflega metnaðarsamt.
Það hefur ágætan sjálfsaga og nær markmiðum sfnum með seiglu
frekar en offorsi eða áhlaupum. Þeim er annt um að reyna að vera
réttsýnir í hverjum hlut en í skapgerð þeirra eru ýmsar sveiflur
sem sjást ekki alltaf á ytra borði, og þeim hættir nokkuð til
bölsýnis og þunglyndis ef þeim finnst Iffið leika sig grátt.
Steingeitur eru sumar frumlegar f hugsun og oft skapandi og
geta á þvf sviði getið sér mikið orð. Þeim er ráðlagt að rækta með
sér frumleikann og hugarflug og láta ekki alvarleikann ná
tökum á sér. Steingeitur eru oft ágæta vel máli farnar en óþarfa
málalengingar eru þeim ekki að skapi.
Árið 1979 einkennist af velgengni á mörgum sviðum, einkum
hjá hinum metnaðarfyllri steingeitum. Þó skyldu steingeitur taka
með í reikninginn að stundum er ytra borð glæstara en
innihaldið. Steingeitur skyldu keppa að þvf að halda
f jármálunum á hagstæðu stigi og ef vel er að unnið ætti það að
takast. f starfi verður ekki um miklar breytingar að ræða og á
heimili flest með felldu. þótt nokkur ágreiningsmál geti að vfsu
komið þar upp. Áhyggjur af heilsufari getur steingeit verið að
mestu laus við á árinu að minnsta kosti hvað sjálfa sig snertir.
Listsköpun og hugsmfði kann að taka töluvert af orku steingeitar
á árinu og enda steingeitur staðráðnar f að láta taka eftir sér.
Rómantfkin er að venju ekki rfkjandi hjá steingeitum og bendir
ekkert til að þar á verði nein umtalsverð breyting. Nokkrir
borgarar fæddir í steingeitarmerkii
Ólafur B. Thors, borgarfulltrúi, Ásbjörn Magnússon,
sölustjóri, Elfas Snæland Jónsson, blaðamaður, Ólafur Skúlason,
dómprófastur, óli Tynes, blaðamaður, Gils Guðmundsson, alþm.,
Þorhjörn Guðmundsson. ritstjórnarfulltrúi, Björn Vignir
blaðamaður. Anders Hansen, blaðamaður.
Þolinmæði, blíða og rausn eru beztu eiginleikar þeirra sem
fæddir eru f fiskamerkinu. Fiskar eru vfðsýnir og margir eru
umburðarlyndir, einkum þeir sem eru fæddir í grennd við
vatnsberamerki. Fiskar hafa sérstakt lag á þvf að eiga góð
samskipti við aðra og ná á þeim valdi, án þess það virðist fylgja
því nokkur fyrirhöfn. Fiskar eiga einnig auðvelt með að laga sig
að breyttum aðstæðum og viðhorfum. en þeir eru hálir og ekki
alltaf hægt að festa hendur á þeim. Fiskar eru harðskeyttir og
afdráttarlausir ef þeir telja sig þurfa að bera hönd fyrir höfuð
sér, en dagfarsprúðir og vellyntir að öllu jöfnu og kyrrð og næði
hugnast þeim allra bezt. Fiskar hafa yfirleitt góða kfmnigáfu og
margir þeirra hafa yndi af tónlist og bókmenntum. Þeir eru
yfirleitt vinmargir og tryggir, umhyggjusamir foreldrar og veita
börnum sfnum athygli og blfðu. En enginn er gallalaus og margir
fiskar eru ákaf lega veiklundaðir og geta ekki staðist freistingar í
neinu formi. Þeir eru f þeim tilvikum sjálfum sér og þeim sem
næstir þeim standa verstir. Þá skortir sjálfstraust og frumkvæði
og verða að ieita um of eftir þvf að aðrir taki á sig ábyrgð sem
þeir með réttu skyldu bera. Þeir lifa f sfnum eigin draumaheimi
og f honum bera þeir af öðrum. Duttlungasemi og fýlugirni
einkennir suma fiska. Ráðrfki verður vart við hjá þcim fiskum
sem fæddir eru í grennd við hrútsmerkið.
Þegar á heildina er litið gengur margt f haginn fiskum á árinu
1979, en nauðsynlegt er að hafa þó augun opin og gleypa ekki við
tillögum og/eða gylliboðum fyrr en málið hefur verið fhugað
gaumgæfilega. Búast má við að samskipti fiska við þá sem þeir
starfa með — einkum ef fiskur er yfirmaður eða atvinnurekandi
— gangi mun betur á nýja árinu en undanfarið. Þeir fiskar sem
hyggjast skipta um starf á árinu verða flestir heppnir. Á
heimavígstöðvum getur dregið til tfðinda og verður að gæta vel að
ef fiskar vilja varðveita sambönd eða hjónabönd því að ýmislegt
kann að verða þar þröskuldur í veginum. Hvað heiisufar snertir
þá Iftur út fyrir að orka og dugnaður sé með mesta móti og þvf
skyldu fiskar gæta þess að ofreyna sig ekki. Fiskar skyldu á
flestan hátt reyna að fylgja skynsamlegu mataræði. vegna þess að
sveiflurnar á árinu kunna að verða það miklar að það borgar sig
að vera sæmilega undir þær búinn Ifkamlega séð.
Þó verður árið sem fyrr segir heldur jákvætt og býður upp á
ýmsa möguleika til ánægjuauka fiskum.
Nokkrir borgarar fæddir f fiskamerkii
ólafur Jóhannesson. forsætisráðherra. Magnús Kjartansson,
fyrrv. ráðherra, Hannes H. Gissurarson, námsmaður, Hreinn
Halldórsson, íþróttamaður, Hjalti Rögnvaldsson, leikari.
Jóhannes Tómasson, blaðamaður, Árni Johnsen, blaðamaður,
Brynja Benediktsdóttir, leikstjóri, Sigrún Stefánsdóttir,
fréttamaður, Markús Á. Einarsson. veðurfra-ðingur, Björn Thors,
blaðamaður, Ólafur K. Magnússon, Ijósmyndari. Ingólfur
Guðbrandsson, söngstjóri.